Apocalipsis 11:15 - Nuevo Testamento Toba Maskoy

¹⁵ Netamen apaivaso mokhom trompeta septimo ángel, ka asleng'o lhta nema alpaqmeiasma aliennaktema nkek neten, lhta ntak: —Kolhvave nak lhmankek ham aptangkek apkelveskai'e Apveske engankok kakpota nhan apto apkapasammap apvesai'a Cristo, aptaikamok apkelveskaie metka akvaiam annelha aliekaikamok iantelhkapa —lhta ntangkok nema alpaqmeiasma.

Apocalipsis 11:15 Iomraidhean Croise

Lucas 1:33

Etnek hata nhan apveske apanko'ok ko Israel mankotnengveianlha nnelha, have niapak ankek ma'a —lhna aptemak ángel.

Lucas 15:10

Nnavek na m'a ángeles apkellapaskama Eniapom Neten nkolpaihekhak hata apvalho'ok apiaqmongkasakho la mo'ok apvalhok lhema enenlhet apkelanai'a ngkollatsekama —lhna aptemak Jesús.

Lucas 15:6

Apvakhek hata nkek apnemakha m'a, ellavama ta apkennemolhema kanhan apkeltaiangkolha apketlhelhma'ak nengaqte, hata etnek: "Mpaihakhek ko'o evalhok, asvetakhek lhek nepkesek apketkok alhta aplheneiam, kolpaihekha ta nhan apvalho'ok ketlhengkap", hata etnek ma'a.

Hechos 4:26

Apkaknekho nhan ma'a apkeliav'akha apkelveskaie lhma nkek ham kakpota nhan gobernadores, apkelmaleniosemmakpo apkenmahai'a elammelhek Apveske kakpota nhan apto apkeliekieskama Cristo».

Hebreos 1:8

Koka aptemak aplheianmo aptemakha apketka hengke'e: «Lheiap Eniapom Neten, etnek hata apveske metka akvaiam annelha aliekaikamok iantelhkapa, elanak hata mota akto akpeivomo.

Apocalipsis 10:7

apaivasakho ta trompeta septimo ángel ngkovomok hata aknem aktemakha akielhammalhka apeneskamo apmak'akha etnek Eniapom Neten, aptemakha lhnak nanek na apkellanema apkellasennaikama apkeleltennaskamo ania'a apankok —lhta aptak heiano ángel ma'a.

Apocalipsis 12:10

Netamen ma'a asleng'o lhta nema aliatekama akiennaktema nkek neten, lhta ntak: —Kolhva ngva'ak nengelvongkasemmalhka tep, ngva'ak na apmopvana kanhan aptema apveske Eniapom Neten enganko'ok. Nengvet'ak na apientalhnemo apto apkapaskama lhta apvesai'a Cristo ngkanek nne lhta aktepkeso neten akto henlheianma ngken, akto lhta mota aklheianma apkelvesai'a engelialheng'a napaqtek Eniapom neten ma'a.

Apocalipsis 15:4

Ellahok hata mota enenlhet'avok lheiap Apveske, eliavenkaskesok hata nhan apvesai'a ngkanek apto Apokkenammap memangveiam ngkolatsekama, lhamakho apkellavakha lhmankek ham elelhiemok hata apnakha lheiap kakpota elteklhengkok aptapno'ok napaqtek ma'a aniem'o apkellai'o, ngkanek apkelvetai'ak akpeivomo qaselha apkelanai'a mota lheiap —lhta aptangkok apkennekmasengko m'a.

Apocalipsis 16:17

Ka apiangkeno lhta mokhom septimo ángel nohaikok takhalhet akieto neten akmeioianlha alhkaiam. Mpelapkaske lhta mokhom aktepo nema aliatekama akiennaktema nkek akieto konne pa'at akpokkenammalhka, naqtek ma'a aptanema apveske, lhta ntak: —¡Mpenesalhkehe! —lhta ntak nema aliatekama.

Apocalipsis 17:14

Nkonnapalhkak hata akieplomo atlhelhma'ak ma'a Nepkesek Apketkok, koka koneng hata etneskasentak ma'a ngkanek apto Apveske neten apankek melhnok po'ok apveske la'a, Apiav'akha Apveske nhan neten apankek melhnok po'ok apiav'akha apveske. Etnangkok hata nhan apketlhelhma'ak apkellelto lhta apkellavommap anak, apkeliekiesammap nahan kanhan apkelleliehekho mota m'a —lhta aptak heiano ángel ma'a.

Apocalipsis 19:1

Netamen asleng'o lhta mokhom akiennoma lhma neten, malha lhta aptonak aplhamakma apankek la enenlhet'avok akiennaktema nkek ma'a, lhta aptangkok: —¡Aleluya! Angeliavenkaskesok apvesai'a apveske engankok, Eniapom Neten apto aknema apmopvana apanke, hengelvongkaskek tep, ietavek ellahok apvesai'a m'a

Apocalipsis 19:6

Asleng'o lhta nhan nkeskama apkelpaqmeiasma enenlhet'avok, malha lhta ntak akpaivoma nak aiempek iemmen aksepkanmakha la'a, malha lhta nha ntak apiennaktema la apkelhtenioma, lhta ntak: —¡Aleluya, ietavek angeliavenkaskesok apvesai'a Eniapom Neten apto vanlha lhema aphapak apmopvana apanke! Ngkanek nkenavek aptema apveske kolhvave nak.

Apocalipsis 20:4

Asvet'o lhta mokhom apkelveskai'e apkakhangko apkeltanema apkelveskai'e m'a neten, nne lhta allangko apkenmopvanka'a kakpota eliekpelkok apkeltemakha enenlhet'avok lhamakho aiempek lhmankek ham. Asvet'o nhan apkel·hangok ma'a nema aliaqtemanma lhta apiaspok aniem'o mota apkelpaieskama ania'a aplhenammap Jesús kakpota nhan apkeleltennaikama Eniapom Neten apaivoma. Ma lhta nhan elteklheiangkok aptapno'ok naqtavek qaselha nevhak alhta nengai'o kakpota nhan nema akietkeskamo akiokha nke alanemmalhka m'a. Meleltemo lhta nhan ngkolhek apnaqtalheso akvesai'a alpaihakha napaqta'a, apmeio'ok nahan. Koka apnaklhatekhangvakme lhta nhan ma'a apieseksek apkenmaskengvaiakmo enenlhet'avok alhta m'a, aptangkokho lhta nhan apkelveskai'e apkelpasmekha Cristo akvakmo ta 1.000 anio.

Apocalipsis 8:12

Netamen apaivaso lhta mokhom trompeta cuarto ángel, nne lhta akiensaso tercera lhema nekha aknem, tercera lhema napokha pelten, tercera lhema nekha nhan apiav'a apkellapommatema. Ka apkelienakteso lhta lhma m'a mok tercera lhema nekha aknem, pelten kanhan apiav'a. Mamma lhta nha ntak apommatma aknem anke nak tercera lhema nekha aknem anke nak, kanhan pelhasep anak mamma lhta apommatema tercera lhema nekha pelhasep la'a.

Apocalipsis 9:1

Netamen apaivaso mokhom trompeta quinto ángel, asvet'o lhta lhema iav'a apteiam alhta nalhepop, nne lhta angko lhema llave ankok malhek konne kankek.

Apocalipsis 9:13

Netamen apaivaso mokhom trompeta sexto ángel, mpelapkaske lhta asleng'o aktepo nema aliatekama aiseksek alvanlhemmalhkelha qaselha alienmomo oro akieto m'a apkammelhakha Eniapom Neten. Nav'ak alhto ka nkelanmak ma'a malha 4 nentoskama nak nkapeto'ok.