Apocalipsis 12:3 - Nuevo Testamento Toba Maskoy

³ Asvet'o lhta nhan mokhom kaselha mongenatkeskama neten, lhema kaselha nevhak akloma akielhvasema lhta m'a. Malha menasma akiavai'a lhta m'a, 7 lhta apqatko'ok ma'a, 10 alhtoka nhan apet'ok, 7 lhta nhan aknaktetema apqatkok.

Apocalipsis 12:3 Iomraidhean Croise

Apocalipsis 12:1

Netamen asvet'o mokhom qaselha mongenatkeskama neten. Lhema ngkelvana lhta m'a, nkapommatke lhta malha lhta ntak aknem, kakpota nhan koneng amankok pelten, nietne lhta alhanma apqatek 12 iav'a m'a.

Apocalipsis 12:13

Netamen ma'a menasma akiavai'a lhta nema akienienta takhalhet lhepop, akiakmasengka lhta ngkelvana akvetai'a lhta atka.

Apocalipsis 12:17

Ma lhta nkasak ankek aklavo menasma akiavai'a alan'o ngkelvana lhta m'a. Mmeiakhe lhta m'a kakpota nkonnapalhkak aplhamakha atkak netamen ma'a ngkelvana, apkellelto apkelleliehekho mota henganemakha Eniapom Neten, apkellelto nhan apketlhengkeskama apketlheianma apvesai'a Jesucristo.

Apocalipsis 12:4

Mmakheske lhta nhan aipakiek akpalesakmo nalhepop tercera lhema nekha iav'a neten anak. Ka netamen ma'a akteteskakmo aknakha ngkelvana lhta mmahai'a nkotengkesek atka, kakpota nkotvok apteiakmo ta atka m'a.

Apocalipsis 12:7

Asvet'o lhta nhan mokhom apkennapommap neten, apveske ángeles apvesai'a Miguel kakpota nhan apketlhelhma'ak apkennapekpe lhta menasma akiavai'a kakpota nhan ángeles anko'ok atlhelhma'ak.

Apocalipsis 12:9

Nne lhta nhan akieniantamo koneng menasma akiavai'a kanhan ángeles atlhelhma'ak akieto takhalhet lhepop. Tep nak nanek akietnemo m'a menasma nak, akvesai'a nhan aveske keliaqhameiok, mo'ok akvesai'a Satanas, aliennengkaseiangka mota enenlhet'avok alhmankek ham.

Apocalipsis 13:1

Asvet'o lhta aktepo nemmen lhema kaselha nevhak nengai'o nkek, 7 lhta apqatko'ok, moklhem'a lhta nhan nnangkok apqatko'ok anak alelqasemmalhka m'a altaqnonkoma Eniapom Neten. 10 alhta nhan nkapet'ok, 10 alhta nhan aknaktetemmalhka nko'ok ma'a.

Apocalipsis 13:2

Malha lhta kemhava kaselha nevhak nengai'o m'a, amankok alhto ka malha oso nak, atong alhto kanhan malha iama akmeiva. Ka menasma lhta akiavai'a nkanke lhta akmovana kakpota nhan aktanema aveske, kanhan akiavai'a akientalhnemo.

Apocalipsis 13:4

Apkelteklhengke lhta aptapno'ok lhepop naqtek menasma akiavai'a lhta aniem'o apkellai'o, lhta songkek aiangko akientalhnemo m'a kaselha nevhak alhta nengai'o. Ka apkelteklhengko lhta nhan aptapno'ok naqtek ma'a kaselha nevhak alhta, lhta aptangkok: —Avanhek ankek akietnema akientalhnemo qaselha nevhak anak nengai'o, mamma nhan avanko nkammelhek —lhta aptangkok ma'a.

Apocalipsis 15:1

Asvet'a lhta mokhom mo'ok qaselha mongenatkeskama akiavai'a nkek neten, akiemaskama engvalhok alhta m'a. 7 ángeles nnangkok 7 aktakha nnelha qaselha akmovana hentevaksek. Hata aksavhelhko ta m'a, aktakha nnelha ta aploma Eniapom Neten.

Apocalipsis 16:13

Asvet'o lhta mokhom menasma akiavai'a lhta m'a kanhan kaselha nevhak alhta nengai'o, kanhan apkeltennasemmap ania'a apmopvana ania'a. Nkelentepke lhta atno'ok mokhelhm'a nak ma'a 3 kasekapo av'alho'ok alpaiseiam malha napnekteng.

Apocalipsis 17:12

Ka 10 lhek nkapet'ok apvetai'a lhkek lheiap ma'a, akietkesammalhka 10 metnangko mokhom apkelveskaie', etlhevangkok hata aptaikamok apkelveskaie' akvakmo lhema alanei'o knem, elpasmekhak hata nhan ma'a kaselha nevhak lhek nengai'o.

Apocalipsis 17:16

Ka 10 lhek nkapet'ok kanhan kaselha nevhak lhek nengai'o eltaknongvakhak hata ngkelvana lhkek alanaktema, elieniekhak hata nhan alhnai'o m'a, etavokhak hata nhan apetek ankok ma'a, elvanlhekhak hata nhan akieplomo talha apak ma'a.

Apocalipsis 17:7

Koka lhta aptak heiano ángel: —¿Se lha ntak akteiakmo nak apvalhok lheiap ke, he? Kolhva koka asmak'ak alpeiveskasekhak lheiap aktemakha akietkesammalhka ngkelvana nak kakpota nhan kaselha nevhak lhek nengai'o anantema, 7 apqatko'ok kakpota nhan 10 nkapet'ok.

Apocalipsis 19:12

Nkelapommatke lhta apaqto'ok malha lhta nta kto nak talha. Nlhanie lhta nhan apnaktetema apqatek, nietne lhta nhan aktalhesammalhka apvesai'a apanke monioho mokhom ma'a, vanlha lhtoka apiavek ma'a.

Apocalipsis 20:2

Apathetke lhta m'a menasma akiavai'a lhta akvaneiam akvesai'a aveske keliaqhameio', mo'ok nema ltema Satanas. Apkelpelhketo lhta nhan cadena aliavai'a lhta, apienievo nhan malhek konne kankek. Ka aptaqmelkaso lhta nhan apkapekha atong ma'a akvaiakmo ta m'a 1.000 anio kakpota mankoliennenkasama enenlhet'avok lhmankek ham. Netamen hato ka m'a ngkolhek hata akpaqnemakho mokhom ma'a, akiakvatakho nkek hato ka m'a.