Apocalipsis 13:16 - Nuevo Testamento Toba Maskoy16 Nkeleltave lhta nhan nkonaktalhaksek mongenatkeskama alqama ankok akieto akiennakha apmek nlho ka la paihakha napa'at nematkak, apkeliav'o, nema apkelletsekama, metka apkelletsekama, nema allasennaikama nema apkelianmoma kakpota nhan metnangko nema apkelianmoma, aplhamakho apanke enenlhet'avok lhmankek ham. Faic an caibideil |
Apocalipsis 13:16
26 Iomraidhean Croise
Nenlhaniek ennengko'o nhan nengelelto nak Jesucristo apkennemolhema, judios, griegos, nema allasennaikama nema apkelianmoma, metnangko nema apkelianmoma, nenlhaniek ma'a. Nnengkek na hengellavkeskamo konne iemmen, malha lhema koka ntaiekhak neniokha m'a aniem'o vanlha nhan lhema Espíritu, nemo nhan hengellaiangko Espíritu nak ma'a.
Apnemo po'ok enenlhet napaqtek Eniapom Neten metka apkeliekammap, ka aktonak judio, griego, mankolhnaikamo nak aliaqtemenammalhka nekhatko'ok apkellammelhakha, metka nak aliaqtemenammalhka nekhatko'ok apkellammelhakha, niekhe apiav'akha la temma aptaqmanma, nlho ka la temma apketkok akmaselhte qaselha apankok, niekhe nhan nema allasennaikama nema apkelianmoma, metnangko nema apkelianmoma, apkennemo po'ok koka m'a ngkanek Cristo apkakhangkek nengaqtek ma'a aplhamakho m'a, apto nhan neten apankek apiaspommap ma'a.
Ka enenlhet'avok anak meliamolhma alheno lhkek apkellammelhma hengetlhekmoskama akto nak have niapak ankek, ka aptaiangkolha lhnak nanek ma'a enenlhet apkelvesai'a Janes kakpota nhan Jambres, apkellammelhmo lhnak nanek apketlhekmoskama aplheianma Moises, nnavek na m'a enenlhet'avok anak nenvanlha nak aliaseiangko mota lhma alketamekamok apvalho'ok ngkollatsekama, apkeliaskeiakmek na Eniapom Neten.
Avanhek apkelloma enenlhet'avok lhmankek ham ngkanek ngva'ak aknem aploma lheiap. Eliekpelkok hata nhan aktaqmanma nlho ka la ngkollatsekama apkelanai'a apkeletsepma nak, ellangkok hata nhan apianmongkeskama apkellelto lhta apkellasennaikama apkeleltennaskamo ania'a apankok. Ellangkok hata nhan apianmongkeskama apkellelto apkelpokkenammap, apkellelto nhan apkellai'o apvesai'a, nlho ka la nhan apkelientalhnemo, melientalhnemo nhan, nkolhok hata mo'ok apkellaikamok akiaqmoiekha m'a. Koka enaqtevaksek hata lheiap apkellelto nak apnaqtevaskama takhalhet lhepop —lhta aptangkok metno apketko'ok ma'a.
Asvet'a lhta nhan malha alvata alhnai'o nkek iemmen malha ieiam appok la'a nenvetai'o konne, nema angkaiekha lhtoka talha. Apkelaknama lhta m'a takhalhet iemmen alvata apkellelto lhta apkeltemeskesekha koneng qaselha nevhak alhta nengai'o kanhan nema akietkeskamo lhta alanemmalhka akiokha m'a. Mellaiangko lhta nhan nkolelqaksek numero ankok akvesai'a apiempeiok ma'a. Apnangke lhta nhan arpa apankok Eniapom Neten ma'a.
kotavamok aphapetek apkelveskai'e, apveske kempokhakme, enenlhet apkeliennaktema, etanlheng aphapetek, apkellelto nhan apkelkanantema, aphapetek enenlhet'avok aplhamakho apkeltemakha, nema allasennaikama nema apkelianmoma, metnangko nema apkelianmoma, enenlhet aptangko neten apankavek kanhan metnangko neten apankavek —lhta aptak ángel apkellano anata aktekamok enghapak.
Koka mpathetalhke lhta qaselha nevhak nengai'o akieplomo nhan altennaskama ania'a ankok alhta apmopvana ania'a, apkelanai'a lhta mota qaselha mongenatkeskama naqtek ma'a. Apkeliennengkeskangke lhta nhan apnaikamok alhta aqnaktalheskama alqama ankok ma'a, apkellelto lhta nhan apkelteklheikamok aptapno'ok naqtek nema akietkeskamo akiokha m'a kaselha nevhak nengai'o lhta. Koka nkelpathetalhke lhta lhemek ma'a qaselha nevhak nengai'o kakpota nhan ania'a niapom ankok, nne lhta alienievo akieplomo aktaikamok alhnankok akieto sanga akietnemakha alaivomo talha kanhan azufre.
Netamen asleng'o mokhom nema aliatekama aniem'o akieto aptanema apveske, lhta nna akto: —Ketlhengkap apkellelto nak apkellasennaikama m'a, apkellelto nhan apkellai'o, melientalhnemo, apkelientalhnemo nhan ¡nietavek eliavenkaskesok apvesai'a Eniapom Neten apveske engankok! —lhta ntak nema aliatekama m'a.
Askelvet'o lhta nhan apkeletsepma lhta, apkeliav'o, apketkeietse apkelanvakhe lhta m'a naqtek aptanema apveske. Netamen alhta m'a akno anmaiesakho vakkahak, netamen na mo'ok vakkahak akiennaktema enneniek ankok. Nne lhta alietsato vakkahak kakpota ngkolhek aliekpelkok apkeltemakha ngkollatsekama nlho ka la aktaqmanma m'a neksa apkelaniemhaikama lhta nalhepop.
Asvet'o lhta mokhom apkelveskai'e apkakhangko apkeltanema apkelveskai'e m'a neten, nne lhta allangko apkenmopvanka'a kakpota eliekpelkok apkeltemakha enenlhet'avok lhamakho aiempek lhmankek ham. Asvet'o nhan apkel·hangok ma'a nema aliaqtemanma lhta apiaspok aniem'o mota apkelpaieskama ania'a aplhenammap Jesús kakpota nhan apkeleltennaikama Eniapom Neten apaivoma. Ma lhta nhan elteklheiangkok aptapno'ok naqtavek qaselha nevhak alhta nengai'o kakpota nhan nema akietkeskamo akiokha nke alanemmalhka m'a. Meleltemo lhta nhan ngkolhek apnaqtalheso akvesai'a alpaihakha napaqta'a, apmeio'ok nahan. Koka apnaklhatekhangvakme lhta nhan ma'a apieseksek apkenmaskengvaiakmo enenlhet'avok alhta m'a, aptangkokho lhta nhan apkelveskai'e apkelpasmekha Cristo akvakmo ta 1.000 anio.
Netamen apkeniangko lhta apkelveskai'e lhmankek ham, kanhan nema apkelletsekama, capitanes, kanhan nema apkenmopvanka'a, kakpota nhan aplhamakho nema allasennaikama nema apkelianmoma kanhan metnangko nema apkelianmoma. Apkelielhanengvakmo lhta m'a alalhva'ak metaimong, kakpota nhan aiseksek metaimong aliavai'a aliaqiema akieto m'a nalhma akhaiam.
Sanasan