Apocalipsis 11:19 - Nuevo Testamento Toba Maskoy

¹⁹ Asvet'a lhta nhan ma'a neten atong nema akmaiesekha Eniapom Neten apnemakha. Nietne lhta m'a konne iamet aiseksek aknaiangkolha metaimong nekha alqasemmalhka annemo mo'ok apvalho'ok lhnak nanek apkenmahai'akha etnangkok Eniapom Neten kanhan apkennemolhema. Mpelapkaske lhta apkelienmakmo m'a, akiennoma lhma, apkelelhtenioma, akievhekama lhepop kakpota nhan aliavai'a ahekho'ok ma'a.

Apocalipsis 11:19 Iomraidhean Croise

Apocalipsis 11:13

Mpelapkaske lhta akievhengka lhepop akiavai'a, apkeliaqnengke lhta decima lhema nekha pa'at apiav'akha temma lhta m'a, apkeletsepke lhta 7.000 enenlhet'avok aniem'o akievhekama lhepop, koka apkellelto lhta meletsepma kolhvave lhta apkeliavenkaskesama apvesai'a Eniapom Neten aniem'o apkellai'a m'a.

Apocalipsis 11:15

Netamen apaivaso mokhom trompeta septimo ángel, ka asleng'o lhta nema alpaqmeiasma aliennaktema nkek neten, lhta ntak: —Kolhvave nak lhmankek ham aptangkek apkelveskai'e Apveske engankok kakpota nhan apto apkapasammap apvesai'a Cristo, aptaikamok apkelveskaie metka akvaiam annelha aliekaikamok iantelhkapa —lhta ntangkok nema alpaqmeiasma.

Apocalipsis 12:1

Netamen asvet'o mokhom qaselha mongenatkeskama neten. Lhema ngkelvana lhta m'a, nkapommatke lhta malha lhta ntak aknem, kakpota nhan koneng amankok pelten, nietne lhta alhanma apqatek 12 iav'a m'a.

Apocalipsis 16:1

Asleng'o lhta nhan nema aliatekama akiennaktema nkek aktepo m'a konne pa'at akpokkenammalhka, lhta ntak allano 7 ángeles alhta m'a: —Enmeiakha ha'e, eliangkenamok hata 7 nohaikok anak allaneiangko Eniapom Neten aploma takhalhet lhepop anak ma'a —lhta ntak nema aliatekama.

Apocalipsis 16:18

Mpelapkaske lhta apkellelienmakmo m'a, apkelelhteniokme lhta nhan akieplomo nema akiapqalhekama akiennaktema nkek. Avanhe lhta nhan akievhekama lhepop ma'a mankolhno sekhe ankek tep nak nanek apkelloma lhnak nanek enenlhet.

Apocalipsis 16:21

Akpallakmo lhta nhan ahekho'ok alleniem'o neten takhaplhet'ok enenlhet'avok lhmankek ham. Aliavai'a nkek ma'a, malha 40 kilo lhta lhema akiaqiema. Netamen enenlhet'avok apkeltaknevangka lhta apvesai'a Eniapom Neten aniem'o akiavai'a akientalhnema qaselha akmovana hentevaksek apiaqmongkasekha apkeltemakha meliamolhma m'a.

Apocalipsis 19:11

Ka asvet'o lhta akmaihakho neten ma'a, apiangke lhta lhema etanlheng akmopai'a m'a. Apto lhta apkanantema m'a apvesai'a metka apietnekho hempasmoma, kakpota nhan apto iokhalhmek ankek. Apte lhta mota apveske apeivomo, apkennapommap nahan.

Apocalipsis 4:1

Netamen alhta m'a, asvet'o mokhom atong akmaihekha akieto m'a neten, lhta ntak heiano mokhom nema aliatekama lhta akiennaktema nke lhta apaivoma, malha lhta ntak trompeta nak akpaivoma, lhta ntak: —Enianamet halep, ataskesek hata lhamakho qaselha akmak'akha ta ngkotnek netamen ma'a —lhta ntak heiano nema aliatekama.

Apocalipsis 4:5

Nkelentepke lhta m'a apkelienmoma, apkelhtenioma kakpota nhan nema alpaqmeiasma akieto m'a aiseksek aptanema apveske. Nkellalaive lhta nhan 7 talha alhanko'ok ammelhakha aptanema aktaqmanma m'a, alietkesammalhka lhtoka m'a 7 espíritus aniem'o Eniapom Neten.

Apocalipsis 7:15

Ka ngkanek elloka mota napaqtek Eniapom Neten apnema aptanema apveske m'a, ellasennama mota nhan knem anke, pelhasep nahan akieto m'a apnemakha. Apto apnema nak aptanema apveske etnangko mota apketlhelhma'ak, eltaqmelkesek nahan.

Apocalipsis 8:5

Ka apkenmo lhta nhan ángel melhma aknaikamok ma'a alvanlhemmalhkelha qaselha, aplhatmom'a melhma alhankok, ka apieniantamo lhta takhalhet lhepop lhmankek ham. Mpelapkaske lhta nhan akvakmo apkelhtenioma akiennaktema nkek ma'a kanhan nema aliatekama, apkelienmoma nhan kakpota nhan akievhekama lhepop.

Apocalipsis 8:7

Apaivaso lhta apmanie ángel ma'a, mpelapkaske lhta nema alhaienta ahekho'ok nalhepop kakpota nhan talha ema akiepetkai'a. Hanetolhem'a nekha'ak anak mmetke lhta lhema nekha lhepop kanhan iamet kakpota nhan lhamakho panaktema alielsellemo.