1 Juan 5:8 - Nuevo Testamento Toba Maskoy

⁸ Akno nak ma'a Espíritu, iemmen kanhan ema, aknemo mo'ok alhta nhan apvalho'ok ma'a apketlheianma.

1 Juan 5:8 Iomraidhean Croise

Marcos 14:56

Ka apkelvai'o lhnak enenlhet ma'a, apketlheianmo lhnak ngkolatsekama aptemakha Jesús ma'a. Koka apkenmopvanka ania'a lhnak, alpeivekha lhnak aptaiangkok apketlheianma m'a.

Juan 15:26

Ko'o ta allapaskesek apto Hengiatekho niapom ketlhengkap, Espíritu apto have niapak anke niapom apkeniem'o nhan ma'a Eniapom, hata etlhekmoksek lhamakho qaselha aniem'o ko'o.

Juan 19:34

Koka lhema soldado lhta apkelieplhak heva akiavai'a napokha Jesús ma'a akteiapvakmo lhta nepketama mo'ok napokha, kolhvave lhta ntepak ema apankok kakpota nhan iemmen akiepetkai'a.

Hechos 15:15

Nlheianmek nak nanek na ania'a apnaktalheskama apkeleltennasemmap ania'a lhennenga, lhnak na ne ntemak:

Romanos 8:16

Ka Espíritu nak apaqmetkesangkek engelvalho'ok engankave, have niapak ankek ennengko'o nak nengelelto Eniapom Neten apketkak, angetlhevangkok hata lhemek Cristo aptemakha lhta apeneskamo apaivoma Eniapom Neten. Nengelelto la angetlhevangkok hata altakmanma m'a, nnavek na Cristo m'a elhkak hata, nkaimelhkek koka sekhek angenmangkok takha akvo'o la akientalhnema nak ma'a, aptemo lhta nhan Cristo.

2 Corintios 1:22

Hennaktalheskamo nhan mongenatkeskama apankok engvalho'ok apvesai'a Espíritu Santo, akto aktemeskeskama have niapak ma'a apanko'ok ennengko'o Eniapom Neten.

Hebreos 13:12

Nnavek na m'a Jesús apmatengvekhek nepiava' apiav'akha temma kakpota etneskasangkok enenlhet'avok apkelpokkanma Eniapom Neten aniem'o ema apankok ma'a.

Hebreos 6:4

Ketlhengkap apketlhevaiangkek malha apommatema la'a, apkeliangveiakmek nahan, apkeliepkonme lhta sekhe lhta qaselha altaqmanma metka akianmoma aniemai'o Eniapom Neten, apketlhevaiangko lhta nhan Espíritu Santo.

1 Pedro 3:21

Ka iemmen lhnak nanek ma'a akietkesammalhka nellavkesammalhka konne iemmen anak kakpota nhan evongkasakpok tep enenlhet. Ka nenlavkesammalhka nak konne iemmen have alhnaskama eniempehek, vanlha koka akto malha alhnaskama alketamekama engvalhok napaqtek Eniapom Neten, koka nhan nenvongkasemmalhka nak tep aniem'o m'a nema aklhatekhaskeiam alhta Cristo,

1 Juan 5:9

Ka aplhamo la nhan enenlhet apketlheianma lhema ania'a, nenmangkek na takha ennengko'o m'a, koka akto nhan neten ankek aktaqmanma m'a angenmangkok takha aplheianmo Eniapom Neten aptemakha apketka apanke'.