Apocalipsis 1:5 - Nuevo Testamento Toba Maskoy

⁵ Aniem'o nhan ma'a Jesucristo apto apvetaiangko panke, aplhenekho mota nhan akto have niapak ankek, apto lhta nhan aplhatekhangveiam apmanie apieseksek apkenmaskengvaiakmo, aptemo nhan takhaplhet'ok ma'a apkelveskaie lhmankek ham. Avanhek ankek hengellamelaiam Jesucristo, malha hengellalhnaskeskama lhta nhan engelvalho'ok malha alpaiseiam aniem'o nellanekamok ngkollatsekama, aniem'o lhta nhan akiangkenammalhka ema apankok ma'a.

Apocalipsis 1:5 Iomraidhean Croise

Juan 13:1

Lhema aknem alhta nkaimelhkak akteiapmakha aktaqmelaikama lhma akvesai'a Pascua m'a. Koka apiave lhta Jesús nkanketaiakme aknem eieniekhak hata nalhepop, eniakhak hata m'a apnakha Eniapom. Niangvakme lhta apkellasekhai'o Jesús apkeltamesaikamok, akvakmo aktakha nnelha ta apkaniemhaikama apkellamelaikama m'a.

Juan 13:34

Kolhva koka asmak'ak allangkok alhnankok henganemakha, ellasekhakpo ta mota, ka astemakha nak ko'o askelasekhai'o mota ketlhengkap.

Juan 15:9

Askellasekhai'o ketlhengkap ka kto nak Eniapom heiamelaiam ko'o, hellasekho ta nhan ketlhengkap.

Juan 18:37

Koka lhna lhta aptemak mokhom Pilato apkanemo: —Ia', tokha nak kelha apiav'akha apveske lheiap —lhna lhta aptemak. Koka lhna lhta aptemak mokhom Jesús: —Lheiap aplhenak ma'a, ko'o koka asva'ak kakpota atlhekmoksek akto have niapak, hellailhavek na enenlhet'avok aptengiaikamo mota akto have niapak anke —lhna lhta aptemak.

Juan 3:11

Ennengko'o koka neliave', nelvetai'ak na m'a, ketlhengkap koka hengeliaskakme'.

Juan 3:16

Avanhek ankek apkellamelaiam Eniapom Neten enenlhet'avok alhma nkek ham, ka ngkanek eniapaksek lhema phapak apanke' apketka kakpota melhnanme' apkellelto la meliaskeiam ma'a, ngkoitek hata nhan aliennaktema apnenio'ok mankotnengvaianlha nnelha'.

Juan 3:32

Koka apto apkeniem'o neten, aplhengke mota aktakha apvetai'a, aplengai'a nhan neten anak, apkeliaskakmek koka enenlhet ma'a.

Hechos 20:28

Pastores aptaiangkok ketlhengkap aniem'o Espíritu Santo apkeltemeskeskama apkelemhama apmaniaie, ¡elel·halhnama ta mota ketlhengkap! Eltaqmelkes hata nhan apkellelto iglesia apankok Apveske, apkellelto lhta nhan apkenmama aniem'o ema apankok.

Hechos 26:23

Enietsepok na lhta Cristo, netamen elhatekhangvomok na lhta nhan mokhom ma'a, apmanie lhna lhta ngkotnek aplhatekhangveiam ma'a, netamen na lhta nhan elpaiaksek ania'a aktemakha atsai'o lhma judios kakpota nhan metnangko nak judios —lhna aptemak Pablo apkasennammakpo pankek ma'a.

Romanos 3:25

Apeivomo panke Eniapom Neten, apvanke lhta niekhe hennaqtevasekha aniem'o nellanekamok ngkollatsekama, koka mepekheskamak hengellanei'o m'a, nietnengke lhta nhan apeneskamo lhema qaselha. Aplheianmo lhnak nanek apvalhok eniapaksek Cristo Jesús nenvanlha nak kakpota enietsepok nkoiangkenalhkak na ema apankok henianmoma ennengko'o. Kakpota etnama apankek ngkollatsekama apkellanekamok apkellelto la meliaskeiam.

Romanos 8:37

Koka nengeliephongvakmek ma'a aniem'o hengelpasmoma Eniapom Neten apto nhan hengamelaiam.

1 Corintios 6:11

Ka aptaiangkelha lhta nhan moklhem'a ketlhengkap lhennenga qaselha ngkolatsekama nak, kolhva koka nnengkek aknalhvateskamo iemmen, kno nhan alpokkenkaso Eniapom Neten la apanko'ok, nnengkek na altemeskeskamo apkelpeivomo aniem'o Apveske Jesucristo kakpota nhan Espíritu apankok Eniapom Neten.

Galatas 2:20

kolhva koka alhelhma mota Cristo, have ehenkok ehenkek askaniemhaikama nak, ka lhamakho qaselha nak askelanai'a neksa askaniemhaikama aniem'o m'a moi'askeiam Eniapom Neten Apketka, heiasekhai'o nhan, apkaiangko akvakmo apmatno aniem'o ko'o.

Efesios 2:4

Koka avanhek anke lhta apkelietnai'a nengaqta'a Eniapom Neten ma'a, avanhek ankek na hengellamelaiam.

Efesios 5:2

Ellasekho nhan po'ok ka aptemakha nak Cristo hengellasekhai'avek ennengko'o, apkaiangkave panke lhta nhan kakpota hengeltaqmelkeskesek nellaniemhaikama m'a, malha aptemak ma'a qaselha nengaikamok anak Eniapom Neten, kanhan malha nentoskama nak akvanlhemmalhka aktapeiam anak aimes akleklemelha apvalhok Eniapom Neten.

Colosenses 1:18

Cristo nhan apto malha apqatek iglesia, koka ntaiekhek malha apiokha m'a. Cristo apto apmanie', apto nhan apmanie aplhatekhangveiam apieseksek apkenmaskengvaiakmo, aptemo nha mota apmanie pankek ma'a.

1 Timoteo 6:13

Koka kolhvave nak napaqtek Eniapom Neten apto apkellaikamok aliennaktema lhamakho qaselha lhmankek ham, kanhan napaqtek Jesucristo apto apvetaskeskamo lhta napaqtek Pilato metka apkelanai'a ngkolatsekama, apvetaskeskaiakmo lhta nhan aktaqmelo hengetlhekmoskama aktemakha mongiaskeiam anak,

1 Timoteo 6:15

evatak hata akietemo nkek aknem aplheianmakha la Eniapom Neten apto aptaqmanma panke, ngkanek vanlha lhema aphapak apveske akietnema apmopvana lhamakho takhaplhet'ok enenlhet'avok lhmankek ham, apto Apiav'akha Apveske neten apankek melhnok po'ok apiav'akha apveske, Apveske neten apankek melhnok po'ok apveske la'a.

Hebreos 10:29

Tep ankek hata ngkotnek akietemo nkek nema akiaqmongkasekha aptemakha enenlhet apto la aptaqnongkoma Espíritu hengamelaiam aniapom, apto la nhan apvannaikama Eniapom Neten apketka, aptaqnongkoma nhan ema apanko lhta apiangkenammalhka kakpota nkotneskesek apokkenammap ma'a. Ka ema apanko lhta akiangkenammalhka kakpota ngkovomok ma'a annemo mo'ok apvalho'ok apkenmahai'akha ta etnangkok ma'a Eniapom Neten kanhan enenlhet'avok.

Hebreos 9:14

Koka akto neten ankek ma'a ema apankok anak Cristo, avanke nkollalhnaksek alietnaikama apaqto'ok qaselha ngkollatsekama apkellanekamok, akmahai'o lhta mota nkolaqlakhak akietemelha nengetsepmakha m'a. Hai, apmesemmakpe lhta panke Cristo aniem'o Espíritu metnenvaiam annelha, malha aktemo lhta aktekioma nennaqtoskama metka nhan apiakteikama la'a kakpota hengeltemeskesek nellasennaikama Eniapom Neten apto mangkotnengvaiam annelha apkaniemhaikama.

1 Pedro 1:19

koka apianmongkeskamak ma'a ema apankok aknema akmovana Cristo, nemo lhta angkongvaiakmo kakpota ematong malha aktemo nak nepkesek apketkok la'a metka nkek apiaqteikamaha.

1 Juan 1:7

Koka nellava la atsak'elha lhma ennengko'o, malha aptonak Eniapom Neten apnek nhan atsak'elha lhma m'a, nentangkek nelpasmekha engankavek nenieseksa ennengko'o m'a, kanhan apketka Jesucristo ema apankok alalhnaskama engelvalho'ok malha alpaiseiam aniem'o qaselha ngkollatsekama nellanekamok.

1 Juan 4:10

Nellasekhavek ennengko'o Eniapom Neten, koka akto have nengasekhai'o akiokho nkek ma'a. Koka Eniapom Neten hengellamelakmek ennengko'o akiokho nkek ma'a, ka ngkanek apkapaskamo lhta apketka kakpota enietsepok hengiaqmoiekha, aniem'o lhta nellanekamok ngkollatsekama ennengko'o.

Apocalipsis 11:15

Netamen apaivaso mokhom trompeta septimo ángel, ka asleng'o lhta nema alpaqmeiasma aliennaktema nkek neten, lhta ntak: —Kolhvave nak lhmankek ham aptangkek apkelveskai'e Apveske engankok kakpota nhan apto apkapasammap apvesai'a Cristo, aptaikamok apkelveskaie metka akvaiam annelha aliekaikamok iantelhkapa —lhta ntangkok nema alpaqmeiasma.

Apocalipsis 11:3

Koka allapaksek hata apqanet askellasennaikama apkellelto apkelioho astemakha ko'o etlhenek hata astakha alheianma ko'o akvakmo 1.260 aknem, elentalhnekhak hata mota apkelentalhnema apkeltavkeskama nak apiempeiok anmaiosak'a nak apvalho'ok anko'ok.

Apocalipsis 17:14

Nkonnapalhkak hata akieplomo atlhelhma'ak ma'a Nepkesek Apketkok, koka koneng hata etneskasentak ma'a ngkanek apto Apveske neten apankek melhnok po'ok apveske la'a, Apiav'akha Apveske nhan neten apankek melhnok po'ok apiav'akha apveske. Etnangkok hata nhan apketlhelhma'ak apkellelto lhta apkellavommap anak, apkeliekiesammap nahan kanhan apkelleliehekho mota m'a —lhta aptak heiano ángel ma'a.

Apocalipsis 19:11

Ka asvet'o lhta akmaihakho neten ma'a, apiangke lhta lhema etanlheng akmopai'a m'a. Apto lhta apkanantema m'a apvesai'a metka apietnekho hempasmoma, kakpota nhan apto iokhalhmek ankek. Apte lhta mota apveske apeivomo, apkennapommap nahan.

Apocalipsis 19:16

Apkaqlammap alhto ka m'a nietne lhta aptalhesammap ma'a alqama akieto aptepio'ok ma'a, lhta ntak: Apiav'akha Apveske neten apankek melhnok po'ok apiav'akha apveske. Apveske neten apankek melhnok po'ok apveske la'a, lhta ntak aktalhesammalhka m'a.

Apocalipsis 2:13

"Asiave ko'o apnek lheiap akieto akietnemakha nak aktanema aveske Satanas, man koka heieniekhak lheiap, meietnekhok nahan, mang na hei'askeiakmok lheiap neksa apmatnama alhta Antipas apto lhta nhan ma'a apaieskama mota ania'a asvesai'a ko'o, meietnekho lhta nhan ma'a Antipas, lhtoka apmatnamak ma'a akieto aknemakha Satanas.

Apocalipsis 3:14

—Etalhes no mokhom lheiap ania'a nak kakpota eniapaskesek ángel apno m'a iglesia akieto Laodicea, ka ntak ania'a hengke'e: Apto nak amen, Apto nhan apvetaiangko aplhenekho mota nhan iokhalhmek ankek ma'a, meietnekho nhan, Apto nhan apkeniemai'a m'a lhamakho qaselha apkelentepkeskamo lhnak nanek Eniapom Neten ma'a tep nak nanek, ka aptak na m'a:

Apocalipsis 7:14

—Ma', lheiap koka apiave —lhta stak askatemmongka m'a. Koka lhta aptak mokhom heiano: —Koka enenlhet'avok anak hengke'e apkellelto lhta apkelvetaiangko akientalhnema, malha apkelieniesekamok apkelentalhnema kakpota enmopekhak ma'a aniem'o lhta ema apankok Nepkesek Apketkok.