1 Juan 3:17 - Nuevo Testamento Toba Maskoy

¹⁷ Lhema enenlhet la nema apketsekama etak enialheng aimommalhka la nema akpasmoma, man koka epasmak ma'a aniem'o anmasmo qaselha apvalhok, mankoietnak na songkek nengasekhai'o nak aniem'o Eniapom Neten.

1 Juan 3:17 Iomraidhean Croise

Lucas 3:11

Ka apkellatemmoiangka lhnak mokhom Juan, lhna aptemak: —Apietnek hata nkek apqanet apkelaqlammap ketlhengkap, eniamok hata lhema po'ok metka la apkaqlammap. Nietnek hata nkek aptekamok ketlhengkap, eniamok hata nhan po'ok metko la aptoma —lhna aptemak apkellatemmoiangka Juan ma'a.

2 Corintios 8:9

Apkeliavek na ketlhengkap aptemakha lhta Cristo, malha aknema apketsekama lhta m'a, koka aptemongvai'ak hengke'e metka apketsekama aniem'o apkellamelaiam ketlhengkap, kakpota eltemeskeskak na ketlhengkap malha nema apkelletsekama la'a.

Hebreos 13:16

Melvatesamo nkek na apkellanekamo mota qaselha altaqmelo, apkelpasmoma nhan po'ok, ngkanek qaselha nak ma'a akleklemelha apvalhok Eniapom Neten, malha nengaqhema la nentoskama nengaikamok anak ma'a.

Santiago 2:15

Malha aktonak apkelvetai'a la ketlhengkap lhema enialheng apkenno la'a nlho ka la enialheng ngkelvana la'a, metka aletsekama kanhan metka aktekamok,

Santiago 2:16

hatelha etnangkok elpaqmetek ketlhengkap ma'a: "Askeltavek ko ngkotnek aktaqmanma apkaniemhaikama lheiap, etak aptalhnema apmokhetma apankok kanhan aptoma akvakmo apiapqanakmo", kelha etnangkok ketlhengkap. Aqhemo koka apkelpakmetekama, nkaimelhkek koka ellangkok qaselha alaimommalhkelha la po'ok.

1 Juan 4:20

Apto la enenlhet aplheianma mota apkasekhai'o Eniapom Neten, koka aptaqnevakke mota enialheng la'a, apmopvana ania'a m'a. Apto la enenlhet apvetai'a mota enialheng man koka eniasekhak ma'a, mankapvankek na eniasekhok Eniapom Neten ma'a nkanek meta'ak ma'a.

1 Juan 5:1

Apkellelto nak meliaskeiam Jesús apto nhan Cristo koka apkelvesai'a m'a Eniapom Neten apketkak. Apkellasekhai'o la Eniapom, apkellasekhavek na apketkak la m'a.