3 Juan 1:3 - Nuevo Testamento Toba Maskoy

³ Avanhek anke lhta nhan akpaihekha evalhok heleltennaskaktamo engelialheng'a ania'a aktemakha akiennaktema apieplavkeskama lheiap akto nak have niapak anke.

3 Juan 1:3 Iomraidhean Croise

Hechos 1:15

Lhema knem na ntemak ma'a, apkelpaqmetkeskamo Pedro m'a apkellelto apkelialheng'a m'a, apkaknekhek nak malha 120 enenlhet'avok ma'a, lhna aptemak apkellanemo:

1 Corintios 13:6

Have nhan nkopaiesekhak apvalhok apvet'o la mankopeivomo nak, koka akpaihekha apvalhok ma'a apvet'o la qaselha akpeivomo.

Galatas 6:10

Etnamo ta alietakho la mota ellanangkok qaselha altaqmelo aplhamakho pankek enenlhet, koka nhan tep ankek alietemo m'a apkellelto nak apkelialheng'a aknaikamok anak meliaskeiam.

Filipenses 1:4

askenmalhneskaskek na m'a akieplomo akpaihekha evalhok kakpota eltaqmelkesek moklhem'a ketlhengkap ma'a,

2 Juan 1:2

Askellamelaiakmek aniem'o heietnema akto have niapak ankek engelvalho'ok, nkolhnangkok hata mota engelvalho'ok nengamelaiam anak.

2 Juan 1:4

Avanhek ankek lhta akpaihekha evalhok askelvetangvaktamo lhta moklhem'a atkak ham apkellaneiangko akto have niapak anke, apkanemakha nhan antangkok ennengko'o Eniapom ma'a.

3 Juan 1:10

Ngvakse ta ehetong asvaktamo ta ham ngkanek mangkolatsekama mota hengetlheianma ennengko'o m'a. Apmopvana ania'a m'a, menmamak na takha engelialheng'a amaika'a apkelvaiam la m'a, ma lhta nhan eleltemok enmakpok takha amaika'a la m'a. Lhta apto la enenlhet apkenmama takha m'a, aptepkaske lhta mota enenlhet apieseksek iglesia m'a.

3 Juan 1:2

Lheiap askasekhai'o, asiavek ko'o lhamakho aknem akvanekamok aktaikama nengaqtek Eniapom Neten, askeltavek na etak metka akmaska apiempek, nkotakmel·hok na apmangkolha la'a elanak na lhamakho qaselha altaqmanma.

3 Juan 1:4

Avanhek ankek na akpaihekha evalhok neksa aslengai'a ania'a eietkak apkelleliehekho akvesai'a nak akto have niapak anke.

3 Juan 1:5

Eialheng askasekhai'o, ntasek ankek aptemakha nak lheiap apasmoma mota apkelialheng'a, neten aktaqmanma nhan ma'a apasmomo apkelleniem'o mo'ok nekha.