1 Juan 2:17 - Nuevo Testamento Toba Maskoy

¹⁷ Nkomaskengvomok hata m'a ngkollatsekama nak kakpota nhan akmahai'akha na mota nkolanak engvalhok, koka mankomaskengvomek ma'a apto la enenlhet apkelanai'a apkeltemakha etnek Eniapom Neten, eloka ta nhan mankotnengvaianlha nnelha m'a.

1 Juan 2:17 Iomraidhean Croise

Marcos 3:35

Enenlhet apto apkasekhai'o Eniapom Neten kakpota nhan ngkelvana'ak, koka elialheng'a m'a kakpota nhan meme —lhna aptemak Jesús apkellanemo m'a.

Juan 4:14

Koka enenlhet apiama nak iemmen askaikamok anak ko'o, meimakiek hata mokhom. Nkotepangkok hata mota iemmen konne apvalhok, ngkankok hata nhan akiennaktema apneniek mankotnengvaianlha nnelha —lhna lhta aptemak Jesús.

Juan 6:58

Ka pan anak apkeniem'o neten, have aptonak ma'a nentoma mana aptoiangko lhnak nanek apkelieihengka ketlhengkap, nkaqhok koka apkeletsepmek lhnak nanek ma'a. Koka aptavengko la pan alheno lhkek, ngkoitek hata aliennaktema apnenio'ok mankotnengveianlha nnelha —lhta aptak Jesús.

Juan 7:17

Apmak'ak hata nkek eliehekhok Eniapom Neten enenlhet, eihok hata aktakha asketlhekmoskama nak aniem'o Eniapom Neten, have aniem'o ehenkok ehenke.

Romanos 12:2

Metnamo nkek aptaiangkolha nak meliamo nak Eniapom Neten, amanie nkek nkaimelhkak eliaqmongkasekhak mo'ok atlhenaikama apvalho'ok ketlhengkap, netamen nkovak hata nhan ma'a malha akiaqmoiekha na mo'ok apkellangiemhaikama. Netamen hata nhan ma'a nkovak apkeliangveiakmo aktaqmanma nkek aptemakha Eniapom Neten apmahai'elha, qaselha aleklemelha nak na apvalho'ok, qaselha aktaqmanma nkoie

1 Corintios 7:31

Apkellelto nak alpaiesaikama apvalho'ok aniem'o ngkeskama qaselha apanko'ok, mankoltaqmelkaskesama nkek apvalho'ok ma'a ngkanek ngkovomok hata akmaskengvaianlha m'a lhamakho nak.

Colosenses 1:9

Neksa nellengai'a lhta ania'a aktemakha apkellangiemhaikama ketlhengkap ham, lhta nkenok nelelmalhneskeskama mota metka nnelha Eniapom Neten eltemeskesek apkeliekpelkangveiakmo kiokho nkek aptemakha m'a, ellangkok na lhamakho aktemakha nema neniamo kakpota nhan neniekpelkemo aniem'o Espíritu apankok.

Colosenses 4:12

Apkapaskek na aklheianma apvalhok Epafras apto nhan apaivomolhema nak ketlhengkap, apto nhan apkasennaikama Cristo Jesús, vanlha mota apaqmetkeskama apkapiosekama Eniapom Neten kakpota eliennak akiokho nkek ketlhengkap apkelieplavkeskama apmahai'elha m'a.

1 Tesalonicenses 4:3

Vanlha koka apkeltemavek Eniapom Neten elieniekhak ma'a ngkollatsekama nak, menmensangvom anke lhma mellanemmakpelha nak etnangkok.

1 Tesalonicenses 5:18

Ketlhengkap apkellelto meliaskeiam Cristo Jesús nietavek na etnangkok gracias lhamakho qaselha apkelvetakha la'a, ka apiaspongkomakha Eniapom Neten ma'a.

Hebreos 10:36

Elel·halhen hata metka apkelpekheskama ellanangko mota nhan apkellanemakha etnangkok Eniapom Neten, netamen etlhevangkok hata qaselha apeneskamo lhta aplheianma ellangkok hata m'a.

Santiago 4:14

Mang koka eiho' akmak'akha ta ngkotnek apkaniemhaikama apmanie' m'a, emaskengvomo ta m'a, malha akto nak teiam eten akiakvatakho nak nenvetai'a, mpelapkaske na akmaskengvakmo m'a.

1 Pedro 1:5

Meliaskeiakmok ketlhengkap Eniapom Neten ka nkeniemai'ak apkeltakmelkeskamo m'a akieplomo apmopvana kakpota etlhevangkok hata lhema qaselha apeneskamo akietnaikama apaqtek ellangkok hata akvakmo ta aktakha nnelha aknem, akvesai'a nak ma'a nenvongkasemmalhka tep.

1 Pedro 4:2

kakpota nhan akiaspongkomakha la apvalhok, apvankek na elana mota qaselha akleklemelha la apvalhok Eniapom Neten.