Apocalipsis 13:2 - Nuevo Testamento Toba Maskoy

² Malha lhta kemhava kaselha nevhak nengai'o m'a, amankok alhto ka malha oso nak, atong alhto kanhan malha iama akmeiva. Ka menasma lhta akiavai'a nkanke lhta akmovana kakpota nhan aktanema aveske, kanhan akiavai'a akientalhnemo.

Apocalipsis 13:2 Iomraidhean Croise

2 Timoteo 4:17

Apveske lhtoka hepasmoma, heiaiangko nhan asiennaktema kakpota apaiaksek aklhamakho nkek ania'a aktaqmanma napaqtavek na aplhamakho metnangko nak judios, hevongkeskanke lhta nhan tep malha lhta ntemak iama akmeiva nak akmahai'a heiaqhek ma'a.

1 Pedro 5:8

Amanie la apkenmahai'a ellanangkok qaselhaha, nkaimelhkek nkolketmok apvalho'ok sekhe, elketnamok hata nhan ngkanek mankotno emmo'ok aveske keliaqhameio' nloka motaha malha aktonak akmeiva la'a akielhaivekamaha akteniai'a mota akmak'akha la nkotvok akiokho nkoie.

Apocalipsis 12:13

Netamen ma'a menasma akiavai'a lhta nema akienienta takhalhet lhepop, akiakmasengka lhta ngkelvana akvetai'a lhta atka.

Apocalipsis 12:15

Koka ntepkaske lhta iemmen atong menasma akiavai'a nak malha lhta ntakhak alvata akiavai'a la'a kakpota nkosvo niekhe iemmen aniema ngkelvana.

Apocalipsis 12:9

Nne lhta nhan akieniantamo koneng menasma akiavai'a kanhan ángeles atlhelhma'ak akieto takhalhet lhepop. Tep nak nanek akietnemo m'a menasma nak, akvesai'a nhan aveske keliaqhameiok, mo'ok akvesai'a Satanas, aliennengkaseiangka mota enenlhet'avok alhmankek ham.

Apocalipsis 13:12

Nte lhta aveske naqtek kaselha nevhak nengai'o amanie lhta akteiapma, mmaikama lhta nhan akientalhnemo ankok ma'a. Nkeleltave lhta lhamakho enenlhet'avok elteklhengkok aptapno'ok naqtek kaselha nevhak nengai'o amanie lhta akteiapma, akto lhta nhan nema aktaqmelkeskaiam akiavai'a akiensema.

Apocalipsis 13:4

Apkelteklhengke lhta aptapno'ok lhepop naqtek menasma akiavai'a lhta aniem'o apkellai'o, lhta songkek aiangko akientalhnemo m'a kaselha nevhak alhta nengai'o. Ka apkelteklhengko lhta nhan aptapno'ok naqtek ma'a kaselha nevhak alhta, lhta aptangkok: —Avanhek ankek akietnema akientalhnemo qaselha nevhak anak nengai'o, mamma nhan avanko nkammelhek —lhta aptangkok ma'a.

Apocalipsis 16:10

Ka apiangkeno lhta mokhom quinto ángel nohaikok takhalhet aktanema aveske qaselha nevhak nengai'o lhta m'a. Apiennakteske lhta lhma aktemakha la aveske takhaplhet'ok enenlhet'avok anko'ok ma'a, apkeltaklhengke lhta nhan apalhko'ok aniem'o akmaska apkellengaiangko.

Apocalipsis 17:12

Ka 10 lhek nkapet'ok apvetai'a lhkek lheiap ma'a, akietkesammalhka 10 metnangko mokhom apkelveskaie', etlhevangkok hata aptaikamok apkelveskaie' akvakmo lhema alanei'o knem, elpasmekhak hata nhan ma'a kaselha nevhak lhek nengai'o.

Apocalipsis 19:20

Koka mpathetalhke lhta qaselha nevhak nengai'o akieplomo nhan altennaskama ania'a ankok alhta apmopvana ania'a, apkelanai'a lhta mota qaselha mongenatkeskama naqtek ma'a. Apkeliennengkeskangke lhta nhan apnaikamok alhta aqnaktalheskama alqama ankok ma'a, apkellelto lhta nhan apkelteklheikamok aptapno'ok naqtek nema akietkeskamo akiokha m'a kaselha nevhak nengai'o lhta. Koka nkelpathetalhke lhta lhemek ma'a qaselha nevhak nengai'o kakpota nhan ania'a niapom ankok, nne lhta alienievo akieplomo aktaikamok alhnankok akieto sanga akietnemakha alaivomo talha kanhan azufre.

Apocalipsis 2:13

"Asiave ko'o apnek lheiap akieto akietnemakha nak aktanema aveske Satanas, man koka heieniekhak lheiap, meietnekhok nahan, mang na hei'askeiakmok lheiap neksa apmatnama alhta Antipas apto lhta nhan ma'a apaieskama mota ania'a asvesai'a ko'o, meietnekho lhta nhan ma'a Antipas, lhtoka apmatnamak ma'a akieto aknemakha Satanas.

Apocalipsis 20:2

Apathetke lhta m'a menasma akiavai'a lhta akvaneiam akvesai'a aveske keliaqhameio', mo'ok nema ltema Satanas. Apkelpelhketo lhta nhan cadena aliavai'a lhta, apienievo nhan malhek konne kankek. Ka aptaqmelkaso lhta nhan apkapekha atong ma'a akvaiakmo ta m'a 1.000 anio kakpota mankoliennenkasama enenlhet'avok lhmankek ham. Netamen hato ka m'a ngkolhek hata akpaqnemakho mokhom ma'a, akiakvatakho nkek hato ka m'a.