1 Juan 3:19 - Nuevo Testamento Toba Maskoy

¹⁹ Ka nelpasmo la mota emmo'ok, nkotlheianvakhok hata mota engelvalho'ok nengelelto nelpasmekha Eniapom Neten apto haveniapak ma'a. Envanka'ak hata nhan angelteteskakhok napaqtek ma'a metka altaikama engelvalho'ok.

1 Juan 3:19 Iomraidhean Croise

Juan 13:35

Ka apkellasekhakpo la mota apieseksek anak ketlhengkap, nkotlheianvakhok hata apvalhok enenlhet have niapak ankek askeltamesaikamok ketlhengkap —lhta aptak Jesús.

Juan 18:37

Koka lhna lhta aptemak mokhom Pilato apkanemo: —Ia', tokha nak kelha apiav'akha apveske lheiap —lhna lhta aptemak. Koka lhna lhta aptemak mokhom Jesús: —Lheiap aplhenak ma'a, ko'o koka asva'ak kakpota atlhekmoksek akto have niapak, hellailhavek na enenlhet'avok aptengiaikamo mota akto have niapak anke —lhna lhta aptemak.

Romanos 4:21

Apiamave panke lhta Abraham Eniapom Neten apvankek eieplavkesek aptemakha lhnak nanek apeneskamo apaivoma aplheianma eniangkok hata.

Romanos 8:38

Nengeliavek na ennengko'o akto have niapak ankek mamma qaselha akmovana hengelieniavkesek hengamelaiam Eniapom Neten, niekhe nengetsepma, nengeliennaktema, ángeles, kasekapo av'alho'ok, aktakha nenvetai'a kolhvave nak, aktakha ta nhan emmanie nak.

2 Timoteo 1:12

ka nkeniemai'ak asvetai'o nak akientalhnema m'a, man koka amangkaktemak ngkanek ko'o asiavek apto moi'askeiakmo, apto lhta nhan heiapaskama apaiaksek ania'a aktaqmanma, asiavek na akietnema apmopvana m'a kakpota ngkolhek aklhengkasakho nema akpaieskama ania'a aktaqmanma nak akvakmo ta aknem hata m'a.

Hebreos 10:22

Ntasek angelteteskakhok Eniapom Neten engvalhok iokhalhmek ankek, mongeliaskamek nahan akiokho nkoie' ngkanek malha alalhnai'o engelvalho'ok, alalhnai'o nhan eniempeiok aniem'o m'a iemmen aktaqmanma nkoie.

Hebreos 11:13

Apsavhommakpavek nak nanek apkeletsepma nelieihengka'a metlhevaiangkok na qaselha apeneskamo lhnak nanek apaivoma Eniapom Neten ellangkok hata m'a. Koka apkeliamavek nak nanoka nkovak hata m'a, malha koka ntemak apkelvetai'a mokhek ankek ma'a. Apketlhenammakpo lhnak nanek na apankavek malha amaika'a aptaikamok nkotnakha apkellavakha takhalhet lhepop anak ma'a.

1 Juan 1:8

Ka netlhenalhko la engankavek ennengko'o metka nellanekamok qaselha ngkollatsekama, have nhan iokhalhmek nenlheianma, neniennenkaselhkek na engankek ma'a.

1 Juan 2:21

Asnaktalheskaskek ko'o vakkahak anak ngkanek apkeliavek ketlhengkap akto have niapak anke nak, apkeliavek na akmovana ania'a nak have aniem'o m'a akto have niapak anke nak.

1 Juan 3:14

Ennengko'o lhennenga nellomaka lhta malha neletsepma, kolhva koka neliavek nentaikokhok mokhom enhalhnanko'ok ngkanek nellasekhavek engelialheng'a. Enenlhet meniasekhai'o la po'ok, malha apketsepma ntak m'a.

1 Juan 3:20

Niekhe alketamekama nak engvalho'ok hengetlhenkeskekho nengellanekamok qaselha ngkollatsekama, Eniapom Neten koka apto neten apankek nema apiamo, mangkolhnok alketamekama nak engvalho'ok, apiavek na lhamakho qaselha.

1 Juan 3:21

Ketlhengkap apkellelto nak askellamelaiam, ka alketamekama nak engelvalho'ok manghengetlhenkeskekho la nellanekamok qaselha ngkollatsekama, koka envanka'a angelteteskakhak metka altaikama engelvalho'ok napaqtek Eniapom Neten ma'a.