Apocalipsis 1:16 - Nuevo Testamento Toba Maskoy

¹⁶ 7 iav'a lhta apmaikama apmek akiennakha, apatong alhta ntepak pelettav akpeivoma hanet nekha nema anmalhnongkoma ahanto'ok, apommatma lhta napa'at malha lhta aknem katelho nak.

Apocalipsis 1:16 Iomraidhean Croise

Hechos 26:13

Neksa alhengama lhta aiseksek amai ma'a, malha la 12 katelho kelhaha, mpelapkaske lhta asvetai'a akiennaktema apommatma' aniemai'o neten, mankolhok ma'a aknem anak apommatema, henghalhiengkakme lhta apommatma m'a.

Efesios 6:17

Eletsavekha ta nhan alapma apqatko'ok akvesai'a nak nenvongkasemmalhka tep, enmama ta nhan apmeio'ok malha pelettav akvenaktema nak akvesai'a Eniapom Neten apaivoma, aniem'o nhan Espíritu.

Hebreos 4:12

Ka Eniapom Neten anak apaivoma nietnek akmovana, hengaikamok na akiennaktema ennenio'ok, malha aktonak pelettav akvenaktema akmovana nkoiaqtemenek neten ankek koka m'a, aselhtek ma'a pelettav anak hanet nekha'ak la anmalhnemmalhka. Nkoklhek akvakmo konne kankek engvalhok kanhan akvakho eniempehek. Akvakmo konne kankek apvalho'ok la enenlhet, kanhan akiekpelkemo alketamekama apvalho'ok kanhan apkenmak'akha la ellanangkok.

Apocalipsis 1:20

Kolhva smak'ak alpeiveskasekhak aktemakha lhkek apvetai'a, 7 iav'a lhkek apietkesammap 7 ángeles apketlhelhma'ak amota 7 iglesias, koka 7 alhvo'ok lhek alapommatkeskama apietkesammap ma'a 7 iglesias.

Apocalipsis 10:1

Asvet'a lhta mokhom lhema ángel aknema apmopvana apiavai'a apanke apvenaktema nhan, apvaivantamo akieplomo aiseksek iephopai'a. Malha lhta nha pemhet ntak takhaplhet ma'a, malha nhan aknem napa'at kanhan malha lhta poste apio'ok akieplomo talha.

Apocalipsis 12:1

Netamen asvet'o mokhom qaselha mongenatkeskama neten. Lhema ngkelvana lhta m'a, nkapommatke lhta malha lhta ntak aknem, kakpota nhan koneng amankok pelten, nietne lhta alhanma apqatek 12 iav'a m'a.

Apocalipsis 19:15

Ntepke lhta apatong ma'a apveske pelettav hanet nekha'a ahanto'ok kakpota eliensasangkok lhamakho apkellavakha lhmankek ham. Etnek hata apveske apiennaktema apankek ma'a, elteianmok hata apankek na uva malha apkelietsemongama apkelanai'a vino. Koka akietkesammalhka akiavai'a nkek aploma Eniapom Neten apto vanlha lhema aphapak aknema apmopvana apankek ma'a.

Apocalipsis 19:21

Netamen ma'a apvo'o lhta apto apkanantema etanlheng, apkennapke lhta aplhamakho kempokhakme ankok ma'a akieplomo pelettav akvenaktema hanet ahanto'ok akteiapma lhta apatong. Nkellempave lhta anata aktekamok enghapak aktavengko aphapavok akvakmo aliapqanakmo lhta m'a.

Apocalipsis 2:1

—Etalhes no lheiap ania'a nak kakpota eniapaskesek ma'a ángel apno m'a iglesia akieto Efeso, ka ntak ania'a hengke'e: Apto nak apkenmaikama 7 iav'a akiennakha nak apoktong, apiaihema m'a aiseksek 7 alhvo'ok oro alapommatkeskama, ka aptak nan ma'a:

Apocalipsis 2:12

—Etalhes no mokhom lheiap ania'a kakpota eniapaskesek ángel apno m'a iglesia akieto Pergamo, ka ntak ania'a hengke'e: Apto nak akietnema pelettav hanet ahanto'ok nema anmalhnongkoma, ka aptak na m'a:

Apocalipsis 2:16

¡Eiaqmongkasekha toka mo'ok apvalhok! Koka melanakho ta heng, avatak hata ham kolhvave nak, annapalhkak hata enenlhet'avok anak akieplomo pelettav akvenaktema akteiapma ehetong anak".

Apocalipsis 3:1

—Etalhes no mokhom lheiap ania'a kakpota eniapaskesek ma'a ángel apno m'a iglesia akieto Sardis, ka ntak ania'a hengke'e: Apto akietnema 7 espíritus aniem'o m'a Eniapom Neten kanhan 7 iav'a, ka aptak na m'a: "Asiave ko'o lhamakho aktemakha apkelanai'a lheiap, apketlheianme mota enenlhet'avok aphalhnankok mokhom lheiap, koka have m'a, apketsepma niekhe lheiap.