1 Juan 4:8 - Nuevo Testamento Toba Maskoy

⁸ Koka apto la meniasekhai'o po'ok, meiekpelkak na Eniapom Neten, ngkanek Eniapom Neten apto nengasekhai'o niapom.

1 Juan 4:8 Iomraidhean Croise

2 Corintios 13:11

Hai, ka m'a, askeltavek ko'o nkolpaihekha mota apvalho'ok ketlhengkap elialheng'a ham, elienlhanmamok hata mota apkenmahai'a eletsavhongvomhok apkeliangveiakmo, eliatamo ta mota po'ok, elloka ta lhemek aknemo mo'ok apvalho'ok kanhan metka akmaska nak apieseksek anak ketlhengkap ham. Eniapom Neten apto niapom aktaqmelaikama engvalho'ok anak kanhan nengamelaiam, etnangkok apketlhelhma'ak amota ham.

Efesios 2:4

Koka avanhek anke lhta apkelietnai'a nengaqta'a Eniapom Neten ma'a, avanhek ankek na hengellamelaiam.

Hebreos 12:29

ngkanek apto nhan malha talha m'a aksavhomo nak alvanlhema qaselha m'a.

1 Juan 1:5

Neleltennaskek ennengko'o ania'a aktemakha lhta hengeleltennaskama Jesucristo, Eniapom Neten nak apto malha apommatema, mamma lhnak na ienaqtesakha la lhma m'a.

1 Juan 2:4

Koka apto la aplheianma apiekpelkemo m'a, man koka eliahakho apkellanemakha etnangkok ma'a, mok apatong koka m'a, mopvana ania'a, have iokhalhmek aplheianma m'a.

1 Juan 2:9

Enenlhet apto la aplhenammakpo apankek aploma aiseksek atsak'elha lhma, koka aptaqnevakkek enialheng la'a, apmopvana ania'a m'a, aploka niekhe mokhom aiseksek ienaqtesakha lhma.

1 Juan 3:10

¿Ko la aptemakha anioho' apto la Eniapom Neten apketka, kanhan atka la keliaqhameio aveske, he? Nkaimelhkek hata ellanama sekhe' apkellangiemhaikama m'a, ka melan'o la qaselha altaqmelo m'a, meniasekhek na enialheng, have Eniapom Neten apketka m'a.

1 Juan 3:6

Ka nkeniemai'ak na m'a aplhamakho apkellelto la apkelpasmekha m'a mellanengko mota lhamakho knem ngkollatsekama, koka apkellelto nak apkellanekamok ngkollatsekama, melvetak, meliekpelkak nahan.

1 Juan 4:16

Nelvetai'a lhta mota ennengko'o hengamelaiam Eniapom Neten, mongeliaskeiakmo lhta nhan hengellamelaiam ma'a, ngkanek Apto hengamelaiam aniapom. Enenlhet apto la apkasekhai'o mota po'ok, apto nhan nengaqtek ankek apasmekha Eniapom Neten ma'a, Eniapom Neten na apasmekha m'a enenlhet anak.

1 Juan 4:7

Ketlhengkap elialheng'a askellasekhai'o ntasek angellasekhalhko mota ennengko'o, ngkanek nengasekhai'o nak nkeniemai'ak ma'a Eniapom Neten. Enenlhet apto la apkasekhai'o mota po'ok, apto nhan Eniapom Neten apketka m'a, apiekpelkek nahan.