Apocalipsis 10:11 - Nuevo Testamento Toba Maskoy

¹¹ Netamen alhta aptak heiano mokhom: —Eltennes hata mokhom ania'a apmak'akha etnek Eniapom neten napaqtavek enenlhet'avok apnakha la temma, apiav'akha temma, lhamakho aktemakha la apkelpakmeiasma apkellavakha, kakpota nhan napaqtavek apkeliav'akha apkelveskai'e —lhta ntak heiano nema aliatekama.

Apocalipsis 10:11 Iomraidhean Croise

Apocalipsis 10:10

Ka asmo lhta vakkahak atkok ma'a apmaikama lhta ángel, astavo lhta m'a. Have lhta nta niapak ma'a, atse lhta ntak ehetong anak, koka evakmo nkaske lhta.

Apocalipsis 11:1

Netamen kno lhta heiangko lhema iamet atkok nema alietkeskama ankok, lhta ntak heiano: —Eniakha elietkeskakha ta Eniapom Neten apnemakha kakpota nhan alvanlhemmalhkelha nak qaselha, elietset hata nhan enenlhet'avok apkellelto apkelteklheikamok aptapno'ok napaqtek Eniapom Neten aniem'o apkellai'o m'a.

Apocalipsis 11:9

Hanetolhema aknem medio elvetak hata nhan apentalhnema enenlhet'avok apkelleniem'o lhamakho aptemakha na temma, aknema apkelpasmekha apketkak neptamen, lhamakho aptemakha apkelpakmeiasma kanhan apkellavakha. Meleltakpek hata nhan ngkolhek aknengkanvakmo m'a nemakha aknengkanveianlha enghapak.

Apocalipsis 14:6

Asvet'o lhta mokhom apkempangka aiseksek neten po'ok ángel, apsekama lhtoka ania'a aktaqmanma mangkotnengvaiam annelha kakpota eleltennasama takhalhet lhepop lhmankek ham. Lhamakho aktemakha apkellavakha, aknema apkelpasmekha apketkak neptamen, lhamakho aptemakha apkelpaqmeiasma kakpota nhan natemma apketkok.

Apocalipsis 17:10

akietkesammalhka nhan 7 apkeliav'akha apkelveskaie'. Apkeletsepke lhtoka m'a 5, kolhva koka lhema aphapak apankek apveske nenvanlha nak. Netamen hata m'a evak po'ok, akiakvatakho nkek hato ka etnek apveske m'a.

Apocalipsis 17:12

Ka 10 lhek nkapet'ok apvetai'a lhkek lheiap ma'a, akietkesammalhka 10 metnangko mokhom apkelveskaie', etlhevangkok hata aptaikamok apkelveskaie' akvakmo lhema alanei'o knem, elpasmekhak hata nhan ma'a kaselha nevhak lhek nengai'o.

Apocalipsis 17:15

Netamen ma'a lhta aptak mokhom heiano ángel: —Koka iemmen apvet'o lhkek aknema takhalhet ngkelvana alanaktema m'a, akietkesammalhka koka m'a enenlhet'avok lhmankek ham, lhamakho apkellavakha, apkelpakmeiasma nhan.

Apocalipsis 5:9

Ka apkennekmasengko lhta nhan lhema nennekmaskama alhnankok ma'a, lhta ntemak: —Vanlha lheiap apto akietemo nkek emok, emaiesekhak na nema aliepetkeskama vakkahak anak ngkanek apmatnangke lhta lheiap, apianmongkeskekho lhta ema apankok kakpota hengel·hatsoskakhak neksa hengenmaikama mongeliamolhma, henlaqlekho lhta nhan ma'a napaqtek Eniapom Neten nenlhamakho ennengko'o kakpota nhan apkakhangko natemma lhmankek ham, aknema apkelpasmekhak apketkak kanhan lhamakho aktemakha apkelpaqmeiasma.