1 Corintios 11:3 - Nuevo Testamento Toba Maskoy

³ Kolhva koka smak'ak alelpeiveskasekhak ketlhengkap, Cristo apto malha apqatek apkenno la'a, apkenno koka malha apqatek ngkelvana la'a, Eniapom Neten koka malha apqatek Cristo

1 Corintios 11:3 Iomraidhean Croise

Juan 14:28

Apkelleng'a lhta alheianma ko'o asmahai'a alhong, koka avatamok hata mokhom hengke'e. Nkellaioseskaske lhta apvalho'ok ketlhengkap astakha lhta sekhek askellano, koka hellasekho la'a, nkolpaihekha nlho lhta apvalho'ok alheno lhta aniakhak apnakha Eniapom aknema nak apmopvana, molhnok ko'o.

1 Corintios 3:23

Cristo nhan apanko'ok ketlhengkap, Cristo nhan apto apankok Eniapom Neten ma'a.

Efesios 4:15

Ntasek koka antangko mota iokhalhmek netlheianma akieplomo nengellasekhammalhko kakpota nkovanamok akiokho nkoie akvakmo nennakho Cristo, apto malha apqatek.

Colosenses 1:18

Cristo nhan apto malha apqatek iglesia, koka ntaiekhek malha apiokha m'a. Cristo apto apmanie', apto nhan apmanie aplhatekhangveiam apieseksek apkenmaskengvaiakmo, aptemo nha mota apmanie pankek ma'a.

Colosenses 2:10

ketlhengkap na apsavhommakpo apankavek aptangko apkelpasmekha m'a. Apto nhan ma'a apveske takhalhet'ok kasekapo av'alho'ok aknema nak anmovanka'a ka nhan alientalhnemo nak.

Colosenses 2:19

Ka enenlhet'avok anak ma'a have apkellelto apkelpasmekha Cristo apto nak malha apqatek, apkellaikamok na aptekamok apiokha apkelvanengkeskama la'a, apkelelto nak apkennemolhema. Cristo apkelpasmekho nhan ma'a apkennemolhema apanke, malha aktonak apiokha nak lhema enenlhet nnankek alpasmekha alietetakha kanhan ahak kakpota nkovanamok ma'a apkeltemakha nhan ngkotnek Eniapom Neten.

Colosenses 3:18

Ketlhengka nema nak anakteiangka'a, koleliehekho ta mota anakteiangka'a, ngkanek allanemmalhkelha mota nkotnangkok allelto nak nkoliaskeiam Apveske.

1 Pedro 3:1

Ketlhengka' ngkelvana'ak koleliehekho ta mota anakteiangka'a. Apno la atava' metno Jesucristo apnemolhema koliehekho ta nhan ma'a kakpota etnengvomok na Jesucristo apnemolhema aniem'o apvetai'a aktakmelkasemmalhko aptava, mankaimelhkak akiatekamok la enialhok ania'a aktaqmanma,