Apocalipsis 1:18 - Nuevo Testamento Toba Maskoy

¹⁸ Asto ehalhnankok, asketsepme lhta ko'o sekhe lhta, kolhva koka astakhek ehalhnankok metka akvaiam annelha ta aliekaikamok iantelhkapa, nietnek na llave ankok ngkolatsenkolha apkeletsepma.

Apocalipsis 1:18 Iomraidhean Croise

Lucas 24:5

Nkelmenaiangkek nak ngkelvana'ak ma'a ka alteklheiangko lhnak atapno'ok lhepop ma'a akvakho alteklheio nhan naqta'a lhepop, koka enenlhet nak ma'a lhnak aptaiangkok apkellanemo: —Molelianva Jesús hengke'e apieseksek anak apkeletsepma, aplhatekhangvakmek lhek ma'a. Kotlheianvakho no av'alho'ok aptakha lhta apaivoma akieto ma'a iokhalhma Galilea.

Juan 11:25

Ka apkatemmongka lhta mokhom Jesús, lhta aptak: —Ko'o asto nak asnaklhatekhaskeiam enenlhet apieseksek apkenmaskengvaiakmo, askellaikamok na aliennaktema apnenio'ok. Apkellelto la mangheliaskeiam enenlhet, nkaqhok eletsepok, elloka koka mokhom ma'a.

Juan 14:19

Ketsek nkaimelhkak manghelvetekhek hata enenlhet'avok nalhepop anak, ketlhengkap hato ka helvetekhak hata, elloka ta mokhom ma'a tep ngkanek ko'o aloka ta nhan ma'a.

Romanos 6:9

Neliavek ennengko'o apketsepme lhta Cristo lhema aktema nkek kakpota emaskeskamok ngkollatsekama nenmahai'a angellanangkok. Netamen ma'a nemo nhan aklhatekhaskeiakmo, menietsepekhek hata mokhom ma'a ngkanek mmaskek akmovana nengetsepma nak takhaplhet ma'a, kolhva koka aptengkeskasekama mota apvalhok Eniapom Neten.

2 Corintios 13:4

Malha lhta niekhe meiennaktema la neksa nema aliaqlhaklhema apmeio'ok apmanko'ok neten iamet aktenneskama m'a, kolhva koka aploka mokhom aniem'o Eniapom Neten apmopvana. Ennengko'o nhan malha mongeliennaktema la'a ka aktemo lhta nhan Cristo, koka nelpasmekhak Cristo nkeniemai'ak neliennaktema nak, hata angenmama nenmopvanka'a kakpota eltaqmelkeskesek apkellangiemhaikama ketlhengkap ham.

Galatas 2:20

kolhva koka alhelhma mota Cristo, have ehenkok ehenkek askaniemhaikama nak, ka lhamakho qaselha nak askelanai'a neksa askaniemhaikama aniem'o m'a moi'askeiam Eniapom Neten Apketka, heiasekhai'o nhan, apkaiangko akvakmo apmatno aniem'o ko'o.

Colosenses 3:3

Malha lhta ntema niekhe apkeletsepma ketlhengkap, apkelpokkenke lhta Eniapom Neten ketlhengkap kakpota elloka lhemek Cristo.

Hebreos 1:3

Ka Apketka nak nenganema angvetak ma'a apmopvana kakpota nhan apientalhnemo Eniapom Neten, apnemo pankek nan ma'a, apkeliennakteskai'o nhan lhamakho qaselha aniem'o aknema akmovana apkeliatekama. Hengellalhnaskeskamo lhta nhan engvalho'ok malha akpaiseiam aniem'o nellanekamok ngkollatsekama, netamen ma'a apmeiekho nhan neten, apnekho akiennakha apoktong Eniapom Neten ma'a.

Hebreos 12:2

Ntasek antangkok malha nengammelhmo apnakha Jesús apto hengellaikamok nentaikamok mongeliaskeiam ma'a, apto nhan apsavheskeskaiakmo akvanekamok mongiaskeiam anak. Apvaskapme lhta m'a neksa akientalhnema neten iamet aktenneskama, niekhe qaselha henmankaskama m'a, koka apvaskapme lhta aniem'o nietnek akietnaikama apaqtek akpaihekha ta apvalhok apmanie, netamen koka m'a apnekho napokha akiennakha aptanema Eniapom Neten.

Hebreos 7:16

Ka sacerdote aphalhnankok anak have apkeniem'akha m'a nema atavana'ak anak aklheianmo na mota ley, koka aptemengvai'ak sacerdote aniem'o akietnema apmopvana, mammopvana nhan antevasekha.

Hebreos 7:25

Ka ngkanek apvankek na elvongkesek tep lhema aktema metka mokhom taiep apkellelto la apkelketansema m'a kakpota nhan elaqlakhak ma'a napaqtek Eniapom Neten apto mangkotnengvaiam annelha apkaniemhaikama m'a, vanlha mota apkeltennaskekha apkelvesai'a enenlhet napaqtek Eniapom Neten.

Apocalipsis 10:6

Lhta aptak apto aptema juramento m'a akieplomo apvesai'a apto apkaniemhaikama metka akvaiam annelha aliekaikamok iantelhkapa, apto nhan apkelanai'a neten kanhan lhamakho aknaiangko m'a neten, apto nhan apkelanai'a nalhepop kanhan lhamakho qaselha aknaiangko nak nalhepop anak, apto nhan apkelanai'a alvata kanhan lhamakho kaselha aknaiangko m'a konne iemmen, lhta aptak: —Kolhva mmaskek nelailho,

Apocalipsis 15:7

Netamen alhta m'a 4 lhta kaselha allaniemhaiangka, lhema lhta m'a nkellankongvakmo moklhem'a nohaikok oro alienmomo 7 ángeles, allaneiangko lhtoka m'a aploma Eniapom Neten apto mangkotnengvaiam annelha apkaniemhaikama.

Apocalipsis 2:8

—Etalhes no mokhom lheiap ania'a kakpota eniapaskesek ángel apno m'a iglesia akieto Esmirna, ka ntak ania'a hengke'e: Apto nak ma'a apmanie nkek kanhan alhaie nkoie, apto lhta apketsepma, netamen koka m'a aplhatekhangvakmek ma'a, ka aptak na m'a:

Apocalipsis 20:13

Nkel·hatsoske lhta nkek na av'alhok alvata apkellelto apkeletsepma av'alhok ma'a, kanhan ngkolatsenkolha apkeletsepma nkel·hatsoske lhta nkek apkellelto apkeletsepvaiam ma'a av'alhok. Nne lhta aliekpelkok aplhamakho apkeltemakha m'a ngkollatsekama nlho ka la nhan aktaqmanma.

Apocalipsis 20:14

Netamen ngkolatsenkolha lhta apkeletsepma, nne lhta akienievo akieto sanga akietnemakha talha. Koka kto akvesai'a hanet netsepekha m'a.

Apocalipsis 3:7

—Etalhes no mokhom ania'a kakpota eniapaskesek ángel apno m'a iglesia akieto Filadelfia, ka ntak ania'a hengke'e: Apto nak Apokkenammap memangveiam ngkolatsekama, apto nhan have niapak anko ie', apto nhan akietnema llave apankok apveske David annenga. Apto nhan apmaieskama atong, mamma enenlhet apmopvana la eniapekhak ma'a, apkapekha apankek na atong ma'a, mamma nhan enenlhet apmopvana la emaiesekhak mokhom ma'a, ka aptak na m'a:

Apocalipsis 4:9

Neksa aliavenkaskesaikama lhta mota apvesai'a kaselha allaniemhaikama m'a, allai'o lhta nhan, ntanke lhta nhan gracias ma'a apto apnema aptanema apveske, apto nhan apkaniemhaikama metka akvaiam annelha aliekaikamok iantelhkapa.

Apocalipsis 5:14

Asleng'o lhta nhan alpaqmeiasma 4 kaselha allaniemhaiangka alhta m'a, lhta antangkok: —¡Ntasek anke, amen! Netamen na m'a 24 metno apketko'ok alhta apkellelteklhengko lhta aptapno'ok, apkelel·halhantamo lhta nhan aniem'o apkellai'o m'a apto mangkotnengvaiam annelha apkaniemhaikama.

Apocalipsis 6:8

Ka asvet'o nhan mokhom ma'a lhema etanlheng apietektema apanke, apto apkanantema nengetsepma lhta apvesai'a m'a. Aplhelhma lhta nhan po'ok apvesai'a lhta nhan ma'a ngkolatsenkolha apkeletsepma. Nne lhta allangko apkenmopvanka'a kakpota ennapok hata cuarta parte nekha atkok enenlhet'avok lhmankek ham alleniem'o apkennapommap, mek, akiennaktema anmaska apiempeiok, kakpota nhan kaselha nevhak alloma annapma.

Apocalipsis 9:1

Netamen apaivaso mokhom trompeta quinto ángel, asvet'o lhta lhema iav'a apteiam alhta nalhepop, nne lhta angko lhema llave ankok malhek konne kankek.