Apocalipsis 11:12 - Nuevo Testamento Toba Maskoy

¹² Koka apkellelto lhta apnaklhatekhangveiam ma'a apkelleng'o lhta nhan nema aliatekama akiennaktema nkek aniem'o lhta m'a neten, lhta ntak: —¡Enmeianta hengke'e! —lhta ntak ma'a. Ka apkenmeiakho lhta neten ma'a lhema iephopai'a lhta apkelkanantema, apkelvet'a lhta nhan ma'a apkellelto apkellammelhmakha lhta.

Apocalipsis 11:12 Iomraidhean Croise

Lucas 16:23

Avanhek ankek nak aplengaiangko akientalhnema m'a akieto ngkolatsenkolha apkeletsepmakha, ka apkammelhmo lhnak neten, apvetai'o lhnak Abraham kakpota nhan Lazaro apnemo lhnak lhemek ma'a,

Hechos 1:9

Apkelvetai'o lhnak akpelapkeskama nkek nema akiantemekha neten Jesús ma'a akvakho lhna ntemak allapakho iephopai'a m'a. Nkelpelapkeskangkek nak na apkelenteiapvei'o apqanet enenlhet napaqtavek ma'a, apkenmopai'a lhnak apkelentalhnema m'a, lhna aptaiangkok:

1 Tesalonicenses 4:17

netamen ennengko'o nentangko nak enhalhnankok mokhom ngkolhek hata henlaqlakho lhemek apkellelto lhta apkeletsepma aiseksek iephopai'a kakpota angelvetangvakhak Apveske m'a neten, hata angelloka mota lhemek metka nnelha m'a.

Apocalipsis 12:5

Ngvet'a lhta atka ngkelvana apkennavo lhta m'a kakpota etnek hata apveske apiennaktema takhaplhet'ok lhamakho apkellavakha lhma nkek ham, emama ta m'a iaqiopvahek tavapak koka. Nne lhta akvo'o nematka apietnakha m'a, kno lhta nhan aksakho napaqtek Eniapom Neten, naqtek na aptanema apveske m'a.

Apocalipsis 3:21

Apkellelto ta apkeliephongveiakmo, altok hata eniakhangkok lheme astanema nak, ko lhta nhan asto asiephongveiakmo, asnek na aptanema nak Tata".

Apocalipsis 4:1

Netamen alhta m'a, asvet'o mokhom atong akmaihekha akieto m'a neten, lhta ntak heiano mokhom nema aliatekama lhta akiennaktema nke lhta apaivoma, malha lhta ntak trompeta nak akpaivoma, lhta ntak: —Enianamet halep, ataskesek hata lhamakho qaselha akmak'akha ta ngkotnek netamen ma'a —lhta ntak heiano nema aliatekama.