1 Juan 1:10 - Nuevo Testamento Toba Maskoy

¹⁰ Netlheno la metka nellanekamok ngkollatsekama, malha nhan nentemeskasak apmopvana ania'a Eniapom Neten, mang na anmak takha apaivoma.

1 Juan 1:10 Iomraidhean Croise

Juan 3:33

Koka apto la enenlhet mei'askeiam m'a, apiavek Eniapom Neten aplheianma mota iokhalhme.

Colosenses 3:16

Melieniekha nkek na ania'a aktaqmanma aniem'o Cristo, etlhekmosakpo ta apieseksek anak ketlhengkap, ennavesap nahan akieplomo apkeliangveiakmo. Etnamo ta nhan gracias Eniapom Neten, ennekmasamok hata nhan salmos, himnos kakpota nhan nennekmaskama aniem'o apvalho'ok apankave nak.

1 Juan 1:8

Ka netlhenalhko la engankavek ennengko'o metka nellanekamok qaselha ngkollatsekama, have nhan iokhalhmek nenlheianma, neniennenkaselhkek na engankek ma'a.

1 Juan 2:14

Asnaktalheskaske lhta nhan vakkahak anak ketlhengkap eietkak apketkok, ngkanek apkeliavek Eniapom, asnaktalheskaske lhta nhan ketlhengkap apiapma'ak, ngkanek apkeliavek apnemo lhnak nanek tep nak nanek ma'a alanemmalhko sekha lhmankek ham, asnaktalheskaskek na ketlhengkap apketko'ok ngkanek melieniekhak Eniapom Neten anak apaivoma, apmelleihak apankavek nahan, apkeltemeskesentaniek koneng maniamolhma ngken anak.

1 Juan 2:4

Koka apto la aplheianma apiekpelkemo m'a, man koka eliahakho apkellanemakha etnangkok ma'a, mok apatong koka m'a, mopvana ania'a, have iokhalhmek aplheianma m'a.

1 Juan 4:4

Eietkak apketkok, apkelpasmekhak Eniapom Neten ketlhengkap, apkeltemeskesentamo lhta koneng apketsekama ania'a nak apkenmopvanka ania'a, ngkanek nnankek apvalho'ok apto aknema nak apmopvana metlhok aknaiangko nak apvalho'ok meliekpelko nak mokhom Eniapom Neten.

1 Juan 5:10

Apto la enenlhet mei'askeiam Eniapom Neten apketka, apmek na takha aplheianma Eniapom Neten aptemakha Apketka. Koka apiaskakmo la enenlhet, apkeltangkek na apmopvana ania'a Eniapom Neten.

2 Juan 1:2

Askellamelaiakmek aniem'o heietnema akto have niapak ankek engelvalho'ok, nkolhnangkok hata mota engelvalho'ok nengamelaiam anak.