Apocalipsis 11:8 - Nuevo Testamento Toba Maskoy

⁸ Elhnangko ta aphapavok amai aiseksek apiav'akha temma akietemelha lhta nhan ma'a apkelhnammakpelha neten iamet aktenneskama Apveske apanko'ok alhta ma'a, koka apiav'akha ta temma nak ma'a malha niekhe Sodoma kanhan Egipto.

Apocalipsis 11:8 Iomraidhean Croise

Hechos 9:4

Ka apteiaiakmo lhnak nalhepop, aplengai'o nhan nema aliatekama, lhna ntemak: —¿Saulo, Saulo, sek la kto lheiap heiaqmasengka nak ke, he? —lhna ntemak nema aliatekama m'a.

Hebreos 13:12

Nnavek na m'a Jesús apmatengvekhek nepiava' apiav'akha temma kakpota etneskasangkok enenlhet'avok apkelpokkanma Eniapom Neten aniem'o ema apankok ma'a.

Hebreos 6:6

Hai, apkeliepkonme lhta ketlhengkap ma'a lhamakho qaselha altaqmanma nak, koka apkelieniakho la'a mankollapvankek mokhom eliaqmongkasekhak mo'ok apvalho'ok, ngkotnekhak kelha malha mokhom apkeliaqlhaklhema neten iamet aktenneskama Eniapom Neten apketka kakpota eliemetkasama kelha enenlhet'avok ma'a.

2 Pedro 2:6

Apnaqtevasekho lhnak nanek na Eniapom Neten apiav'akha temma Sodoma kanhan Gomorra, apvanlhekho akvakmo aptangkokho tahap ma'a kakpota elvetak enenlhet'avok ma'a aktemakha apkelvetai'a enenlhet'avok apkellanekamok ngkollatsekama.

Judas 1:7

Apkellengaiangkek nak nek na akientalhnema enenlhet'avok ma'a ko Sodoma kanhan Gomorra kanhan mo'ok apkellavakha nekhav'ak apkennemolhema. Apkellaneiangko lhnak na ne mota apkellanaktema manganemmalhkelha nak antangkok, apkenmekho lhnak nanek na apkenno lhemek ma'a. Lhnak na nek na nkeniemai'ak ma'a apketlhevaiangko nema aliaqmongkasekha aptaiangkolha akieplomo talha metka aksepanai'a kakpota nhan ngkotnek nema allaskama aplhamakho enenlhet'avok ellanangkok aktemo nak ma'a.

Apocalipsis 11:13

Mpelapkaske lhta akievhengka lhepop akiavai'a, apkeliaqnengke lhta decima lhema nekha pa'at apiav'akha temma lhta m'a, apkeletsepke lhta 7.000 enenlhet'avok aniem'o akievhekama lhepop, koka apkellelto lhta meletsepma kolhvave lhta apkeliavenkaskesama apvesai'a Eniapom Neten aniem'o apkellai'a m'a.

Apocalipsis 11:9

Hanetolhema aknem medio elvetak hata nhan apentalhnema enenlhet'avok apkelleniem'o lhamakho aptemakha na temma, aknema apkelpasmekha apketkak neptamen, lhamakho aptemakha apkelpakmeiasma kanhan apkellavakha. Meleltakpek hata nhan ngkolhek aknengkanvakmo m'a nemakha aknengkanveianlha enghapak.

Apocalipsis 14:20

Ka nema nak alietsemongama uva akielhna akieto m'a nepiava temma, koka ntepkek ema m'a nemakha alietsemongamo uva akielhna akvakmo m'a akietnema m'a nengatkeskamakha apatong etanlheng, akvakmo nhan 300 kilometros akietnema akpaihengvaiam ma'a.

Apocalipsis 14:8

Ka apteiapvo'o lhta mokhom po'ok ángel, lhta aptak ma'a: —Aptevasekpe apiokho apiav'akha temma Babilonia ngkanek malha alienkeskaiam antak vino nkok anmokhetkeskama enenlhet kakpota nkonmensavkesek mo'ok apkellavakha —lhta aptak ángel.

Apocalipsis 16:19

Nkeliapkesakhe lhta m'a 3 nekha'ak apiav'akha temma Babilonia, apkeliaqnengke lhta nhan lhamakho temma mo'ok apkellavakha. Nlheianvakhave lhta nhan apvalhok Eniapom Neten apkeltemakha ngkolatsekama ko Babilonia kakpota elienkesek hata nohaikok vino akiavai'a nkek aploma m'a.

Apocalipsis 17:1

Hetetes ko'o lhta lhema aphapak ángel apkeniem'o apieseksek alhta m'a 7 ángeles apketsoiangka lhta nhan nohaikok 7, lhta aptak heiano m'a: —Nok, ateskese ta lheiap nema akiaqmongkasekha aktemakha ngkelvana akto neten ankek alanaktema aknema takhalhet'ok iemmen.

Apocalipsis 17:18

Koka ngkelvana apvet'o lhkek lheiap akietkesammalhka m'a apiav'akha temma, akto nhan aveske takhaplhet'ok apkelveskai'e nko'ok lhmankek ham —lhta aptak heiano ángel ma'a.

Apocalipsis 17:5

Nietne lhta nhan aktalhesammalhka akpaihakha na'at akvesai'a mammopvana anioho, lhta ntak alqama hengke'e: "Akiavai'a nkek Babilonia ngkana'ak nan ma'a ngkelvana'ak allanaktema kakpota nhan qaselha ngkollatsekama nkek", lhta ntak aktalhesammalhka akpaihakha na'at ma'a.

Apocalipsis 18:10

Koka melteteskamek hata nhan ma'a aniem'o apkellai'a aktakha aklengaiangko m'a, mokhek hata elaqnek ma'a elammelhok, hata etnangkok na m'a: "¡Ai, mamma nkotneskesek lheia apiav'akha temma Babilonia, nietne lhta niekhe akmovana, koka mpelapkaske akvet'o akientalhnema nkek ham!"

Apocalipsis 18:18

Elvetak hata akmeta eten ankok ma'a apiav'akha temma, elvenama ta nhan ma'a, hata etnangkok: "Koka apiav'akha lhta temma, akto lhta niekhe neten ankek akiaspommalhka melhnok po'ok la temma"

Apocalipsis 18:2

Apiennakteso lhta nhan apaivoma m'a, lhta aptak: —Nnek aktevaso apiav'akha temma Babilonia, ntakhek akhaiangkolha kasekapok av'alho'ok, alielhanmomakha nhan lhamakho aktemakha kasekapok av'alho'ok alpaiseiam, ntangkokhek na alhano'ok anata ngkollatsekama alpaiseiam.

Apocalipsis 18:21

Netamen asvet'o lhta mokhom po'ok ángel aknema apmopvana apanke, apkenenkasakhe lhta neten lhema metaimong akiavai'a akiaqiema malha lhta akto nak akteklheklhema nak trigo, ka apieniantamo lhta takhalhet alvata iemmen, lhta aptak: —Hata ngkotnek lheia hengke'e apiav'akha temma Babilonia, kno ta akieniantamo koneng akiennaktema nkek koka, mankotalhkek hata mokhom.

Apocalipsis 18:24

Hai', hata ngkotnek ma'a apiav'akha temma nak ngkanek ngvetalhkek ma'a ema apanko'ok apkeleltennasemmap ania'a, kanhan apkellelto apkelpokkenammap, kanhan aplhamakho aptekioma takhalhet lhepop lhmankek ham.