1 Juan 2:15 - Nuevo Testamento Toba Maskoy

¹⁵ Melteniamo nke mota qaselha ngkollatsekama aknaiangko nak nalhepop, mellanko nkek na apvalhok anak aliatengko la altemo ellanangkok qaselha ngkolatsekama. Apto la enenlhet apteniai'a mota ngkollatsekama, meniasekhek hata nhan Eniapom.

1 Juan 2:15 Iomraidhean Croise

Lucas 16:13

Mongapvankek angellasennama apqanet la apveske' engankok, ngkanek angasekho, angeliehekhok na lhema aphapak, koka antaknevak ma'a po'ok, mongeliehekhek nahan. Mangapvankek angasennama Eniapom Neten kanhan aveske patakkom Mamon —lhna aptemak Jesús apketlhekmoskamo m'a.

Juan 15:19

Aptangko la apkellanekamok ngkollatsekama ketlhengkap, ka enenlhet anak apkellanekamok ngkollatsekama ellasekho ta nhan ketlhengkap ma'a, ka akto nak apkellasekhai'elha la mota apkeltaiangkolha apketlhelhma'ak. Ko'o koka askeliekieskama ehenkek ketlhengkap apieseksek anak ma'a, mmaskek aptangko m'a aptaiangkolha nak ma'a, ka ngkanek eltaknevak ketlhengkap ma'a.

Romanos 12:2

Metnamo nkek aptaiangkolha nak meliamo nak Eniapom Neten, amanie nkek nkaimelhkak eliaqmongkasekhak mo'ok atlhenaikama apvalho'ok ketlhengkap, netamen nkovak hata nhan ma'a malha akiaqmoiekha na mo'ok apkellangiemhaikama. Netamen hata nhan ma'a nkovak apkeliangveiakmo aktaqmanma nkek aptemakha Eniapom Neten apmahai'elha, qaselha aleklemelha nak na apvalho'ok, qaselha aktaqmanma nkoie

Galatas 1:10

Motenia ko'o allekkasekama la apvalho'ok enenlhet hellanhoho, vanlha koka m'a asteniai'o nkollekkasama apvalhok Eniapom Neten. Ka astenio la ko'o nkollekok apvalho'ok enenlhet hellanei'o, nkomaskok hata asto hennenkasekama Cristo.

Efesios 2:2

Apkellaneiangke lhta nhan ngkollatsekama ketlhengkap aptaiangkolha nak enenlhet'avok lhmankek ham, apkeleliehekhave lhta ketlhengkap kasekapo av'alho'ok aveske alloma nak ma'a neten, anmaikama aplhamakho apkellelto nak meleliehekho Eniapom Neten.

1 Timoteo 6:10

Hai', lhamakho qaselha ngkolatsekama aniem'o m'a nkeskama nenteniai'a patakkom, aplhaniek na apkelieniekha aptaikamo lhta meliaskeiam, apketselhnanemmakpo nhan akiavai'a nkek ma'a.

Santiago 1:27

Koka akto aktaqmelo nentaqmelkasemmalhko engankek napaqtek Eniapom Neten nentaikama mota amaika'a apkelieihekama kanhan lhentampak'a neksa alvetai'a akientalhnema, kanhan mongellankehe na hengellekhoho ngkolatsekama la enenlhet meliamolhma.

Santiago 4:4

¡Apnaqtevaskamavek ketlhengkap apkellanei'o Eniapom Neten! Apkeliangveianlha niekhe ketlhengkap apkellelto niekhe apkellasekhai'o ngkollatsekama nak, apkellammelhmek koka niekhe nhan Eniapom Neten, have niapak ankek ma'a.

1 Juan 3:17

Lhema enenlhet la nema apketsekama etak enialheng aimommalhka la nema akpasmoma, man koka epasmak ma'a aniem'o anmasmo qaselha apvalhok, mankoietnak na songkek nengasekhai'o nak aniem'o Eniapom Neten.

1 Juan 4:5

Meliekpelkak Eniapom Neten apketsekama ania'a nak apkenmopvanka ania'a, apketlhengke mota apkellammelhma Eniapom Neten, apkellailhave mota enenlhet anak ma'a apkellelto nhan apkellammelhma Eniapom Neten.

1 Juan 5:10

Apto la enenlhet mei'askeiam Eniapom Neten apketka, apmek na takha aplheianma Eniapom Neten aptemakha Apketka. Koka apiaskakmo la enenlhet, apkeltangkek na apmopvana ania'a Eniapom Neten.