1 Corintios 1:8 - Nuevo Testamento Toba Maskoy

⁸ Eniapom Neten hata etneskesangkok aliennaktema meliaskeiam ketlhengkap akvakmo aktakha nnelha kakpota metlhenek enenlhet apnaqtevaskama mota po'ok napaqtek apveske engankok Jesucristo apteiapvo'o ta m'a.

1 Corintios 1:8 Iomraidhean Croise

Lucas 17:24

Hato ka apvaktamo ta Enenlhet Apketka nak, malha apkelienmaiam anak akvekho nav'a aksavhekho alhma nkek ham.

Lucas 17:30

Nkolhok hata nhan ma'a apvaktamo ta pelapkeskama Enenlhet Apketka nak.

Romanos 14:4

Mankoietok eliemetkasama ketlhengkap nkotno apkenmakmesaikama, koka apveske apanko'ok anak ma'a apvankek etlhenek ngkolatsekama apkenmakmekama nlho ka la aktaqmanma. Koka ntasek hata ngkotnek apkenmakmekama m'a aniem'o apasmoma Apveske.

Romanos 16:25

Angeltakneskasangkok hata ennengko'o Eniapom Neten apto apmopvana hengeliennakteksek engvalho'ok, ka aktemakha nak asketlhekmoskama ania'a aktaqmanma aplhenammap Jesucristo. Lhennenga tep nak na nek apeneskamo lhema qaselha Eniapom Neten apmak'akha ta etnek, malha aposkama koka ntemak ma'a.

Romanos 8:19

Avanhek na alel·halhanma qaselha apkelentepkeskama lhnak na nek, Eniapom Neten eltemeskasekhak ma'a alientalhnemo apkellelto apketkak.

1 Corintios 3:13

Netamen, akvo'o ta aknem neliekpelkammalhkelha, talha ta nkoliekpelkok aktemakha apkellanekamok pa'at anak ma'a, aktaqmanma alanemmalhka, nlho ka la ngkolatsekama.

1 Corintios 5:5

Ellamok hata enenlhet anak Satanas kakpota nkotvaksek apiokha nak, koka vanlha ta nkovongkasalhkak tep aphangok apvaktamo ta Apveske engankok Jesús.

2 Corintios 1:13

Nennaktalheske mota ennengko'o vakkahak alhievai'a nkek akpaivoma kakpota eliohok, kolhva koka nekha tkok apkeliavek ketlhengkap, netamen nkosavhalhkok ankek hata apkeliangveiakmo apvaktamo ta Apveske engankok. Nkolalhkok hata nhan apvalho'ok hengellanei'o ennengko'o, ennengko'o ta nhan nkolalhkok engelvalho'ok aniem'o ketlhengkap.

2 Corintios 1:21

Hengeliennakteske' ennengko'o Eniapom Neten kanhan ketlhengkap neksa neliepetkangvekha m'a Cristo, hengeliekieskek nahan.

Efesios 5:27

Netamen hata nhan ma'a nkolhek hata akiantengkasakho napaqtek ma'a, alhnai'o nkek ma'a, apommatma nhan, metka ngkolatsekama, aktaqmanma nkoie, metka akpaiseiam.

Filipenses 1:10

akietemo nke nak nentemakha. Netamen ma'a elloka ta metka apkellanekamok qaselha ngkolatsekama, mangkolhek hata nhan apketselhnanemmap napaqtek Cristo apvaktamo ta mokhom.

Filipenses 1:6

Ampai'osekha lhta apkelanai'a Eniapom Neten qaselha altaqmanma apieseksek anak ketlhengkap, have niapak ankek ngkovomok hata aknem apeneskama m'a akvakmo apvaktamo ta Jesucristo hengke'e.

Colosenses 1:22

Kolhva koka apkeliepetkangvakhek mokhom ma'a Eniapom Neten aniem'o Cristo aptaiekho lhta nhan enenlhet apankek ma'a, apketsepmo lhta nhan apkeliaqmoiekha ketlhengkap, apkeltemeskeskamo nhan apkelpokkenammap ma'a, metka alpaieseiam apvalho'ok, metka apketlhenammap na meliamolhma.

Colosenses 2:7

Etnamok hata apkeliennaktema aniem'o Cristo, malha aktonak pa'at aliennakteskama avhok anak, eliennaktes hata nhan meliaskeiam anak ka aktemakha lhta mota nema atlhekmoskama, etnamo ta nha mota gracias Eniapom Neten.

1 Tesalonicenses 3:13

Nengeltavek na eliennakteskesek meliaskeiam, elalhnaskesek na apvalho'ok kakpota mangkolhek atlheno apkelvesai'a ketlhengkap napaqtek Eniapom Neten apvaktamo ta hengke'e Apveske engankok Jesús kakpota nhan apalhakvaktamo ta apkelpokkanma apanko'ok. Amen.

1 Tesalonicenses 5:2

apkeliavek ketlhengkap ngkotnek hata akpelapkeskama apvaktamo ta Apveske hengke'e, malha enenlhet la apmenielhma akpelapkeskama apvai'a la pelhasep.

2 Tesalonicenses 2:2

mellanko nkek ngkolhek aliennengkaso, mennelhtengankek na neten apkelleng'o ta ania'a akvai'a aknem apvekta apveske Jesús, apketlheno la m'a enenlhet'avok anak ania'a aniem'o apkelvetaskeskama apaqto'ok Espíritu Santo, kanhan eleltennaksek hata aktemakha nengetlhekmosekamok ennengko'o neliokho engankave kanhan vakkahak nennaktalheskeskama lhta.

2 Tesalonicenses 3:3

Eniapom Neten apto have niapak ankek apaivoma, elpasmok hata m'a kakpota nkoliennak meliaskeiam ketlhengkap, enmeivok hata nhan neksa akmahai'a la nkovak ngkolatsekama.

2 Timoteo 1:12

ka nkeniemai'ak asvetai'o nak akientalhnema m'a, man koka amangkaktemak ngkanek ko'o asiavek apto moi'askeiakmo, apto lhta nhan heiapaskama apaiaksek ania'a aktaqmanma, asiavek na akietnema apmopvana m'a kakpota ngkolhek aklhengkasakho nema akpaieskama ania'a aktaqmanma nak akvakmo ta aknem hata m'a.

2 Timoteo 1:18

ka ngkanek ko askeltemo eietnahok napa'at Apveske engankok akvakmo ta aknem hata m'a. Apiavek na lheiap ma'a avanhe lhta nhan hengelpasmoma m'a enenlhet anak akieto lhta m'a Efeso.

1 Pedro 5:10

Koka apkelvaskapo la akiakvatakho nkek apkellengaiangko akientalhnema, eltemeskesek hata nhan apkelpeivomo Eniapom neten ma'a, eliennakteksek hata nhan, elteniaskesek hata nhan apiempeiok, ellangkok hata nhan apkeliangveiakmo aktemakha apkelvetai'a. Hai, etnek hata Eniapom Neten ma'a ngkanek avanhek apkellamelaiam ketlhengkap ma'a, apkeliekieskek na kakpota elpasengvomok aktakmelakha nkek nkotnengvaiam annelha apkelpasmekha Jesucristo.

2 Pedro 3:10

Koka nkotlapkesek hata apvekta m'a Apveske, malha ta etnek enenlhet la apmenielhma, nkotvasalhkak hata neten anak nkalhkak hata alpaklhaiam ma'a, ngkolhek hata nhan alvanlhakho qaselha aknaikamo nak neten, kakpota nhan lhamakho qaselha aknaikamo nak nalhepop.

2 Pedro 3:14

Ketlhengkap elialheng'a askellamelaiam, neksa apkelel·halhanma nkovak aknem anak ma'a, eteniamok hata apiempeiok elloka metka akmaska, kanhan metka apkeltemengveiakmo lhma kakpota elvetangvetak Eniapom Neten apvaktamo ta m'a.