1 Juan 2:13 - Nuevo Testamento Toba Maskoy

¹³ Asnaktalheskaskek na ketlhengkap apiapma'ak anak, ngkanek apkeliavek ma'a apnemo lhnak nanek tep nak nanek alanemmalhko sekha lhmankek ham. Asnaktalheskaskek na m'a ketlhengkap apketko'ok, ngkanek apkeltemeskesentanie koneng maniamolhma ngken anak.

1 Juan 2:13 Iomraidhean Croise

Lucas 10:22

Netamen nak ma'a lhna aptemak apkellanemo Jesús aplhamakho enenlhet'avok ma'a: —Hellaiangkek lhamakho qaselha ko'o Tata, mamma enenlhet apiekpelkemo Apketka nak, vanlha koka Eniapom apiekpelkemo m'a. Mamma nhan enenlhet apiekpelkemo Eniapom anak ma'a, vanlha koka apto Apketka apankek apto apiekpelkemo m'a kanhan apkeliekpelkemo m'a apkellelto la enenlhet'avok apkeliekieskama Apketka —lhna aptemak Jesús.

Juan 14:7

Koka heliekpelko la apankavek ketlhengkap, eliekpelkok hata nhan ko'o Tata. Apkeliekpelkek koka kolhvave nak ngkanek apkelvet'a ie —lhta aptak Jesús.

Juan 14:9

Koka lhta aptak mokhom Jesús apkatemmongka: —Felipe, lhennenga ntak asnema apieseksek anak ketlhengkap, ¿mokhom anlho menheiekpelkema lheiap, he? Enenlhet apto la hetai'a ko'o, apvet'ak na Eniapom. ¿Se lha akto apkelto lhkek alvetaskesek Eniapom, he?

Juan 16:3

Koka nkeniemai'ak mangheliekpelkemak ko'o m'a kakpota nhan Eniapom enenlhet meliamolhma nak ma'a.

Juan 16:33

Nkollengaskesangkok hata akientalhnema ketlhengkap hengke'e nalhepop anak aniem'o maniamolhma nak, koka mellaga nkoie ngkanek astemeskesakhek ko koneng aveske nalhepop anak, elvetak hata nhan altaqmelaikama apvalho'ok aptangko la helpasmekha mota —lhta aptak Jesús.

Juan 17:21

Eniapom, askeltavek na elpasmakpok ma'a ka kto nak ennengko'o malha enlhema, netamen hengelpasmekhak hata nhan ennengko'o m'a kakpota meliaskamek hata enenlhet apto lheiap heiapaskama.

Juan 17:3

Etlhevangkok hata aliennaktema apnenio'ok aniem'o apkeliekpelkangveiam lheiap apto lhema aphapak aknema apmopvana, apkeliekpelkangveiam na Jesucristo apto lhta apkapaskama lheiap.

Juan 8:19

Netamen alhta aptangkok apkelelmalhnengka m'a: —¿Ko la apnakha Apiapom lheiap ma'a, he? Ka apkatemmongka lhta Jesús ma'a, lhta aptak: —Mangheliekpelkak ketlhengkap ko'o, man na eliekpelkak ko'o Tata, koka heliekpelko la'a, apkeliekpelkek na ko'o Tata —lhta aptak Jesús.

2 Corintios 4:6

Aptepkeskangkek nak nanek Eniapom Neten apommatema neksa ienaqtesakha lhma, aptepkeskangkek na apommatema engelvalho'ok anak kakpota nkoltetkesek enenlhet'avok netlheno la'a ania'a aktemakha aplhenammap Cristo, netamen hata nkotlhene ta apvalho'ok Eniapom Neten apto akietnema akiavai'a apmopvana m'a.

1 Timoteo 5:1

Meliennaho nkek apkellanei'o apkelvaneiam la'a, ntasek koka eleltennasangkok nentemakha malha aktonak apiapom apankek la'a. Eltaqmelkes hata nhan apketko'ok malha aktonak apkelialheng'a apankek la'a.

Tito 2:6

Eleltennasamok hata nhan apketko'ok anak nkotlhenek apvalho'ok amanie apkenmak'akha la ellanangkok lhamakho qaselhaha,

1 Juan 1:1

Ka vakkahak anak nennaktalheskama aktemakha aklheianma apto nak ma'a Apaivoma hengaikamok akiennaktema enneniek, ka Apaivoma nak apnengkek tep nak nanek nemakha sekha allanei'o lhamakho qaselha lhmankek ham, nelvetai'a enganke lhta nhan ennengko'o m'a, nellengai'a lhta nhan akvakmo hengelmangvei'o lhta nhan ennengko'o m'a, have niapak ankek ma'a.

1 Juan 2:1

Ketlhengkap eietkak apketko'ok, asnaktalheskaso nak vakkahak anak askeleltemakha etnangkok kakpota mellanankek qaselha ngkollatsekama, ka apkelan'o la ngkolatsekama lhema aphapak ham, apnek koka lhema apto Henmasmo niapom, Jesucristo apto nhan apeivomo m'a, enio ta mota m'a napaqtek Eniapom.

1 Juan 2:12

Asnaktalheskaskek vakkahak anak hengke'e ketlhengkap eietkak apketkok, ngkanek nne lhta aktemeskesangkankek apkellanekamok ngkollatsekama aniem'o m'a apvesai'a Jesucristo.

1 Juan 2:14

Asnaktalheskaske lhta nhan vakkahak anak ketlhengkap eietkak apketkok, ngkanek apkeliavek Eniapom, asnaktalheskaske lhta nhan ketlhengkap apiapma'ak, ngkanek apkeliavek apnemo lhnak nanek tep nak nanek ma'a alanemmalhko sekha lhmankek ham, asnaktalheskaskek na ketlhengkap apketko'ok ngkanek melieniekhak Eniapom Neten anak apaivoma, apmelleihak apankavek nahan, apkeltemeskesentaniek koneng maniamolhma ngken anak.

1 Juan 3:12

Metnamo nkek na aktemakha lhnak nanek Cain, aniem'o lhnak nanek akmaikama keliaqhameio m'a akvakmo apkaqhekho lhnak apialheng apankek ma'a. Apkelanai'a mota ngkollatsekama, melhnok ma'a aptemakha apialheng vanlha lhnak nane mota apkelanai'a akpeivomo.

1 Juan 4:4

Eietkak apketkok, apkelpasmekhak Eniapom Neten ketlhengkap, apkeltemeskesentamo lhta koneng apketsekama ania'a nak apkenmopvanka ania'a, ngkanek nnankek apvalho'ok apto aknema nak apmopvana metlhok aknaiangko nak apvalho'ok meliekpelko nak mokhom Eniapom Neten.

1 Juan 5:18

Neliavek ennengko'o mongelaneianko ngkollatsekama apkellelto nak Eniapom Neten apketkak, ngkanek Eniapom Neten Apketka nak apkeltakmelkeskama m'a, mankavankek na nkonaqtevaksek keliaqhameio'.

1 Juan 5:20

Nengeliavek na apvai'o lhta Eniapom Neten Apketka, hengellangkongvai'o lhta nhan aknema nengeliamo kakpota angeliekpelkangvomok ma'a apto have niapak anke nak niapom, nelpasmekhek na ennengko'o m'a aniem'o apketka Jesucristo. Koka apto Eniapom Neten, apto nha niapom have niapak anke, hengaikamok na akiennaktema enneniek nkotnengvaianlha nnelha.

Apocalipsis 12:11

Koka apkeleltemeskesakhe lhta koneng ma'a aniem'o lhta akiangkenammalhka ema apankok Nepkesek Apketkok, aniem'o lhta nhan apketlheianma apvesai'a m'a metka apkellai'a, nkaqhok apkenmahai'a etekio'ok

Apocalipsis 2:7

—¡Eltaqmelkaso no apkellailhemo apaiko'ok anak apmak'akha etnek aplheianma m'a Espíritu aklhamakho nke nak iglesias!: "Apkellelto ta apkeliephongveiakmo, allangkok hata aptekamok akielhna iamet hengaikamok akiennaktema enneniek, amhamo nak ma'a iokhalhma aktaqmanma nkoie' apnemakha nak Eniapom Neten", lhta aptak.