1 Juan 5:21 - Nuevo Testamento Toba Maskoy

²¹ Eietkak apketko'ok, melpasengvom ankek qaselha akiokha alanemmalhka nak.

1 Juan 5:21 Iomraidhean Croise

1 Corintios 10:14

Ka nkanek ma'a elialheng'a askellamelaiam, ntasek enieniangkok ma'a naqtek qaselha akiokha alanemmalhka.

1 Corintios 10:7

Ka ngkanek ntasek meltaqneskasangkek qaselha akiokha allanemmalhka ketlhengkap, ka aptaiangkolha lhnak na nek ma'a nelieihengka. Ka aktemo nak na aktalhesammalhka vakkahak Eniapom Neten apaivoma hengke'e: «Apkakhaiangkek enenlhet'avok aptoiangko aptekamok, apienaiangkek nahan, netamen ma'a apkelaqnekho neten apkennaiveiangka», lhna ntemak.

1 Tesalonicenses 1:9

Apketlheianma apankavek na lhta nhan ketlhengkap ma'a hengenmaiangko takha aktaqmanma neksa nelvaiam alhta ham, ka apkelieniekho lhna lhta nhan qaselha akiokha la alanemmalhka, apkelelpengkaiakmo lhna lhta nhan apvalho'ok akieto apnakha Eniapom Neten apto menietsepma, apto nhan have niapak anke niapom ma'a. Ka apkelempai'akha lhna lhta nhan apkellasennaikama Eniapom Neten ma'a,

1 Juan 2:1

Ketlhengkap eietkak apketko'ok, asnaktalheskaso nak vakkahak anak askeleltemakha etnangkok kakpota mellanankek qaselha ngkollatsekama, ka apkelan'o la ngkolatsekama lhema aphapak ham, apnek koka lhema apto Henmasmo niapom, Jesucristo apto nhan apeivomo m'a, enio ta mota m'a napaqtek Eniapom.

Apocalipsis 14:11

Mankotnengvomek hata nha nnelha anmekha neten talha eten ankok nema akiaqmongkasekha aktemakha m'a. Mankotnengvome ta nnelha apkeliampai'a apkellelto nak apkelteklheikamok aptapno'ok naqtavek kaselha nevhak nengai'o kanhan nema akietkeskamo lhta akiokha alanemmalhka m'a. Meliamposakpek hata nhan aknem, pelhasep, apkellelto nak nema alqaskama akvesai'a kaselha nevhak nengai'o apiempeiok ma'a —lhta aptak ángel.

Apocalipsis 9:20

Ma lhtoka elvatesaiangkok apkellanekamok ngkollatsekama m'a apkellelto lhta metekioma aniem'o m'a qaselha lhkek akmovana hentevaksek. Nheklhe lhtoka apkelteklheikamok aptapno'ok naqtavek kasekapok av'alho'ok kakpota nhan qaselha akiokha la alanemmalhka alienmomo oro, plata, bronce, metaimong kakpota nhan iamet nekha'a. Mankomovana nak nkota lhma, nkonnak nahan, mankomovana nha nkolhong ma'a qaselha akiokha nak ma'a.