2 Juan 1:12 - Nuevo Testamento Toba Maskoy

¹² Hai, ntase, mantek niekhe mokhom asmahai'a aleltennaksek ketlhengkap ma'a, man koka nkomak'ak allapaskesek astalheskama vakkahak. Ntasek koka aniakha ehenkek ham kakpota alpaqmetkeskakha asiokho ehenkek napaqtavek ketlhengkap ham, kakpota hensavhok alpaihekhak engelvalho'ok nelpasmekha m'a.

2 Juan 1:12 Iomraidhean Croise

Juan 15:11

Ka astakha nak alheianma askeltemo nkolpaihekho mota apvalho'ok akiokho nkek lhemek ko'o.

Juan 16:12

Nlhanie niekhe ania'a asmahai'a aleltennaksek mokhom, koka mankollapvankek kelha elvaskapok aniem'o akientalhnema.

Juan 16:24

Melelmalhnekama mokhom ketlhengkap akieplomo asvesai'a nak, elelmalhnama toka, nkolhe ta allangko m'a, avanhek hata nhan ngkotnek alpaihekha apvalho'ok ketlhengkap ma'a.

Juan 17:13

Eniapom, aniakhak hata apnakha nak lheiap, neksa asnema apieseksek anak hengke'e nalhepop anak alhenke mota lhamakho aktemakha qaselha kakpota nkolpaihekhak apvalho'ok akiavai'a nkek helieplekama nak, ka akto nak na ko'o akpaihekha mota evalhok.

Juan 3:29

Neksa aktaqmelaikama lhma aliemhapma la'a, neten ankek apiaspommap apokkenammap anak aliemhapma, nkoliemhapok apmahai'akha. Apketsevasavek na m'a apto aptaiangkolha la aplhelhma nengaqte, mpaihakhek na apvalhok apleng'o apkeltennaikama m'a. Nnavek na ko'o lha, mpaihakhavek ankek evalhok kolhvave nak,

Romanos 15:24

asmeiakho ta España, neksa alhengama ta nalhet amai hatelha atnek amaika'a ketlhengkap ham, akiakvatakho toka. Nkopaihekha ta nhan evalhok apieseksek anak ham, askeltave niekhe nhan helpasmok hellangkok qaselha apanko'ok aimelhkelha la ko'o kakpota angvempekhok hatelha mokhom alhengama m'a.

2 Timoteo 1:4

Nlheianvakhek na ko evalhok lheiap aiosei'o nak apvalhok kanhan apvenemo lhta, avanhek askeltemo atekhak mokhom lheiap kakpota nkopaihekhok ankek evalhok.

Filemon 1:22

Hepeneskaso ta nhan lheiap asnemakha la'a, avatak hatelha ham astema la amaika'a, eniatemmohok hatelha Eniapom Neten apkelelmalhnongkoma mota ketlhengkap asmeiakho ta ko'o ham.

Hebreos 13:19

Koka nhan akto aktaqmelakho nkek helelmalhneskesek ko lha Eniapom Neten kakpota eltok aniantak astaikama la amaika'a kolhvave nak ham.

Hebreos 13:23

Askeltavek na aleltennasama ania'a engelialheng'a lhta Timoteo aptepakhe lhta m'a nenmammalhkelha m'a, hata apvaktamo ta hengke'e angenmeiantak hata ham nentaikamok amaika'a.

1 Juan 1:4

Nennaktalheskaskek ennengko'o aktemakha qaselha nelvetai'a kakpota nkolpaihekhok ankek na apvalho'ok lhemek ennengko'o.

3 Juan 1:10

Ngvakse ta ehetong asvaktamo ta ham ngkanek mangkolatsekama mota hengetlheianma ennengko'o m'a. Apmopvana ania'a m'a, menmamak na takha engelialheng'a amaika'a apkelvaiam la m'a, ma lhta nhan eleltemok enmakpok takha amaika'a la m'a. Lhta apto la enenlhet apkenmama takha m'a, aptepkaske lhta mota enenlhet apieseksek iglesia m'a.