1 Juan 3:15 - Nuevo Testamento Toba Maskoy

¹⁵ Enenlhet apto aptaqnongkoma enialheng, koka malha ntekioma niapom ma'a, mankoiennak na akiennaktema apneniek mankotnengvaianlha nnelha m'a aniem'o aptema ntekioma niapom.

1 Juan 3:15 Iomraidhean Croise

Marcos 6:19

Ka aklomo lhnak ma'a Herodias, mmahai'avek nak ngkaqhek Juan koka mang nak ngkomovanak ma'a

Juan 4:14

Koka enenlhet apiama nak iemmen askaikamok anak ko'o, meimakiek hata mokhom. Nkotepangkok hata mota iemmen konne apvalhok, ngkankok hata nhan akiennaktema apneniek mankotnengvaianlha nnelha —lhna lhta aptemak Jesús.

Juan 8:44

¡Aveske keliaqhameio' atkak ketlhengkap! Vanlha mota apkelleliehekho m'a, nentekioma niapom ma'a tep nak nanek ampai'osekha lhmankek ham, kakpota nhan akmovana ania'a anko ie, ngken na nenmopvana ania'a nak.

Hechos 23:12

Mo'ok aknem na lhta ntemak ma'a, moklhem'a judios, tep 40 lhna lhta m'a, apkelpeneskamo lhna lhta ania'a kakpota ennapok Pablo. Apkelpeneskamo lhna lhta nhan apkelpaqmeiasma metka aptaveikokha, metka apienaikamok akvaiakmo lhna lhta apkennapo Pablo. Lhna lhta metnangko la aptaiangkolha lhnak ma'a, ntasek na lhta nkovak akientalhnema takhaplhet'ok ma'a.

Hechos 23:14

Ka apkenmeiekho lhna lhta napaqtavek apkelemhama apmaniaie sacerdotes kakpota nhan metno apketko'ok judios, lhna lhta aptaiangkok ma'a: —Nelpeneskek lhek ennengko'o nelpaqmeiasma metka nentekamok nentoma kakpota nhan metka neniama akvakmo ta nengaqho Pablo. Nkolhemmak hata nhan qaselha ngkolatsema tekhenlhet'avok ennengko'o mantangko la m'a.

Santiago 1:15

netamen apkelan'ak ngkolatsekama m'a, nkoiangvomok hata m'a apkelanai'a ngkollatsekama akvakmo apketsepo ta ngkotnek.

1 Pedro 1:23

ngkanek malha apalleiam la alhnankok mokhom, have aktonak ma'a engken anak hentengkeskama, ketlhengkap koka apalleiam aniem'o Eniapom Neten apaivoma nak akto akietnema aktema alhnankok, mangkotnengvaiam na nnelha.

1 Juan 2:11

Koka apto la aptaqnongkoma enialheng, malha metka apaqto'ok la m'a, apne mota, aploka nhan malha ienaqtesakha lhma la'a, meihok na apmangkolha la m'a.

1 Juan 2:9

Enenlhet apto la aplhenammakpo apankek aploma aiseksek atsak'elha lhma, koka aptaqnevakkek enialheng la'a, apmopvana ania'a m'a, aploka niekhe mokhom aiseksek ienaqtesakha lhma.

Apocalipsis 21:8

Koka enenlhet la ai'a apvalhok, apiaskeiam, aposkama qaselha, apkaqhema po'ok, apkenmensangveiam alhma, aptema apiolhma melatsekama, apiavenkaskesaikama akvesai'a qaselha akiokha alanemmalhka kakpota nhan apmopvana ania'a, ngkolhek hata akiantemakho akieto m'a sanga akietnemakha alaivomakha talha kanhan azufre, koka akvesai'a m'a hanet aktaiekho nengetsepma —lhta aptak heiano m'a.