1 Juan 1:3 - Nuevo Testamento Toba Maskoy

³ Hai, netlheianme mota aktemakha lhta nenvetai'a, nellengai'a nhan, kakpota ketlhengkap hengelpasmekhak ennengko'o m'a, ka ktemo nak ennengko'o hengelpasmekho Eniapom kanhan Apketka Jesucristo.

1 Juan 1:3 Iomraidhean Croise

Juan 17:11

Eniapom Apokkenammap memangveiam ngkolatsekama, molhek hata mokhom hengke'e nalhepop anak, aniantak hata ham apnakha nak lheiap. Koka eniakhangkokhak hata hengke'e helieplekama nak, askeltavek enmeivok akieplomo apmopvana nak lheiap kakpota nheklhe ngkotnek apkelpasmommakpo, ka kto nak ennengko'o.

Juan 17:21

Eniapom, askeltavek na elpasmakpok ma'a ka kto nak ennengko'o malha enlhema, netamen hengelpasmekhak hata nhan ennengko'o m'a kakpota meliaskamek hata enenlhet apto lheiap heiapaskama.

Juan 17:25

Eniapom, asiavek ko'o lheiap apto apeivomo, koka enenlhet meliamolhma nak meliohok lheiap ma'a, koka helieplekama nak apkeliavek apto lheiap heiapaskama.

Juan 17:3

Etlhevangkok hata aliennaktema apnenio'ok aniem'o apkeliekpelkangveiam lheiap apto lhema aphapak aknema apmopvana, apkeliekpelkangveiam na Jesucristo apto lhta apkapaskama lheiap.

Juan 19:35

Apto lhta apvetai'a m'a aktemakha akvetammalhka m'a have niapak ankek na aptemak aplheianma, metka apmopvana ania'a, aplheianmak ma'a kakpota nhan meliaskamek ketlhengkap.

Hechos 13:32

Apkeleltennaskangkek nak nanek Eniapom Neten lhema apaivoma nelieihengka ngkotnek hata, koka melvetaiangkok ma'a. Ennengko'o koka nelvetai'ak, nenmak'ak na angelleltennaksek napaqtavek ketlhengkap ania'a aktaqmanma nak Eniapom Neten aktemakha aplhatekhaskeiam apieseksek apkenmaskengvaiakmo Jesús, aktemakha lhnak nanek na aktalhesammalhka vakkahak Salmos 2, ntemak hengke'e: «Lheiap apto eietka, ko'o heieniemai'a astepkeskama kolhvave nak».

Hechos 13:41

«Ellaho ketlhengkap apkellelto apkelvannaikama, enmenamok enieniamok hata nhan, aveskak hata ko'o qaselha melvetai'o, eliaskamok hata akno ta aleltennasengka ketlhengkap aktakha akvetammalhka m'a», lhnak nanek aptaiangkok ma'a.

Hechos 2:42

Vanlha lhna mota apkellasekhai'o aktemakha apketlhekmosekamok nema allapaskamo, apkeltaiangkolha lhna lhta mota nhan apketlhelhma'ak, kakpota nhan aptaveikokho lhemek, kanhan apkelpasmekho apkelelmalhnongkoma m'a.

Hechos 4:20

Mongellapvankek ennengko'o angelvanma angetlhenek lhamakho aktakha alhta nenlengai'a kakpota nhan nelvetai'a —lhna aptemak Pedro.

Romanos 15:27

Anmahai'o nke lhta apvalho'ok ellankesekha patakkom anak, ntasek aptaiangko m'a ngkanek malha apkeliaqmongkasekha apkellangkongvaiam alhta ania'a aktaqmanma elialheng'a judios apankavek nak.

1 Corintios 1:30

Apkeliepetkasakhe lhta ketlhengkap Eniapom Neten Cristo, apto m'a malha apkeliangveiakmo apanko'ok, apkeltemeskeskamo nhan apkelpeivomo aniem'o m'a. Apkelpokkanmo nhan kakpota etnangkok Eniapom Neten apkennemolhema, apkel·hatsoskekho nhan neksa anmaikama moniamolhma.

1 Corintios 1:9

Eniapom Neten apto apkeliekieskama ketlhengkap kakpota etnangkok apkelpasmekha apketka Jesucristo apveske engankok, apieplavkaske mota nhan aktakha la apaivoma aplheianma m'a.

1 Corintios 15:1

Ketlhengkap elialheng'a askeltavek ko atlhenkeskakhok apvalho'ok aktemakha lhta askeltennaikama ania'a aktaqmanma apieseksek ketlhengkap ham, apkenmaiangke lhta takha, nkoihek na aptaikamok meliaskeiam akvakmo nenvanlha nak.

Efesios 3:6

Lhennenga akpeneskama aklhenaikama apvalhok elanak ma'a, eniankesekhak metnangko nak judios kanhan judios nkotnekhak malha lhema apkeliokha m'a aniem'o aptaikamok apkelpasmekha Cristo Jesús aniem'o nhan apkellengai'a ania'a aktaqmanma. Etlhevangkok hata nhan ma'a metnangko nak judios lhamakho aktemakha qaselha altaqmanma apeneskamo lhta apaivoma Eniapom Neten ellangkok hata m'a qaselha apkennemolhema apanke ko Israel.

Filipenses 1:7

Nietavek atnek aklheianma evalhok ketlhengkap akieplomo akpaihekha evalhok ngkanek helpasmoma mota neska asmakmekama aniem'o Eniapom Neten aktaqmanma nkek helanei'o. Hai, niekhe asnema konne nengaqlhengkasemmalhkelha kanhan napaqtavek apkelveskai'e kakpota angvasennalhko ehenke aniem'o askanemmalhka moiekaksek aspaieskama ania'a aktaqmanma, helpasmongke mota nhan ketlhengkap ma'a.

Filipenses 2:1

Koka apkellangko la Cristo ketlhengkap apkenmopvanka'a kakpota eliatekhok po'ok, alpekhesangka la nhan apkellasekhai'o kakpota elpaieskeskamok apvalho'ok po'ok, akno la nhan mo'ok apvalho'ok kakpota nhan akiavai'a nkek la apkelietnai'o napa'at po'ok,

Filipenses 3:10

Asmak'ak aiavenkasangkok mokhom asiangveiakmo Cristo, asmak'ak na annangkoho nema akmovana aklhatekhaskeiakmo lhnak Cristo apieseksek apkenmaskengvaiakmo, ntasek na annangkok akientalhnema akvakmo asketsepo aptemo lhta nhan apkaniemhaikama m'a Cristo,

Colosenses 1:13

Hai, Eniapom Neten hengel·hatsoskekhek ma'a neksa akmovana lhta ienaqtesakha lhma, hengeltemeskeskamo lhta nhan apkennemolhema m'a tekhenlhet'ok apveske apketka apkamelaiam ma'a,

1 Tesalonicenses 1:10

apkelel·halhneiangka lhna lhta nhan Apketka Jesús apto lhta nhan aplhatekhangveiam apieseksek apkenmaskengvaiakmo enielhiemok ma'a neten evatamok mokhom hengke'e kakpota hengelvongkesek tep ennengko'o neksa akvai'a ta apiaqmongkasekha apkeltemakha ngkollatsekama enenlhet'avok halhmankek ham.

1 Timoteo 6:2

Moklhem'a koka apkakhangkek apkelveskai'e apanko'ok apkellelto Jesucristo apkennemolhema m'a, motlhenankek na apvalho'ok apkenmakmesangka la'a ntasek meteniankek apiempeiok ngkanek malha apkelialheng'a apankavek. ¡Ma'! Ntasek eteniangkok apiempeiok neksa apkenmakmesaikama m'a aniem'o aknemo mo'ok meliaskeiam ketlhengkap ma'a, malha apkelto nak apkelialheng'a apankavek apkellamelammakpo la'a. Askeltavek ko'o etnek lheiap apketlhekmoso ta hengke'e,

Hebreos 2:12

Ka aktemo nak na aktalhesammalhka Vakkahak Eniapom Neten apaivoma hengke'e: «Alhenek hata apvesai'a lheiap napaqtavek ma'a elialheng'a, annekmaksek hata nhan nennekmaskama apieseksek apkaqnekhelha la m'a kakpota eltakneskasangkok apvesai'a lheiap ma'a».

Hebreos 3:1

Ketlhengkap elialheng'a, apkelpokkanma, apkellavekama lhta nhan Eniapom Neten, ka nkeniemai'ak ntasek nkolietnama apaqto'ok amota aptemakha lhta Cristo Jesús. Netlheianmo na mota ennengko'o apto apkapaskama Eniapom Neten kakpota nhan apto apiav'akha sacerdote m'a.

Hebreos 3:14

Ampakhasekha nke lhta mongeliaskeiam ennengko'o Cristo m'a, ka nelvaskapo la nhan akiennaktema mongeliaskeiam akvakmo aktakha nnelha aknem, netamen angelpasmekhak hata ma'a nenlhamakho qaselha apankok Cristo m'a.

1 Pedro 5:1

Kolhva asmak'ak aleltennaksek metno apketko'ok anak apketlhengkeskeskama na mota apkaqnekha apieseksek anak ketlhengkap, ko'o nhan asto motno apketkok, asvetaiangko lhta nhan aplengaiangko Cristo, alhkak hata nhan qaselha altaqmelo akmo'o ta nkovak emanie nak.

2 Pedro 1:16

Lhamakho netlhekmosekamok anak aktemakha apmopvana apveske engankok Jesucristo, aktemakha nhan apvektanlha ta m'a, have aniem'o m'a nema hengeltennasekama nak malha nkotno iokhalhme, neliokho engankave lhta nelvetai'a ennengko'o m'a apientalhnakha Apveske.

1 Juan 1:1

Ka vakkahak anak nennaktalheskama aktemakha aklheianma apto nak ma'a Apaivoma hengaikamok akiennaktema enneniek, ka Apaivoma nak apnengkek tep nak nanek nemakha sekha allanei'o lhamakho qaselha lhmankek ham, nelvetai'a enganke lhta nhan ennengko'o m'a, nellengai'a lhta nhan akvakmo hengelmangvei'o lhta nhan ennengko'o m'a, have niapak ankek ma'a.

1 Juan 1:5

Neleltennaskek ennengko'o ania'a aktemakha lhta hengeleltennaskama Jesucristo, Eniapom Neten nak apto malha apommatema, mamma lhnak na ienaqtesakha la lhma m'a.

1 Juan 1:7

Koka nellava la atsak'elha lhma ennengko'o, malha aptonak Eniapom Neten apnek nhan atsak'elha lhma m'a, nentangkek nelpasmekha engankavek nenieseksa ennengko'o m'a, kanhan apketka Jesucristo ema apankok alalhnaskama engelvalho'ok malha alpaiseiam aniem'o qaselha ngkollatsekama nellanekamok.