1 Corintios 8:1 - Nuevo Testamento Toba Maskoy

¹ Kolhva smak'ak aleltennaksek aktemakha apkennapekamo mota apnaqtoskama apkellaikamok anak qaselha akiokha alanemmalhka, apkelammakpe mota ketlhengkap apketlheianmo m'a apkellanemo eliohok ma'a. Koka nenianveiakmo nak nkeltemeskeskangkek aliephesekama apkenmahai'a elakpoho, koka nengasekhai'o nak nkeltaqmelkeskeskangkek apkellaniemhaikama.

1 Corintios 8:1 Iomraidhean Croise

Hechos 15:10

Apkeliepkonkek Eniapom Neten ketlhengkap neksa apkelpatengkeskama mota akientalhnema nema altamesaikamok anak, nelieihengka'a nnenga kakpota nhan ennengko'o ma lhta angenmopvanka'ak angelpatmok akientalhnema nak.

Hechos 15:29

metavankek nentoskama nak nengaqhema nengaikamok anak qaselha akiokha alanemmalhka ankok. Metavankek na ema, metavankek na nentoskama akvaivekamok atsepma nak, kakpota nhan metnangkek na apkenmensangveiam alhma manganemmalhkelha nak antangkok. Ka apkelleliahakho la ketlhengkap nema alaskamakha nak etnangkok, ngkotnek hata akpeivomo apkellanekamok ma'a. Hai, ntase ta ngkotnek ma'a.

Hechos 21:25

Koka metnangko lhta judios apkellelto lhta meliaskeiam Jesucristo, nellapaskaske lhta vakkahak atkok nennaktalheskama alletlhekmoskama m'a kakpota metavankek nentoskama apetek apkellaikamok la qaselha akiokha alanemmalhka ankok, metavankek na ema, metavankek na nentoskama akvaivekamok atsepma nak, kakpota nhan metnangkek na apkenmensangveiam alhma —lhta aptangkok ma'a.

Romanos 11:25

Ketlhengkap elialheng'a metnangko nak judios, melakpo nkek nkotlhenek apvalho'ok apkeliekieskama Eniapom Neten aniem'o nema apkeliamo apankave', have m'a. Nietne lhta apeneskamo Eniapom Neten akielhammalhka apmak'akha etnehek, napokha israelitas nkeliennakvaiakme lhta apvalho'ok akvakmo toka aknem ma'a aptaikamok meliaskeiam aplhamakho nak metnangko nak judios.

Romanos 12:16

Elienlhanmamok hata nhan ellanangkok metka akmaska apieseksek ketlhengkap, metnamo nkek apkellammakpo eltemeskasentak koneng metka nak apkelletsekama, ntasek koka elpasmekhak ma'a, metnamo nkek apketlhenammakpo apankavek nema apkeliangveiakmo.

Romanos 14:10

Ka ngkanek ketlhengkap meliemetkasama, meleltangkek na meliangveiakmo apkelialheng'a ngkanek Eniapom Neten hata hengetlhenek nellanekamok ngkolatsekama nlho ka la nhan aktaqmanma nelvakho ta napaqtek ma'a.

Romanos 14:14

Moi'askeiakmok ko'o apveske engankok Jesús, asiave ko'o mamma ngkolatsekama nentoma la napaqtek Eniapom Neten, koka moklhem'a engelialheng'a kelha atlheno la apvalho'ok mangkolatsekama anto'ok mantomakha la'a, ntasek etnangkok apankavek ma'a.

Romanos 14:19

Hai', angellanangkok hata lhamakho nke nak kakpota nkovak altaqmelaikama engelvalho'ok kakpota nkovanamok lhemek aliennaktema engelvalho'ok aniem'o nelpasmommalhko.

Romanos 14:22

Ka mei'askakmo la lheiap apvankek etvok lhamakho aktemakha aptoma, ntasek aktakha la aklheianma apvalhok lheiap napaqtek Eniapom Neten. ¡Koka nhan aktaqmelakho nkek enenlhet apkelanai'a qaselha mankotvaskeskama la nhan aklhenaikama apvalhok netamen ma'a!

Romanos 14:3

Apkellelto nak apkeltaseiama lhma meleltamo nkek meliangveiakmo apkellelto nak metekamok aklhamakho qaselhaha. Koka apkellelto nak meltaseiama na lhma, melpaiesamankek apkelvesai'a m'a apkellelto nak aptekamok lhamakho qaselhaha ngkanek apkenmek na takha Eniapom Neten enenlhet'avok anak ma'a.

Romanos 15:14

Ketlhengkap elialheng'a, asiave ko'o apkeliamolhma apankavek ketlhengkap, apvanka'ak na eleltennasangkok po'ok.

1 Corintios 1:5

Apkellangkek na Eniapom Neten akiavai'a nkek apkeliangveiakmo kanhan apkenmopvanka'a etlhenek apvesai'a m'a aniem'o nhan apkelpasmekha Cristo Jesús ketlhengkap.

1 Corintios 10:15

Asiave ko ketlhengkap nietnek apkeliangveiakmo, ntasek nkotlhene mota apvalho'ok aspaioma nak aktaqmanma, nlho ka la ngkolatsekama.

1 Corintios 10:28

Koka apkeltennaso la apetek ankok nema akmeskama qaselha akiokha alanemmalhka, metavamonkek ma'a kakpota meietnokhaskesek apvalhok ma'a apto apnemakha, menaqtevaskesek na m'a akietnaikama apaqtek. Evanke niekhe atvok lhamakho aktemakha apetek, koka ntasek na motvek kakpota manghetlhenek asvesai'a ko'o.

1 Corintios 14:20

Elialheng'a, metnamo nkek malha akto nak nematkak mankoliamo nak, etnamok koka malha apkeliavo nak apkenmopvanka'a nak nkolketamama apvalho'ok, etnamok hata nhan malha akto nak nematkak mankolteniaikamok anak ngkolatsekama.

1 Corintios 15:34

Enmekho mokhom altaqmanma aklhenaikama apvalho'ok, elieniekha koka nhan qaselha ngkolatsekama nak. Apkakhaiangkek nak na enenlhet'avok apieseksek anak ketlhengkap melioho' nak mokhom Eniapom Neten, ketlhengkap nkelleniemai'ak ma'a, enmankangvom koka.

1 Corintios 4:10

Netlhenalhkek na ennengko'o metka enqatko'ok aniem'o nellasennaikama Cristo, ketlhengkap koka apkeltemeskaskek Cristo nema apkeliamo. Netlhenalhkek na ennengko'o nengelelto mongeliennaktema, ketlhengkap koka apkeliennaktema. Manghengellak'ok na enenlhet'avok, ketlhengkap koka apkellak'ok ma'a.

1 Corintios 4:18

Moklhem'a kelha ketlhengkap nkoliephesama apkellanema movataniek ham,

1 Corintios 4:6

Ketlhengkap elialheng'a, ka stakha lhkek askellano aspaioma kakpota nkoltaqmelkeskesek apkellangiemhaikama ketlhengkap ham ¡Elieplavkes hata nhan ketlhengkap nentaiangkolha nak Apolos kanhan ko'o! Mongeliekak ennengko'o henganemakha aktalhesammalhka. Moliephesamankek ketlhengkap ellakpok ma'a, eltemeskesentak na koneng po'ok la'a.

1 Corintios 5:2

Apkelammakpe mota ketlhengkap apkelanei'o m'a enenlhet anak, koka nietavek nkolaioseskesek apvalho'ok, elentepkesek na m'a enenlhet anak aptevasekha iama ngken.

1 Corintios 5:6

Mangkolatsema ellakpok ketlhengkap aktakha qaselha apieseksek anak ham, maniamolhma nak malha niekhe alena apiepheskama nak, ketsek niekhe nengankai'a, koka apiephakhavek ma'a.

1 Corintios 8:2

Niekhe lhema enenlhet la aklhenammalhko nkek apvalhok nema apiangveiakmo ngkeskama, koka atketsek apiangveiakmo m'a, nkaimelhkek mokhom.

1 Corintios 8:4

Ka aktemakha nak meleltammakpelha nak nlho ka la nhan ntase etavangkok apnaqtoskama apkennapekamok apkellaikamok anak qaselha akiokha alanemmalhka, neliavek ennengko'o qaselha akiokha nak mamma aniemhaikama m'a, mankolhenek nahan. Vanlha koka lhema aphapak apto Apveske, Eniapom Neten apvesai'a m'a.

1 Corintios 8:7

koka moklhem'a enenlhet meliamok ma'a. Lhennenga lhta moklhem'a ketlhengkap apkennapeiangke lhta mota apnaqtoskama apkellaiangko qaselha akiokha apkellanekamok. Ka ngkanek kolhvave nak aptavengko la apetek apkellaikamo nak ma'a, ngvaktaniek atlhenaikama mota apvalho'ok allaiekho m'a apetek anak, aniem'o koka nkoliennaktema atlhenaikama apvalho'ok.

Efesios 4:16

Alietetakha nak alpasmekha apiokha nak aniem'o Cristo, moklhem'a nak ma'a nietnek anmakmekama nkek mo'ok aktemakha, alpasmommalhko koka kakpota nkolvanamok ma'a, nkoliennak nahan aniem'o allasekhammalhko.

Colosenses 2:18

Mellailho nkek enenlhet apkeliematkesaikama la'a ngkanek apkeliavenkaskesama mota apkelvesai'a ángeles ma'a, aptangke niekhe nalhep'avek apvalho'ok ma'a, apkenmopvanka ania'a koka, apketlheno alvetai'a apaqto'ok koka apkeltaikama apankek ma'a, nkeliephesekama mota apkellammakpo atlhenaikama apvalho'ok apanko'ok apankavek ma'a.

Apocalipsis 2:14

Koka mankoleklemo evalhok lheiap ketsek ankek qaselha ngkolatsekama apkelanai'a, apkenmaiangko na mota takha enenlhet apkellelto nak mankonmahai'a elvatesangkok hengetlhekmoskama Balaam annenga. Apiateiangko lhnak nanek m'a apkaiangko apaivoma Balac kakpota eliennengkesek ma'a israelitas, eleltennaksek ania'a ellanak etavangkok apkennapekamok apnaqtoskama apkellaikamok qaselha akiokha alanemmalhka nak ma'a, kakpota nhan nelanaktema.

Apocalipsis 2:20

Koka mankoleklemok evalhok apmamo takha lheiap ngkelvana nak Jezabel, aklhenammalhka nke mota aktema altennasemmalhka ania'a, koka vanlha akteniaikama nkoliennenkesek askellasennaikama nak ko'o, aliateiangko nhan ntasek etavangkok apkennapekamok apnaqtoskama apkellaikamok qaselha akiokha alanemmalhka, kanhan apkellanaktema.