Apocalipsis 1:1 - Nuevo Testamento Toba Maskoy

¹ Koka hengka vakkahak anak aktalhesammalhka nietnek qaselha apvetaskeskama Eniapom Neten Jesucristo akmak'akha ta ngkotnek angketvai'a lhmankek ham kakpota elvetaskesek apkellasennaikama. Netamen apkapaso lhta Jesucristo lhema ángel kakpota esantengkesek ania'a m'a apkasennaikama apankok apvesai'a Juan.

Apocalipsis 1:1 Iomraidhean Croise

Juan 12:49

Have nhan aniem'o ehenkok ehenke asketlhekmoskama nak, Eniapom apto lhta heiapaskama apkeltemo atlhekmoksek. Asiavek ko'o nkolhnangkok hata aliennaktema apnenio'ok mankotnengvaianlha nnelha apkellelto la apkeliehekho henganemakha apankok Eniapom —lhta aptak Jesús.

Juan 15:15

Nkomaskok hata nhan aptaikamok nema allasennaikama nak nema apkelianmoma, ka allasennaikama nak have nengaqtek apveske apankok ma'a. Ketlhengkap koka apkellelto askeltema emo'ok nengaqtek, askeleltennaskek na aktakha Tata apaivoma.

Juan 3:32

Koka apto apkeniem'o neten, aplhengke mota aktakha apvetai'a, aplengai'a nhan neten anak, apkeliaskakmek koka enenlhet ma'a.

Juan 8:26

Mantek askeltemo niekhe aleltennaksek aktemakha aptaiangkolha ngkollatsekama ketlhengkap, mang koka nkomahai'ak aleltennaksek. Koka lhamakho aktemakha askeleltennaskama nak aniem'o aslengai'a heltennaskama apto lhta heiapaskama, apto have niapak aplheianma m'a —lhta aptak Jesús.

Romanos 16:25

Angeltakneskasangkok hata ennengko'o Eniapom Neten apto apmopvana hengeliennakteksek engvalho'ok, ka aktemakha nak asketlhekmoskama ania'a aktaqmanma aplhenammap Jesucristo. Lhennenga tep nak na nek apeneskamo lhema qaselha Eniapom Neten apmak'akha ta etnek, malha aposkama koka ntemak ma'a.

Galatas 1:12

Have enenlhet hellaikamok asketlhekmoskama nak, vanlha koka m'a Jesucristo apto lhta nhan apkeltemo aiekpelkok

Efesios 3:3

Heteskaske lhta nhan ma'a qaselha akielhammalhka akietnaikama apaqtek etnek hata, ketse lhta astalheskasak ko'o vakkahak ketlhengkap ma'a aktemakha ania'a nak.

Tito 1:1

Ko'o nak Pablo asto heiasennaikama Eniapom Neten, asto nhan heiapaskamo lhta Jesucristo kakpota atlhekmoksek aktemakha mongiaskeiam apieseksek ma'a apkellelto nak apkeliekieskama Eniapom Neten kakpota nkovak apkeliangveiakmo m'a aktemakha akto have niapak ankek nenganiemhaikama aktaqmanma,

Apocalipsis 1:19

Etalhes lheiap aktakha apvetai'a lhamakho qaselha aktakha nak kolhvave nak, kakpota nhan qaselha nkovak hata.

Apocalipsis 1:9

Ko'o Juan asto elialheng'a ketlhengkap, nengelelto nhan nennemolhema akieto nak aptemakha apveske Eniapom Neten. Aslengaiangkek na lhemek akientalhnema ketlhengkap, nengetlhevaikamok na nengeliennaktema kakpota angelvaskapok ma'a. Asne lhta ko'o m'a akieto akiaqiema lhepop iemmen nekhav'ak akvesai'a Patmos aniem'o aspaieskama mota ania'a apankok Eniapom Neten, kanhan ania'a aktemakha asvetaiangko lhta Jesucristo.

Apocalipsis 17:1

Hetetes ko'o lhta lhema aphapak ángel apkeniem'o apieseksek alhta m'a 7 ángeles apketsoiangka lhta nhan nohaikok 7, lhta aptak heiano m'a: —Nok, ateskese ta lheiap nema akiaqmongkasekha aktemakha ngkelvana akto neten ankek alanaktema aknema takhalhet'ok iemmen.

Apocalipsis 19:10

Ka askelteklheio lhta etapno'ok napaqtek ángel ma'a kakpota angvahok ma'a, koka lhta aptak heiano mokhom ma'a: —Have, metne ham, koka nietavek elteklheiok aptapno'ok napaqtek ma'a Eniapom Neten, ko'o nhan asto heiasennaikama m'a, snavek ko lheiap ka nhan apkelialheng'a nak meliaskeiam ania'a aplhenammap Jesús. Koka ania'a nak malha akvatepnapma allaikamok ma'a apkeleltennasemmap ania'a —lhta aptak heiano ángel.

Apocalipsis 19:9

Netamen lhta aptak heiano mokhom ángel: —Etalhes no ta asmak'ak hata atnek aspaioma: Aktakmelakho nkek apkellelto nak nema allanema elpasengvomok taqmelaikama lhma aliemhapma ta Nepkesek Apketkok, ka stakha nak ko'o alheianma have niapak, aniem'o nhan Eniapom Neten —lhta aptak heiano ángel.

Apocalipsis 21:2

Asvet'a lhta nhan akvaivantamo natemma akpokkenammalhka aniem'o neten, akietnemo lhta m'a napokha Eniapom Neten, alhnankok Jerusalen alhto ka akvesai'a m'a. Apkeltase lhta aktalhnema kanhan annatanma malha kto nak ngkelvana alailhema akmahai'akha la'a.

Apocalipsis 21:9

Asvet'o lhta lhema phapak ángel apkeniem'o m'a apieseksek 7 lhta apnaikamok 7 nohaikok apanko'ok allaneiangko aktakha nnelha 7 qaselha akmovana hentevaksek ma'a, lhta aptak heiano: —Elheng, ateskesek hata apmahai'akha Nepkesek Apketkok kakpota etnek aptava m'a —lhta aptak heiano.

Apocalipsis 22:1

Heteskaske lhta mokhom ángel alvata alhnai'o nkek iemmen akto lhta nhan akiennakteskama enneniek ma'a, malha lhta akto nak ieiam appok nenvetangveiakmo taiep. Ntepke lhta alvata akieto naqtek aptanema Eniapom Neten kakpota nhan Nepkesek Apketkok.

Apocalipsis 22:16

Ko'o Jesús askapaskek ángel ehenkok kakpota eleltennaksek ania'a nak aplhamakho iglesias. Ko'o asto aptaven neptamen apveske David annenga, asto nhan malha iav'a apiavai'a apkapommatema nak atsai'a —lhta aptak Jesús.

Apocalipsis 22:6

Koka lhta aptak heiano ángel ma'a: —Koka iokhalhmek ankek ma'a astakha lhkek alheianma, nietavek ankek na mei'askamek lheiap ma'a. Eniapom Neten apkamnoma alenteiapvekta apatno'ok apkeleltennaskamo ania'a apankok ma'a, apkapaskek na ángel apankok kakpota elvetaskesek apkellasennaikama akmak'akha ta ngkotnek kolhvave nak —lhta aptak heiano ángel.

Apocalipsis 22:8

Hai', ko'o Juan asvet'a lhta, asleng'a lhta nhan lhamakho qaselha nak heteskeskama lhta ángel. Netamen alhta asvetai'a, aslengai'a nhan, askelteklheio etapno'ok napaqtek kakpota angvahok ma'a,

Apocalipsis 22:9

koka lhta aptak heiano ángel: —¡Metne ham, melteklhek aptapno'ok nehaqtek lheiap, koka ntasek elteklheiok aptapno'ok napaqtek ma'a Eniapom Neten! Ko'o nhan asto heiasennaikama Eniapom Neten, asnavek ko lheiap kakpota nhan apkelialheng'a nak apkeleltennasemmap ania'a, kakpota nhan apkellelto apkenmaikamok ania'a aktakha aktalhesammalhka vakkahak anak —lhta aptak heiano m'a.

Apocalipsis 4:1

Netamen alhta m'a, asvet'o mokhom atong akmaihekha akieto m'a neten, lhta ntak heiano mokhom nema aliatekama lhta akiennaktema nke lhta apaivoma, malha lhta ntak trompeta nak akpaivoma, lhta ntak: —Enianamet halep, ataskesek hata lhamakho qaselha akmak'akha ta ngkotnek netamen ma'a —lhta ntak heiano nema aliatekama.

Apocalipsis 5:7

Apme lhta Nepkesek Apketkok vakkahak apto apmaikama akiennakha apmek apto apnema m'a aptanema apveske. Kolhvavek anke lhta apkelelteklhengko aptapno'ok 4 kaselha allaniemhaiangka lhta m'a, kanhan 24 metno apketko'ok akieto apkammelhakha nepkesek apketkok. Apnangke lhta nhan arpas kakpota nhan nahaikok oro alanemmalhka allaneiangko lhta panaktema ava' akmases aimes akvesai'a incienso, akietkesammalhka koka ma'a apkelelmalhnongkoma mota apkellelto apkelpokkenammap.