Apocalipsis 11:7 - Nuevo Testamento Toba Maskoy

⁷ Hata apkelpeneso ta apkelpaieskama ania'a astemakha ko'o m'a, nkotiepok hata nhan lhema kaselha nevhak nengai'o nkek konne malhek konne kankek, nkonnapalhkak hata m'a apqanet anak askellasennaikama apkelioho ko'o astemakha, nkoltemeskasenta ta koneng, nkonnapok hata nhan ma'a.

Apocalipsis 11:7 Iomraidhean Croise

Lucas 13:32

Apkatemmoikama lhnak Jesús ma'a: —Maleng ma'a Herodes, eleltennaskakha ta alentepkesek hata kasekapok av'alho'ok, altakmelkasekhak hata nhan anmaska apiempeiok aknem anak, sosekha kanhan mo'ok sosekha, netamen apenaksek hata asmakmekama. Alhong mokhom alhengama akieto Jerusalen, koka m'a aptekiomakha lhna mota apkeleltennasemmap ania'a m'a.

Lucas 8:31

Ka allaioseiangka lhnak mankoleltemok ellapaksek akieto malhek konnek ankek ma'a.

Juan 17:4

Askelvetaskaskek aknema apmopvana lheiap hengke'e nalhepop anak napaqtavek enenlhet'avok, aspeneskek na apkeltemo lhta alanak lheiap.

Hechos 20:24

Koka mamma aptaikama evalhok angvetsepok kelhaha, askeltavek ko'o asavhok asmakmekama malha askelpaivasemmalhka aptakha lhta apaivoma Apveske Jesús heiano akieplomo akpaihekha evalhok, apkeltemo lhta apaiaksek ania'a aktaqmanma aplhenammap hengellamelaiam Eniapom Neten.

2 Timoteo 4:7

ngkanek heiasennaikama aktaqmanma nkek ma'a, astemengke mota nhan malha kto nak soldado apmopvana la ennapakpok, malha nhan astemak ma'a apkelpaivasemmap la'a apvaiam anak akiensasemmalhka nak, molvateskakmok na moi'askeiam.

Apocalipsis 11:3

Koka allapaksek hata apqanet askellasennaikama apkellelto apkelioho astemakha ko'o etlhenek hata astakha alheianma ko'o akvakmo 1.260 aknem, elentalhnekhak hata mota apkelentalhnema apkeltavkeskama nak apiempeiok anmaiosak'a nak apvalho'ok anko'ok.

Apocalipsis 12:17

Ma lhta nkasak ankek aklavo menasma akiavai'a alan'o ngkelvana lhta m'a. Mmeiakhe lhta m'a kakpota nkonnapalhkak aplhamakha atkak netamen ma'a ngkelvana, apkellelto apkelleliehekho mota henganemakha Eniapom Neten, apkellelto nhan apketlhengkeskama apketlheianma apvesai'a Jesucristo.

Apocalipsis 13:11

Netamen, asvet'o lhta mokhom mo'ok kaselha nevhak nengai'o, ntepke lhta aiseksek lhepop. Nietne lhta hanet apet'ok ma'a malha lhta niekhe nepkesek anak apkenno apkapet'ok, koka malha lhta nhan menasma akiavai'a akpaivoma m'a.

Apocalipsis 13:7

Nne lhta nhan angkoho kakpota nkonnapalhkak apkellelto apkelpokkenammap akvakmo nhan altemeskesakho koneng. Nne lhta nhan angkoho ngkotnek akientalhnemo takhaplhet'ok lhamakho aknema apkelpasmekha apketkak neptamen, lhamakho aptemakha natemma, apkelpaqmeiasma, kanhan lhamakho aptemakha apkellavakha.