1 Juan 5:18 - Nuevo Testamento Toba Maskoy

¹⁸ Neliavek ennengko'o mongelaneianko ngkollatsekama apkellelto nak Eniapom Neten apketkak, ngkanek Eniapom Neten Apketka nak apkeltakmelkeskama m'a, mankavankek na nkonaqtevaksek keliaqhameio'.

1 Juan 5:18 Iomraidhean Croise

Juan 1:13

Malha lhna lhta ntemak apalleiam alhnankok aniem'o Eniapom Neten, have m'a aniem'o apkeltemakha apankave nak enenlhet.

Juan 14:30

Ketse nkaimelhkak aknem akmaskemakha askelpaqmetkeskama ketlhengkap, ngkanek nkanketva'ak aveske lhma nkek ham, koka mamma akmovana hetneskasentak koneng ma'a.

Juan 15:4

Etlhengkes aktemakha nelpasmommalhko nak, lhema aktong la iamet mankoielhnema, nkoiaqtemenalhkak ma'a. Nnavek na ketlhengkap ma'a, mankotiepek na apkellanekamok altaqmelo qaselha helieniakho la nentaikamok nelpasmekha.

Juan 15:7

Apketlhengkaso la helpasmekama ketlhengkap, apkelleliahakho la nhan aspaioma, elelmalhnama nhan apkenmak'akha la'a, ngkolhek hata allangko m'a.

Juan 15:9

Askellasekhai'o ketlhengkap ka kto nak Eniapom heiamelaiam ko'o, hellasekho ta nhan ketlhengkap.

Hechos 11:23

Bernabe lhnoka apto enenlhet apiamolhma', aklanei'o lhnak na apvalhok Espíritu Santo m'a kakpota nhan mei'askeiam ma'a. Apvekhek nak Bernabe m'a akieto Antioquia, apvetangvekho lhnak Eniapom Neten apkeltakmelkeskama enenlhet'avok ma'a, avanhek ankek nak na akpaihekha apvalhok ma'a. Ka apkeliatekho lhnak ma'a enenlhet'avok kakpota melvatesankek apkelleliehekho Apveske. Aplhaniek nak enenlhet apkellailhemo Bernabe, ka aptaiangko nhan meliaskeiam Apveske m'a.

Santiago 1:18

Hengeltemeskeskangke lhta malha alhnankok nelpalleiam Eniapom Neten aniem'o ania'a aktaqmanma nak akto have niapak ankek akvakmo nentangko malha qaselha apankok la allelto neten ankavek altakmanma aiseksek ma'a lhamakho qaselha apkelentepkeskama lhta.

Santiago 1:27

Koka akto aktaqmelo nentaqmelkasemmalhko engankek napaqtek Eniapom Neten nentaikama mota amaika'a apkelieihekama kanhan lhentampak'a neksa alvetai'a akientalhnema, kanhan mongellankehe na hengellekhoho ngkolatsekama la enenlhet meliamolhma.

1 Pedro 1:23

ngkanek malha apalleiam la alhnankok mokhom, have aktonak ma'a engken anak hentengkeskama, ketlhengkap koka apalleiam aniem'o Eniapom Neten apaivoma nak akto akietnema aktema alhnankok, mangkotnengvaiam na nnelha.

1 Juan 2:29

Apkeliavek ketlhengkap Jesucristo apto apeivomo, ka lhamakho enenlhet anak apkellanekamok qaselha akpeivomo, apkellelto koka m'a Eniapom Neten apketkak.

1 Juan 3:12

Metnamo nkek na aktemakha lhnak nanek Cain, aniem'o lhnak nanek akmaikama keliaqhameio m'a akvakmo apkaqhekho lhnak apialheng apankek ma'a. Apkelanai'a mota ngkollatsekama, melhnok ma'a aptemakha apialheng vanlha lhnak nane mota apkelanai'a akpeivomo.

1 Juan 3:3

Koka apkellelto nak alel·halhnekama apvalho'ok elvetak hata m'a, malha apkelalhnasekpe pankavek kakpota etnangkok malha apkennemo m'a apto apkelalhnasemmap ma'a.

1 Juan 3:9

Mamma nkek na apkellanekamok ngkollatsekama m'a apkellelto nak Eniapom Neten apketkak, nnaiangkek apvalho'ok qaselha nepiava nak aktemakha apkellangiemhaikama aniem'o m'a Eniapom Neten, ka nkeniemai'ak na m'a metlhenkesek apkellanekamok ngkollatsekama ngkanek Eniapom Neten apketkak ma'a.

1 Juan 4:6

Ennengko'o koka nelleniem'o Eniapom Neten, hengellailhave mota m'a apkellelto la apkeliekpelkemo Eniapom Neten. Koka mankonmak'ak hengellailhok ma'a apkellelto nak melleniem'o nak Eniapom Neten. Netamen envanka'ak angelvetak apnaikamok la Espíritu akto have niapak anke nak niapom, nlho ka la nhan apnangko la av'alhok hengiennenkeskama ngken.

1 Juan 5:1

Apkellelto nak meliaskeiam Jesús apto nhan Cristo koka apkelvesai'a m'a Eniapom Neten apketkak. Apkellasekhai'o la Eniapom, apkellasekhavek na apketkak la m'a.

1 Juan 5:15

Neliavek apkailhave mota nelelmalhnongkoma m'a, hengellangkok hata nhan qaselha aktakha la nelelmalhnekama.

1 Juan 5:19

Nengeliavek na ennengko'o nelleniem'o Eniapom Neten, koka apkellelto nak meleliehekhok malha aknaktetema m'a maniamolhma ngken anak.

1 Juan 5:20

Nengeliavek na apvai'o lhta Eniapom Neten Apketka, hengellangkongvai'o lhta nhan aknema nengeliamo kakpota angeliekpelkangvomok ma'a apto have niapak anke nak niapom, nelpasmekhek na ennengko'o m'a aniem'o apketka Jesucristo. Koka apto Eniapom Neten, apto nha niapom have niapak anke, hengaikamok na akiennaktema enneniek nkotnengvaianlha nnelha.

1 Juan 5:21

Eietkak apketko'ok, melpasengvom ankek qaselha akiokha alanemmalhka nak.

1 Juan 5:4

ngkanek Eniapom Neten anak apketka apkeltemeskasantek koneng ngkollatsekama nak. Mongeliaskeiam anak ntemeskesantek na koneng ngkollatsekama nak.

Judas 1:21

Etlhengkes hata mota apkellamelaiam Eniapom Neten, elel·halhen hata aknem nkovak hengellaikamok aliennaktema ennenio'ok nkotnengvaianlha nnelha aniem'o m'a apveske engankok Jesucristo apmapiose nhan hengellanhok ma'a.

Judas 1:24

Apvankek Eniapom Neten elpasmok ketlhengkap kakpota mellanankek qaselha ngkollatsekama, elalhnaskesek na apvalho'ok neksa apkeliamolhma. Eliantemakhek na akieto napaqtek aktaqmelakha nkek ma'a akieplomo akiavai'a alpaihekha apvalho'ok.

Apocalipsis 2:13

"Asiave ko'o apnek lheiap akieto akietnemakha nak aktanema aveske Satanas, man koka heieniekhak lheiap, meietnekhok nahan, mang na hei'askeiakmok lheiap neksa apmatnama alhta Antipas apto lhta nhan ma'a apaieskama mota ania'a asvesai'a ko'o, meietnekho lhta nhan ma'a Antipas, lhtoka apmatnamak ma'a akieto aknemakha Satanas.