2 Juan 1:2 - Nuevo Testamento Toba Maskoy

² Askellamelaiakmek aniem'o heietnema akto have niapak ankek engelvalho'ok, nkolhnangkok hata mota engelvalho'ok nengamelaiam anak.

2 Juan 1:2 Iomraidhean Croise

Juan 14:16

Ko'o ta anmalhnama Eniapom eniapaksek po'ok Hengiatekho niapom, Espíritu m'a kakpota elloka lhemo ie, apto have niapak anke niapom. Koka apkellelto la apkeliaskeiam metlhokiek hata ngkanek melvet'ak ma'a, meliekpelkak nahan. Ketlhengkap koka apkeliekpelkek ma'a, apnek na lhemek ketlhengkap ma'a, elhek hata nhan metka nnelha.

Juan 15:7

Apketlhengkaso la helpasmekama ketlhengkap, apkelleliahakho la nhan aspaioma, elelmalhnama nhan apkenmak'akha la'a, ngkolhek hata allangko m'a.

1 Corintios 9:23

Lhamakho qaselha aktemakha nak askellanai'a kakpota nkotaqmelek ma'a ania'a aktaqmanma nak, kakpota nhan angvetsevaso ko'o aniem'o m'a.

2 Corintios 4:5

Mangeleltennasengkok enganko'ok engankavek ennengko'o napaqtavek enenlhet la'a, neleltennaskek koka apvesai'a Jesucristo apto Apveske aniem'o nhan nengellamelaiam ma'a, ka ngkanek nentaiangko nhan malha apkellasennaikama apankok nema apkelianmoma nak ketlhengkap.

Colosenses 3:16

Melieniekha nkek na ania'a aktaqmanma aniem'o Cristo, etlhekmosakpo ta apieseksek anak ketlhengkap, ennavesap nahan akieplomo apkeliangveiakmo. Etnamo ta nhan gracias Eniapom Neten, ennekmasamok hata nhan salmos, himnos kakpota nhan nennekmaskama aniem'o apvalho'ok apankave nak.

2 Timoteo 1:5

Nlheianvakhek na evalhok iokhalhme lhta mei'askeiam lheiap, amanie lhtoka lheiap apiama' Loida kanha ngken akvesai'a Eunice mankoliaskeiam alhta m'a, asiavek na ko'o lheiap nietnek mei'askeiam aktaiangkolha nak ma'a.

2 Pedro 1:12

Vanlha mota askeltemo nkotlhengkeskakho apvalho'ok asketlhekmoskama nak akto have niapak ankek, asiave niekhe ko'o apkeliavek ketlhengkap hengetlhekmoskama nak, apkelleliehekhavek nak metka nnelha,

1 Juan 1:8

Ka netlhenalhko la engankavek ennengko'o metka nellanekamok qaselha ngkollatsekama, have nhan iokhalhmek nenlheianma, neniennenkaselhkek na engankek ma'a.

1 Juan 2:14

Asnaktalheskaske lhta nhan vakkahak anak ketlhengkap eietkak apketkok, ngkanek apkeliavek Eniapom, asnaktalheskaske lhta nhan ketlhengkap apiapma'ak, ngkanek apkeliavek apnemo lhnak nanek tep nak nanek ma'a alanemmalhko sekha lhmankek ham, asnaktalheskaskek na ketlhengkap apketko'ok ngkanek melieniekhak Eniapom Neten anak apaivoma, apmelleihak apankavek nahan, apkeltemeskesentaniek koneng maniamolhma ngken anak.

1 Juan 2:17

Nkomaskengvomok hata m'a ngkollatsekama nak kakpota nhan akmahai'akha na mota nkolanak engvalhok, koka mankomaskengvomek ma'a apto la enenlhet apkelanai'a apkeltemakha etnek Eniapom Neten, eloka ta nhan mankotnengvaianlha nnelha m'a.