1 Juan 5:20 - Nuevo Testamento Toba Maskoy

²⁰ Nengeliavek na apvai'o lhta Eniapom Neten Apketka, hengellangkongvai'o lhta nhan aknema nengeliamo kakpota angeliekpelkangvomok ma'a apto have niapak anke nak niapom, nelpasmekhek na ennengko'o m'a aniem'o apketka Jesucristo. Koka apto Eniapom Neten, apto nha niapom have niapak anke, hengaikamok na akiennaktema enneniek nkotnengvaianlha nnelha.

1 Juan 5:20 Iomraidhean Croise

Lucas 21:15

Ko'o ta allangkok ngkeskama apkeliangveiakmo apkellasennammap la ankok kakpota nkollapvanak apkellatemmoikama, mangkolhek hata alieko'o ketlhengkap ma'a.

Lucas 24:45

Ka apkelpeiveskasekho lhnak ma'a kakpota eliangvomhok aktemakha aktalhesammalhka Vakkahak Eniapom neten Apaivoma,

Juan 10:30

Ko'o kanhan Eniapom anak enlhema ennengko'o m'a —lhta aptak Jesús.

Juan 14:20

Netamen akvakmo ta aknem asvaktamo mokhom hengke'e, eliangvakhok hata ketlhengkap ko'o kakpota nhan Tata nelelto enlhema, ko'o kakpota nhan ketlhengkap nelpasmommalhko m'a.

Juan 14:23

Ka apkatemmongka lhta mokhom Jesús: —Enenlhet apto la heiasekhai'o, apkeliahakhek na aspaioma, ko'o Tata apkamelakmek na enenlhet anak ma'a. Tata ka nhan ko'o angelloka ta lhemek ma'a.

Juan 14:6

Ka apkatemmongka lhta Jesús ma'a, lhta aptak apkano: —Ko'o asto nak vanlha malha lhema amai akmaiangko akieto apnakha Eniapom, ko'o asto nhan have niapak anke niapom, askellaikamok na aliennaktema apnenio'ok enenlhet'avok lhma nkek ham.

Juan 14:9

Koka lhta aptak mokhom Jesús apkatemmongka: —Felipe, lhennenga ntak asnema apieseksek anak ketlhengkap, ¿mokhom anlho menheiekpelkema lheiap, he? Enenlhet apto la hetai'a ko'o, apvet'ak na Eniapom. ¿Se lha akto apkelto lhkek alvetaskesek Eniapom, he?

Juan 15:4

Etlhengkes aktemakha nelpasmommalhko nak, lhema aktong la iamet mankoielhnema, nkoiaqtemenalhkak ma'a. Nnavek na ketlhengkap ma'a, mankotiepek na apkellanekamok altaqmelo qaselha helieniakho la nentaikamok nelpasmekha.

Juan 17:14

Asketlhekmoskangkek helieplekama nak apaivoma lheiap, apkeltaknevakkek koka enenlhet meliamolhma nak ngkanek po'ok aptema aptangkok hengke'e helieplekama nak, ko'o nhan mok aktema astemakha. Have askeltemo eliantengvatak lheiap akpelapkeskama takhalhet lhepop anak hengke'e neksa akvai'a ta akientalhnema, askeltavek koka eltaqmelkesek lheiap.

Juan 17:25

Eniapom, asiavek ko'o lheiap apto apeivomo, koka enenlhet meliamolhma nak meliohok lheiap ma'a, koka helieplekama nak apkeliavek apto lheiap heiapaskama.

Juan 17:3

Etlhevangkok hata aliennaktema apnenio'ok aniem'o apkeliekpelkangveiam lheiap apto lhema aphapak aknema apmopvana, apkeliekpelkangveiam na Jesucristo apto lhta apkapaskama lheiap.

Juan 20:28

Lhta aptak Tomas: —¡Apveske ehenkok anak lheiap, Eniapom Neten ehenkok nahan! —lhta aptak.

Juan 8:42

Ka apkatemmongka lhta Jesús, lhta aptak: —Have apiapma'ak ketlhengkap Eniapom Neten ngkanek heltaknevakke mota, Eniapom Neten apto heiapaskama, have asvai'a ehenko ie'.

Hechos 20:28

Pastores aptaiangkok ketlhengkap aniem'o Espíritu Santo apkeltemeskeskama apkelemhama apmaniaie, ¡elel·halhnama ta mota ketlhengkap! Eltaqmelkes hata nhan apkellelto iglesia apankok Apveske, apkellelto lhta nhan apkenmama aniem'o ema apankok.

Romanos 9:5

Apkellelto nhan aptavana'ak neptamen nelieihengka'a judios aptaiangko lhnak nanek neten apankavek, Cristo nhan apto aptavana'ak neptamen ma'a, apnemo nhan Eniapom Neten, aptek apveske takhalhet'ok qaselha lhma nkek ham. Hai', ntasek ankek aniavenkaskesama mota apvesai'a m'a. Amen.

1 Corintios 1:30

Apkeliepetkasakhe lhta ketlhengkap Eniapom Neten Cristo, apto m'a malha apkeliangveiakmo apanko'ok, apkeltemeskeskamo nhan apkelpeivomo aniem'o m'a. Apkelpokkanmo nhan kakpota etnangkok Eniapom Neten apkennemolhema, apkel·hatsoskekho nhan neksa anmaikama moniamolhma.

2 Corintios 4:6

Aptepkeskangkek nak nanek Eniapom Neten apommatema neksa ienaqtesakha lhma, aptepkeskangkek na apommatema engelvalho'ok anak kakpota nkoltetkesek enenlhet'avok netlheno la'a ania'a aktemakha aplhenammap Cristo, netamen hata nkotlhene ta apvalho'ok Eniapom Neten apto akietnema akiavai'a apmopvana m'a.

2 Corintios 5:17

Nelvatesaiangkek ma'a aktemakha lhta alketamekama engelvalho'ok lhennenga, nelvatesaiangkek na nentaiangkolha lhta ngkollatsekama aniem'o nelpasmekha m'a Cristo, kolhva alhnankok nentaiangkolha

Efesios 3:18

Netamen nkovak hata apkeliangveiakmo ketlhengkap kakpota nhan lhamakho apkellelto nak apkelpokkenammap akiavai'a nkek hengamelaiam Cristo, akiavai'a akpaihema, akvanlha akvenaktema nkoie, kanhan konne kankoie, netne kankoie.

Filipenses 3:9

aspasmekho nhan ma'a. Asieniekhek astema moi'askeiam askanemo lhta aspeivomo aniem'o lhta askeliehekho ley Moises, kolhva koka asiavek asto aspeivomo aniem'o moi'askeiam Cristo. Hai, hetneskaskek aspeivomo Eniapom Neten aniem'o m'a mongiaskeiam anak.

1 Timoteo 3:16

Have niapak, qaselha akiemaskama engvalhok anak, nientelhek ankek aniangvomhok ma'a mongiaskeiam anak, ka aktonak ma'a Cristo nemo apaskamo nalhepop anak aptaiekho enenlhet apanke, netamen aplheianmo aktaqmanma aptemakha m'a Espíritu, apkelvetai'o nhan ángeles, nemo aleltennaseiangka nhan apvesai'a apieseksek metnangko nak judios, meliaskeiakmo nhan enenlhet'avok lhmankek ham, netamen na m'a apmammakpo takha neten akieplomo nemo ai'o kanhan nema aktaqmelkeskamo apvai'a.

Tito 2:13

anlhengkesek ma'a akvakmo ta aknem akvai'a alpaihengvaiam engvalho'ok akiavai'a, angvetangvomok hata ma'a alel·halhneiangka mota engelvalho'ok, nkotne ta aktaqmanma nke akvetammalhka malha apkelienmaiam apvaktamo ta aknema apmopvana apankek Eniapom Neten kanhan Jesucristo apto hengelvonkeskama tep,

Hebreos 1:8

Koka aptemak aplheianmo aptemakha apketka hengke'e: «Lheiap Eniapom Neten, etnek hata apveske metka akvaiam annelha aliekaikamok iantelhkapa, elanak hata mota akto akpeivomo.

1 Juan 2:23

Enenlhet apto la aptaqnongkoma Apketka nak ma'a, aptaqnevakkek na m'a Apiapom anak, koka apto la nhan enenlhet apmama takha Apketka nak ma'a, apmek na takha Apiapom anak ma'a.

1 Juan 2:24

Ka ngkanek ntasek ketlhengkap melvankamankek apkelleliehekho ania'a apkellengai'a sekhek anke lhta, ka aknangko la ania'a apqatko'ok anak ketlhengkap ma'a, apkelpasmakhek Apketka kanhan Apiapom ma'a,

1 Juan 2:6

Enenlhet apto la aplhenammakpo pankek apto apasmekha m'a, nkaimelhkek na etnek aptemakha lhta mota m'a.

1 Juan 4:14

Nelvetai'o lhta ennengko'o m'a, nelpaieskamo mota nhan ania'a aktemakha apkapaskamo lhta Eniapom apketka, kakpota elvongkesek tep aplhamakho enenlhet'avok lhmankek ham.

1 Juan 4:16

Nelvetai'a lhta mota ennengko'o hengamelaiam Eniapom Neten, mongeliaskeiakmo lhta nhan hengellamelaiam ma'a, ngkanek Apto hengamelaiam aniapom. Enenlhet apto la apkasekhai'o mota po'ok, apto nhan nengaqtek ankek apasmekha Eniapom Neten ma'a, Eniapom Neten na apasmekha m'a enenlhet anak.

1 Juan 4:2

Asmak'ak aleltennaksek ketlhengkap kakpota eliohok apietnema la Espíritu apankok Eniapom Neten. Koka enenlhet apto la aplheianma napaqtavek enenlhet'avok Jesucristo aptaiekho lhta enenlhet apanke, apvai'o lhta nhan nalhepop anak, koka enenlhet ma'a apietnema Espíritu apankok Eniapom Neten.

1 Juan 5:1

Apkellelto nak meliaskeiam Jesús apto nhan Cristo koka apkelvesai'a m'a Eniapom Neten apketkak. Apkellasekhai'o la Eniapom, apkellasekhavek na apketkak la m'a.

1 Juan 5:15

Neliavek apkailhave mota nelelmalhnongkoma m'a, hengellangkok hata nhan qaselha aktakha la nelelmalhnekama.

1 Juan 5:18

Neliavek ennengko'o mongelaneianko ngkollatsekama apkellelto nak Eniapom Neten apketkak, ngkanek Eniapom Neten Apketka nak apkeltakmelkeskama m'a, mankavankek na nkonaqtevaksek keliaqhameio'.

1 Juan 5:5

Apto la nhan mei'askeiam Jesús apto Eniapom Neten apketka, aptemeskasantek na koneng ngkollatsekama nak.

Apocalipsis 15:3

Apkennekmasengke lhta nhan apkennekmaskamo lhnak nanek Moises apto apkasennaikama Eniapom neten, kanhan nennekmaskama apvesai'a Nepkesek Apketkok, ka ntemak hengke'e: —Aliavai'a nkek qaselha apkelanai'a lheiap, hempelapkeskama nhan, apto apveske vanlha lhema aphapak aknema apmopvana apanke lheiap Eniapom Neten, apkelan'a mota qaselha akpeivomo kakpota nhan akto akietemo nkoie lheiap apto apveske takhaplhet'ok aplhamakho apkellavakha.

Apocalipsis 19:11

Ka asvet'o lhta akmaihakho neten ma'a, apiangke lhta lhema etanlheng akmopai'a m'a. Apto lhta apkanantema m'a apvesai'a metka apietnekho hempasmoma, kakpota nhan apto iokhalhmek ankek. Apte lhta mota apveske apeivomo, apkennapommap nahan.

Apocalipsis 3:14

—Etalhes no mokhom lheiap ania'a nak kakpota eniapaskesek ángel apno m'a iglesia akieto Laodicea, ka ntak ania'a hengke'e: Apto nak amen, Apto nhan apvetaiangko aplhenekho mota nhan iokhalhmek ankek ma'a, meietnekho nhan, Apto nhan apkeniemai'a m'a lhamakho qaselha apkelentepkeskamo lhnak nanek Eniapom Neten ma'a tep nak nanek, ka aptak na m'a:

Apocalipsis 3:7

—Etalhes no mokhom ania'a kakpota eniapaskesek ángel apno m'a iglesia akieto Filadelfia, ka ntak ania'a hengke'e: Apto nak Apokkenammap memangveiam ngkolatsekama, apto nhan have niapak anko ie', apto nhan akietnema llave apankok apveske David annenga. Apto nhan apmaieskama atong, mamma enenlhet apmopvana la eniapekhak ma'a, apkapekha apankek na atong ma'a, mamma nhan enenlhet apmopvana la emaiesekhak mokhom ma'a, ka aptak na m'a:

Apocalipsis 6:10

Lhta antangkok akiennaktema nkek alpaqmeiasma: —Apveske, lheiap apto Apokkenammap memangveiam ngkolatsekama, apto nhan have niapak anke ¿Se lha aknem hata eliekpelkok lheiap eliaqmongkaskesekhak hata apkeltemakha enenlhet alhta hengennapma ennengko'o, he? —lhta ntangkok alpaqmeiasma apkel·hangok ma'a.