Apocalipsis 12:9 - Nuevo Testamento Toba Maskoy

⁹ Nne lhta nhan akieniantamo koneng menasma akiavai'a kanhan ángeles atlhelhma'ak akieto takhalhet lhepop. Tep nak nanek akietnemo m'a menasma nak, akvesai'a nhan aveske keliaqhameiok, mo'ok akvesai'a Satanas, aliennengkaseiangka mota enenlhet'avok alhmankek ham.

Apocalipsis 12:9 Iomraidhean Croise

Lucas 10:18

Lhnak aptemak Jesús apkellatemmoiangka: —Hai, asvet'ak lhek Satanas akteiakmo neten malha apkelienmoma lhke ntak ma'a.

Lucas 13:16

Ko'o nhan nkaimelhkak alekkesek akmaska aiempek ngkelvana nak aptaven neptamen Abraham, 18 iantelhkapa ntemak malha aktetema Satanas, ntasek astaqmelkasakho aknem sabado nennekhelha nak —lhna aptemak Jesús apkellanemo m'a.

Lucas 22:3

Ka aktalhnemo lhnak Satanas Judas Iscariote apvalhok ma'a, apto lhnak na lhema apieseksek apkeltamesaikamok Jesús.

Lucas 22:31

Lhnak aptemak Apveske apkanemo Pedro: —Simon, etaqmelkaso no apkailhemo, nkeltavek Satanas nkolievhesama ketlhengkap malha aptemo nak trigo nema akievhesaikama nak.

Lucas 8:12

Moklhem'a enenlhet ngva'ak ma'a aknemo m'a aktek lhek akpalleiam amai. Apkellailhemo ania'a koka kolhvavek ankek na ngva'ak aveske keliaqhameio', ka akmenielhkaso ania'a lhkek kakpota eliaskamok, melvongkasakpek tep na m'a.

Juan 12:31

Ngvakmek aknem lhmanke nak ham nkoiekpelkalhkak hata ngkollatsekama kanhan aktaqmanma nak. Ngkolhek hata nhan aktepkeso aktemo nak aveske lhmankek ham.

Juan 14:30

Ketse nkaimelhkak aknem akmaskemakha askelpaqmetkeskama ketlhengkap, ngkanek nkanketva'ak aveske lhma nkek ham, koka mamma akmovana hetneskasentak koneng ma'a.

Juan 16:11

Aktemo nak aveske lhmankek ham, nnek akiekpelko aktemakha m'a, nlhenalhkek na akto akselhnanemmalhka m'a.

Juan 8:44

¡Aveske keliaqhameio' atkak ketlhengkap! Vanlha mota apkelleliehekho m'a, nentekioma niapom ma'a tep nak nanek ampai'osekha lhmankek ham, kakpota nhan akmovana ania'a anko ie, ngken na nenmopvana ania'a nak.

Hechos 26:18

Kakpota nkotlheianvomok apvalho'ok elvatesangkok na apkelloma ienaqtesakha lhma m'a aniem'o nak anmaikama Satanas. Kakpota ellasekhekhok Eniapom Neten, elloka nhan atsak'elha lhma elieploma nhan Eniapom Neten, meliaskamek na asvesai'a ko'o. Netamen Eniapom Neten etneskesama ta apankek meleliehekho apkellaskamakha m'a, etneskesangkok na apkelpokkanma", lhta aptak heiano Jesús ma'a.

Hechos 5:3

Koka lhnak aptemak Pedro apkanemo Ananias ma'a: —¿Se lha ntak apkangko nak akmangka lheiap Satanas, he? ¡Apiennengkaskek Espíritu Santo lheiap, apkel·hatsosakhek na nekha patakkom akiaqmoiekha alhta lhepop apankok apiamasma!

Romanos 16:18

Nkanek have apkellasennaikama Apveske engankok Cristo m'a enenlhet'avok anak, vanlha aptengiaikamo mota anmahai'elha la apvalho'ok apanko'ok apankavek. Apkeltakmelkasave mota apkelpaqmetkesaikama apkellelto nak meliangveiakmo kakpota eliennengkesek ma'a.

Romanos 16:20

Ketse nkaimelhka Eniapom Neten apto aktaqmelaikama engvalho'ok aniapom apteiokmek apaieskamo Satanas, epekkanvetak hata nhan koneng apmangkok ketlhengkap ham. Hai', askeltavek ko'o Apveske engankok Jesucristo eltaqmelkeskesek apkellaniemhaikama ketlhengkap ham.

2 Corintios 11:14

Aptaiangke mota m'a, nnavek na Satanas anak nkelietkesalhkek malha ángel aknema apkapommatema nak.

2 Corintios 11:3

Nkak'avek ko eneniek nkoliennenkeskak menasma nkolienieskasekhak Cristo aptaikamok apkelleliehekho iokhalhmek ankek, akiennengkeskamo lhnak nanek na Eva m'a.

2 Corintios 12:7

Akvai'o lhta mota nhan apaskama Satanas kakpota hetvaksek ko'o, malha helielhaqlhema lhta mota ntemak ketama eiempehek kakpota mankovhek askammalhko aniem'o asvetai'a akvetai'a ehaqtek.

2 Corintios 2:11

Etnamok hata ketlhengkap astakha lhkek kakpota mankoltemeskesantek koneng Satanas, neliavek ennengko'o akmak'akha la nkolana mota ngkolatsekama.

2 Corintios 4:4

apkeliaskakmek na m'a aniem'o aveske hengke'e nalhepop anak nkeltemeskaskek malha ienaqtesa lhma apaqto'ok. Mankonmak'ak elvetak apommatema akto neten anko ie aniem'o m'a ania'a aktaqmanma nak aplhenammap Cristo apto aknema apmopvana, apnemo nhan Eniapom Neten ma'a.

Efesios 4:14

Nkomaskok ma'a nentangko malha nematka nak mankoliennaktema apvalho'ok kolhvavek anke nak akiaqmoiekha mo'ok alketamekama apvalho'ok. Kolhvavek ankek na eiaqmonkasangkok mo'ok nematlhekmoskama ngkolatsekama apketsokmo la enenlhet apkenmopvanka'a nak heniennengkesek, koka malha al·hanemmalhka m'a.

2 Tesalonicenses 2:3

Koka mellanko nkek eliennengkeskak ma'a, amanie apvekta ta Apveske elvak hata apkellammelhma Eniapom Neten kakpota ellammelhek ma'a, eiephongvak hata enenlhet meihamolhma nkolhek hata aktevaso m'a.

1 Timoteo 2:14

have lhta nhan apmanie Adan nema akiennengkeskama, vanlha lhta ngkelvana nemo akiennengkeskamo m'a, netamen akiekai'o lhta apaivoma Eniapom Neten ma'a.

2 Timoteo 3:13

koka apkellelto nak meliamolhma kanhan apkeliennengkeskama nak po'ok, nkovenke pankok hata apkellanekamok qaselha ngkollatsekama nak, aplhaniek hata etnangkok apkeliennengkeskama enenlhet'avok, koka ngkolhek hata nhan aliennengkasakho m'a.

Hebreos 2:14

Ka Eniapom Neten apketkak anak enenlhet apankavek ma'a, nietnek aphapetek kanhan ema apanko'ok ka nkeniemai'ak na aptaiekho lhta enenlhet apankek Jesús ma'a, ka apketsepmo nhan ma'a, aptemeskesekho lhta nhan koneng aveske netsepma akvesai'a nak aveske keliaqhameio'.

1 Pedro 5:8

Amanie la apkenmahai'a ellanangkok qaselhaha, nkaimelhkek nkolketmok apvalho'ok sekhe, elketnamok hata nhan ngkanek mankotno emmo'ok aveske keliaqhameio' nloka motaha malha aktonak akmeiva la'a akielhaivekamaha akteniai'a mota akmak'akha la nkotvok akiokho nkoie.

1 Juan 5:19

Nengeliavek na ennengko'o nelleniem'o Eniapom Neten, koka apkellelto nak meleliehekhok malha aknaktetema m'a maniamolhma ngken anak.

Judas 1:9

Koka Miguel apto lhnak apveske ángeles, ngvai'ak nanek na akvannammalhka apvalhok eimatkesek ma'a aveske keliaqhameio neksa apkeliamenammap ma'a apkenmeiommap apiempek apketsepma Moises, lhnak nanek aptemak ma'a: "Apveske toka etakneva lheia", lhna aptemak.

Apocalipsis 12:12

¡Kopaihekha ta av'alhok neten kanhan apkellelto apkelloma m'a neten! ¡koka ketlhengkap la ie' apkelloma nak takhalhet lhepop kanhan apkelloma nak alvata! Ngkanek ngvaivantaniek aveske keliaqhameiok apkelammelhma ta ketlhengkap ham, mangkasak aknatheskama m'a ngkanek niavek na ketsek nkaimelhka aknem nkotvasalhkak hata m'a —lhta ntak nema aliatekama m'a.

Apocalipsis 12:3

Asvet'o lhta nhan mokhom kaselha mongenatkeskama neten, lhema kaselha nevhak akloma akielhvasema lhta m'a. Malha menasma akiavai'a lhta m'a, 7 lhta apqatko'ok ma'a, 10 alhtoka nhan apet'ok, 7 lhta nhan aknaktetema apqatkok.

Apocalipsis 12:7

Asvet'o lhta nhan mokhom apkennapommap neten, apveske ángeles apvesai'a Miguel kakpota nhan apketlhelhma'ak apkennapekpe lhta menasma akiavai'a kakpota nhan ángeles anko'ok atlhelhma'ak.

Apocalipsis 12:8

Ma lhtoka nkoltemeskesentak koneng ma'a, kno nhan alentepkeso m'a neten.

Apocalipsis 13:14

Nkeliennenkaske lhta aplhamakho enenlhet'avok aniem'o allanai'a qaselha mongenatkeskama, nemo lhta aiangkoho naqtek ma'a kaselha nevhak amanie lhta akteiapma. Nkeleltave lhta nhan ellanangkok apkelietkeskamo akiokha m'a kaselha nevhak akiavai'a lhta akiensaskama pelettav akvenaktema, aktaqmanveiam alhta nhan ma'a.

Apocalipsis 16:14

Koka napnekteng anak ma'a allelto lhta kasekapok av'alho'ok, aknema anmovanka'a nkollanangkok qaselha mongenatkeskama. Atlhengo nhan ma'a apkenmahai'a eniankesekhak apkeliav'akha apkelveskai'e lhmankek ham kakpota ngkotnek ma'a apkennapommap Eniapom Neten apto vanlha lhema aphapak aknema apmopvana apanke akvo'o ta akiavai'a aknem apankok ma'a.

Apocalipsis 18:2

Apiennakteso lhta nhan apaivoma m'a, lhta aptak: —Nnek aktevaso apiav'akha temma Babilonia, ntakhek akhaiangkolha kasekapok av'alho'ok, alielhanmomakha nhan lhamakho aktemakha kasekapok av'alho'ok alpaiseiam, ntangkokhek na alhano'ok anata ngkollatsekama alpaiseiam.

Apocalipsis 18:23

Ienaqtesa lhma ta nhan ngkotnek akieto nak lheia, nkomaskengvomok hata nhan aklengammalhka apaivoma nema aptava kanhan nema atava aliemhapakha la'a. Nkanek macatero anko lhta lheia' apkellelto neten apankavek ma'a, nkeliennenkeskangkek lheia lhamakho apkellavakha lhmankek ham aniem'o aktema iolhma nkoihamolhma —lhta aptak ángel.

Apocalipsis 19:20

Koka mpathetalhke lhta qaselha nevhak nengai'o akieplomo nhan altennaskama ania'a ankok alhta apmopvana ania'a, apkelanai'a lhta mota qaselha mongenatkeskama naqtek ma'a. Apkeliennengkeskangke lhta nhan apnaikamok alhta aqnaktalheskama alqama ankok ma'a, apkellelto lhta nhan apkelteklheikamok aptapno'ok naqtek nema akietkeskamo akiokha m'a kaselha nevhak nengai'o lhta. Koka nkelpathetalhke lhta lhemek ma'a qaselha nevhak nengai'o kakpota nhan ania'a niapom ankok, nne lhta alienievo akieplomo aktaikamok alhnankok akieto sanga akietnemakha alaivomo talha kanhan azufre.

Apocalipsis 2:13

"Asiave ko'o apnek lheiap akieto akietnemakha nak aktanema aveske Satanas, man koka heieniekhak lheiap, meietnekhok nahan, mang na hei'askeiakmok lheiap neksa apmatnama alhta Antipas apto lhta nhan ma'a apaieskama mota ania'a asvesai'a ko'o, meietnekho lhta nhan ma'a Antipas, lhtoka apmatnamak ma'a akieto aknemakha Satanas.

Apocalipsis 2:24

Koka ketlhengkap ham ko Tiatira apkellelto nak melieplavkeskama atlhekmosekamok ngkelvana nak, meteniaikamok na atlhekmosekamok akvesai'a qaselha akielhammalhka konne ankek aniem'o m'a ankok Satanas, vanlha askeltavek ko allangkok lhema aspaioma.

Apocalipsis 2:9

"Asiave ko'o aplengaiangko mota lheiap, mamma apketsekama, koka malha aptemak nema la apketsekama. Asiavek na ko'o apkeltaknongkoma lheiap ma'a apkellelto nak apkeleltammakpo pankave nak judios, koka apkellelto ankesekhelha mota Satanas ma'a.

Apocalipsis 20:10

Netamen ma'a ngkolhek hata akienievo aveske keliaqhameio aniem'o aliennengkasekama akieto m'a sanga akietnemakha talha kanhan azufre. Akieniommalhkelha lhta nhan ma'a kaselha nevhak nengai'o lhta kakpota nhan altennaskama ania'a ankok alhta apmopvana ania'a. Nkolhek hata aliaqmongkaskesakho altemakha m'a lhamakho aknem, pelhasep nahan metka akvaiam annelha aliekaikamok iantelhkapa.

Apocalipsis 20:8

Nkotiepok hata, nkoliennenkasama ta enenlhet'avok akieto lhmankek ham, nelhkeiha, nepeiam, tep aknem kanhan mankolha aknem, ko Gog ka nhan Magog. Nkankesekhak hata kempokhakme kakpota ennapakpok ma'a, apentalhnema apankek hata kempokhakme, mammopvana angelietsetek, malha lhepop aktek anak neiava' alvata aknangkongvaiam.

Apocalipsis 3:9

Koka apkakhangkek ma'a moklhem'a apketlhenammakpo apankavek apkellelto judios, koka have m'a, apkellelto koka niekhe ankesekhelha Satanas ma'a. Alelteklhekkeskakhak hata ehenkek ko'o aptapno'ok napaqtek lheiap ma'a ngkanek askamelaiam na lheiap, lhamakho enenlhet hata nhan elvetak ma'a.

Apocalipsis 9:1

Netamen apaivaso mokhom trompeta quinto ángel, asvet'o lhta lhema iav'a apteiam alhta nalhepop, nne lhta angko lhema llave ankok malhek konne kankek.

Apocalipsis 9:20

Ma lhtoka elvatesaiangkok apkellanekamok ngkollatsekama m'a apkellelto lhta metekioma aniem'o m'a qaselha lhkek akmovana hentevaksek. Nheklhe lhtoka apkelteklheikamok aptapno'ok naqtavek kasekapok av'alho'ok kakpota nhan qaselha akiokha la alanemmalhka alienmomo oro, plata, bronce, metaimong kakpota nhan iamet nekha'a. Mankomovana nak nkota lhma, nkonnak nahan, mankomovana nha nkolhong ma'a qaselha akiokha nak ma'a.