1 Juan 1:2 - Nuevo Testamento Toba Maskoy

² Koka akiennaktema nak enneniek mangkotnengvaiam annelha nnengkek nak nanek lhemek Eniapom, netamen na akvai'o hengke'e nenieseksa ennengko'o, nelvetai'a lhta akiokha nkek ma'a ka netlheianmo mota aktemakha m'a.

1 Juan 1:2 Iomraidhean Croise

Juan 1:4

Koka heng Apaivoma nak nietnengkek nak akiennaktema enneniek mankotnengvaianlha nnelha. Ka akiennaktema enneniek anak akto apommatma apieseksek enenlhet'avok lhmankek ham.

Juan 10:28

Askellangkek na apkeliennaktema mankotnengvaianlha nnelha, meletsepek hata, mangkolhek na heleiveskesko'o m'a,

Juan 14:6

Ka apkatemmongka lhta Jesús ma'a, lhta aptak apkano: —Ko'o asto nak vanlha malha lhema amai akmaiangko akieto apnakha Eniapom, ko'o asto nhan have niapak anke niapom, askellaikamok na aliennaktema apnenio'ok enenlhet'avok lhma nkek ham.

Juan 15:27

Ketlhengkap hata eleltennaksek enenlhet'avok lhamakho qaselha aktemakha apkelvetai'a askelanai'a ngkanek helieplekama lhta askempai'akhasekha lhta asmakmekama —lhta aptak Jesús.

Juan 16:28

Ka askempai'a ko'o m'a apnakha lhta Eniapom, asvai'o hengke'e nalhepop anak, ataqhok hatoka kolhvave nak apnakha m'a —lhta aptak Jesús.

Juan 17:3

Etlhevangkok hata aliennaktema apnenio'ok aniem'o apkeliekpelkangveiam lheiap apto lhema aphapak aknema apmopvana, apkeliekpelkangveiam na Jesucristo apto lhta apkapaskama lheiap.

Juan 17:5

Eniapom, heiamok asmopvana akiavai'a ka akietnemo lhta ko'o tep nak na nek metkelha qaselha lhma nkek ham, asnemo lhta nhan lhemek lheiap ham.

Juan 19:35

Apto lhta apvetai'a m'a aktemakha akvetammalhka m'a have niapak ankek na aptemak aplheianma, metka apmopvana ania'a, aplheianmak ma'a kakpota nhan meliaskamek ketlhengkap.

Juan 21:14

Koka hengka hanetolhem'a lhta ntak aktaiekho apteiapvai'a napaqtavek apkeltamesaikamok Jesús netamen aplhatekhangveiam apieseksek apkenmaskengvaiakmo m'a.

Juan 3:13

Mamma enenlhet apvaiakmo neten, vanlha koka apto m'a apvaiventamo nak nalhepop, apvesai'a nak Enenlhet Apketka'.

Juan 7:29

Vanlha koka ko'o asiekpelkemo m'a ngkanek askeniem'o nhan ko m'a, heiapaskama nhan ma'a —lhta aptak Jesús apkellano enenlhet'avok ma'a.

Juan 8:38

Alhenkek ko'o vanlha mota aktemakha helhekmoskama Apiapom, koka ketlhengkap apketlhengke mota vanlha aktemakha lhta apketlhekmosekamok apiapma'ak apankave —lhta aptak Jesús.

Hechos 1:22

Ampai'o lhta nhan hengelieplekama m'a aplavkeskamakha lhta konne iemmen Juan Jesús ma'a, akvakmo nhan akno akiantemakho neten. Ntasek angeliekiaksek lhema enenlhet la'a kakpota hengelpasmekhak ennengko'o netlheianma aktemakha nelvetaiangko lhta aplhatekhangveiam Jesús apieseksek apkenmaskengvaiakmo —lhna aptemak Pedro.

Hechos 10:41

mang koka elvetai'ak aplhamakho enenlhet natemma nak ma'a. Eniapom Neten koka nhan asongkek hengeliekieskama ennengko'o kakpota angetlhenek lhamakho aktemakha nelvetai'a apkaniemhaikama Jesús. Nentaveikokhek na kakpota nhan nenienaiangke lhta nhan lhemek ma'a netamen aplhatekhangveiam alhta m'a apieseksek apkenmaskengvaiakmo.

Hechos 2:32

Jesús alhta m'a, nelvet'a lhta ennengko'o Eniapom Neten apto aplhatekhaskeiam ma'a.

Hechos 3:15

Alleniemai'o lhtoka ketlhengkap apmatnamo m'a apto niekhe apkelanai'a neniennaktema nak, Eniapom Neten koka nhan aplhatekhaskeiakmok ma'a, ennengko'o nhan nelvetaiangko m'a.

Hechos 5:32

Ennengko'o nhan nelvetaiangko m'a lhamakho qaselha nak, apvetaiangkek na Espíritu Santo m'a apkellaiangko lhta Eniapom Neten aplhamakho enenlhet apkelleliehekho la'a —lhna aptaiangkok nema alapaskamo m'a.

Romanos 8:3

Ley anak Moises mmahai'a lhta niekhe hengelvongkesek tep, ma lhtoka nkomovanak ma'a aniem'o ennengko'o mangeleliehekho m'a, aniem'o mongeliennaktema. Ka nkeniemai'ak Eniapom Neten eniapaksek apketka aptemeskasekho enenlhet apanke. Aptemengvai'o nhan meiennaktema m'a kakpota enietsepok hengeliaqmoiekha ennengko'o, niekhe aptemongvai'a enenlhet apanke, meiennaktema nhan, nkaqhok koka ntevaskangkek ngkollatsekama nak.

Galatas 4:4

Koka nietemavek akvai'o aknem Eniapom Neten aplheianmakha, apkapaskamo apketka apanke', malha lhta aptemak enenlhet apankek apteiaiakmo m'a, neksa alhta nhan akientalhnema ley.

1 Timoteo 3:16

Have niapak, qaselha akiemaskama engvalhok anak, nientelhek ankek aniangvomhok ma'a mongiaskeiam anak, ka aktonak ma'a Cristo nemo apaskamo nalhepop anak aptaiekho enenlhet apanke, netamen aplheianmo aktaqmanma aptemakha m'a Espíritu, apkelvetai'o nhan ángeles, nemo aleltennaseiangka nhan apvesai'a apieseksek metnangko nak judios, meliaskeiakmo nhan enenlhet'avok lhmankek ham, netamen na m'a apmammakpo takha neten akieplomo nemo ai'o kanhan nema aktaqmelkeskamo apvai'a.

2 Timoteo 1:10

Kolhva koka nelvetai'o nhan apiamolhma apankek Eniapom Neten aniem'o apvai'o m'a Cristo Jesús apto hengelvonkeskama tep, aptevaskamo nhan akmovana nengetsepma nak, hengellaiangko m'a aliennaktema ennenio'ok nkotnengvaianlha nnelha aniem'o nhan ania'a aktaqmanma nak nellengai'a.

Tito 1:2

alel·halhanma apvalho'ok na etlhevangkok hata aliennaktema apnenio'ok mankotnengvaianlha nnelha, apeneskamo lhnak nanek aplheianma ellangkok hata Eniapom Neten ma'a, tep nak nanek ampai'osekha nkek aknem aklhengama aplheianma ellangkok ma'a.

1 Pedro 5:1

Kolhva asmak'ak aleltennaksek metno apketko'ok anak apketlhengkeskeskama na mota apkaqnekha apieseksek anak ketlhengkap, ko'o nhan asto motno apketkok, asvetaiangko lhta nhan aplengaiangko Cristo, alhkak hata nhan qaselha altaqmelo akmo'o ta nkovak emanie nak.

1 Juan 1:1

Ka vakkahak anak nennaktalheskama aktemakha aklheianma apto nak ma'a Apaivoma hengaikamok akiennaktema enneniek, ka Apaivoma nak apnengkek tep nak nanek nemakha sekha allanei'o lhamakho qaselha lhmankek ham, nelvetai'a enganke lhta nhan ennengko'o m'a, nellengai'a lhta nhan akvakmo hengelmangvei'o lhta nhan ennengko'o m'a, have niapak ankek ma'a.

1 Juan 2:25

nkolhnangkok hata nhan aliennaktema apnenio'ok mankotnengvaianlha nnelha apeneskamo lhta aplheianma apkeleltennasekamok.

1 Juan 3:5

Apkeliavek ketlhengkap Jesucristo apvai'o lhta hengke'e kakpota hengel·hatsoskasangkok ngkollatsekama malha nelpatmekama ennengko'o, kanhan mamma nke lhta apkelanai'a la ngkollatsekama m'a.

1 Juan 3:8

Koka apto la enenlhet apkelanai'a mota ngkolatsekama, aniem'o nhan aveske keliaqhameio m'a, vanlha mota alanai'a ngkolatsekama m'a ampai'o lhnak nanek tep nak nanek alanemmalhko sekha lhmankek ham. Ka nkeniemai'ak apvai'o nhan Eniapom Neten Apketka kakpota etvaskesek na aktemakha alanai'a mota lhamakho qaselha ngkolatsekama m'a.

1 Juan 4:14

Nelvetai'o lhta ennengko'o m'a, nelpaieskamo mota nhan ania'a aktemakha apkapaskamo lhta Eniapom apketka, kakpota elvongkesek tep aplhamakho enenlhet'avok lhmankek ham.

1 Juan 4:2

Asmak'ak aleltennaksek ketlhengkap kakpota eliohok apietnema la Espíritu apankok Eniapom Neten. Koka enenlhet apto la aplheianma napaqtavek enenlhet'avok Jesucristo aptaiekho lhta enenlhet apanke, apvai'o lhta nhan nalhepop anak, koka enenlhet ma'a apietnema Espíritu apankok Eniapom Neten.

1 Juan 5:11

Aplheianme lhta Eniapom Neten hengellaiangkok aliennaktema ennenio'ok mankotnengvaianlha nnelha aniem'o m'a apketka apanko ie'.

1 Juan 5:13

Hai', lhamakho aktemakha asnaktalheskeskama nak ketlhengkap apkellelto nak meliaskeiam apvesai'a Eniapom Neten Apketka, kakpota eliangvomhok aknaikamok aliennaktema apnenio'ok mankotnengvaianlha nnelha.

1 Juan 5:20

Nengeliavek na apvai'o lhta Eniapom Neten Apketka, hengellangkongvai'o lhta nhan aknema nengeliamo kakpota angeliekpelkangvomok ma'a apto have niapak anke nak niapom, nelpasmekhek na ennengko'o m'a aniem'o apketka Jesucristo. Koka apto Eniapom Neten, apto nha niapom have niapak anke, hengaikamok na akiennaktema enneniek nkotnengvaianlha nnelha.