1 Corintios 1:6 - Nuevo Testamento Toba Maskoy

⁶ Nnankek na ania'a apvalho'ok mankomaskengvaiam aplhenammap apvesai'a m'a.

1 Corintios 1:6 Iomraidhean Croise

Marcos 16:20

Ka apketlhengamo lhnak apkeltamesaikamok, apkeleltennaseiangka lhnak ania'a aktaqmanma lhma nkek ham, apkelpasmongkek nak na Apveske ma'a, apkellaiangkek nak apkenmopvanka'a kakpota ellanangkok qaselha mongenatkeskama. Apkeltemeskeskamo nhan iokhalhmek ankek apkellengai'a ania'a enenlhet'avok ma'a.

Hechos 11:17

Asvet'a lhta ko'o apkellangko Eniapom Neten enenlhet metnangko nak judios lhema qaselha metka akianmoma, nnavek na ennengko'o sekhe lhta aniem'o mongeliaskeiam Apveske Jesucristo. Ka ngkanek mongvapvankek ko'o angvammelhek apmak'akha la etnek elanak Eniapom Neten —lhna aptemak Pedro m'a.

Hechos 11:21

Nnaiangkek nak apkenmopvanka'a m'a aniem'o Apveske, apkellelto apkellailhemo apkeleltennaikama apkelpengkaiakmo lhnak apvalho'ok akieto m'a apnakha Apveske, meliaskeiakmo nhan ma'a.

Hechos 18:5

Ka apkelvekho lhnak ma'a Silas kakpota nhan Timoteo, iokhalhma Macedonia lhnak apkeleniektak ma'a. Ka apkempai'akha lhnak Pablo akiokho nkek aplheianma mota ania'a aktaqmanma, apmahai'a elvetaskesek judios aptemakha Jesús apto Cristo.

Hechos 20:21

Askeliatengke lhta judios kakpota nhan metnangko nak judios askeltemo eliaqmongkasekhak mo'ok apvalho'ok napaqtek Eniapom Neten kakpota nhan meliaskame Apveske engankok Jesús.

Hechos 20:24

Koka mamma aptaikama evalhok angvetsepok kelhaha, askeltavek ko'o asavhok asmakmekama malha askelpaivasemmalhka aptakha lhta apaivoma Apveske Jesús heiano akieplomo akpaihekha evalhok, apkeltemo lhta apaiaksek ania'a aktaqmanma aplhenammap hengellamelaiam Eniapom Neten.

Hechos 22:18

Apveske lhta aptak heiano: "Eniakhetamo ta etiepok na temma Jerusalen anak ngkanek mellailhek hata enenlhet'avok hengke'e aktemakha hengetlhekmoskama aniem'o ko'o alhenammalhka", lhta aptak heiano.

Hechos 23:11

Po'ok pelhasep na lhta aptemak ma'a, apteiapvei'o lhna lhta Apveske napaqtek Pablo ma'a, lhna lhta aptemak apkanemo: —Eiennekho Pablo, ntasek helheianmo lheiap asvesai'a hengke'e aktemakha lhta nhan hetai'a Jerusalen anak, hata nhan emhangkok ma'a akieto Roma, elheianvomok na asvesai'a m'a —lhna lhta aptemak.

Hechos 28:23

Ka apkelpekkeno lhta lhema aknem eniaqnekhak hata mokhom ma'a. Ma lhta ntek enenlhet'avok apkenmeioiam apnakha nhan Pablo m'a apkenmahai'a ellailhok ma'a. Sosekhe anke lhta apkempak apkeltennaikama Pablo m'a akvakho ienaqteso ania'a aktemakha aptema apveske Eniapom Neten. Ka apkelpeiveskasakho lhta nhan ley Moises kakpota nhan vakkahak apnaktalheskama apkeleltennasemmap ania'a annenga aktemakha aplhenammap Jesús.

Romanos 15:19

hempelapkeskama, qaselha mongenatkeskama nhan aniem'o Espíritu Eniapom Neten apankok. Aspaieske lhta ania'a aktaqmanma lhamakho apkellavakha askempai'o lhta Jerusalen akvakmo iokhalhma Iliria.

2 Corintios 12:12

Apkeliavek ketlhengkap asto nhan nema heiapaskamo ko'o, apkelvetai'a lhta asmakmeiangka metka aspekheskama, askelanai'a lhta nhan qaselha mongenatkeskama, qaselha hempelapkeskama nhan, qaselha akiavai'a akmovana nhan apieseksek anak ketlhengkap.

Galatas 3:5

Apkellaiangke lhta Espíritu apanke Eniapom Neten ma'a, apkelanai'a lhta nhan qaselha hempelapkeskama apieseksek ham ngkanek ma lhta eliaskeiakmok Cristo, have aniem'o m'a apkelleliehekho nak ley Moises.

2 Tesalonicenses 1:10

Nkotalhkak hata m'a apvaktamo ta Apveske kakpota ellahok ma'a, nkoliemaksek hata nhan apvalho'ok apkelpokkanma apkeliekieskama lhta, apkellelto nhan meliaskeiam ma'a. Hai, ketlhengkap nahan apkellelto napokha apkennemolhema Apveske ngkanek meliaskeiam alhta nenlheianma mota apvesai'a m'a.

1 Timoteo 2:6

apkaiangkave lhta nhan apmatnamo kakpota hengel·hatsoskakhak neksa hengenmaikamok maniamolhma nenlhamakho. Ka ania'a nak akvetammalhko m'a, apkelientemongkeskeskamo lhta nhan aplheianma Eniapom Neten ngkotnek hata aktaqmanma aknem aklheianmakha nhan apvalhok ma'a etnehek.

2 Timoteo 1:8

Ka ngkanek memangkankek na elhenek apvesai'a Apveske engankok, ka nhan memangkankek na helhenek ko'o asnema nengaqlhengkasemmalhkelha aniem'o askasennaikama Apveske. Ka apvanko ta emok takha lheiap apvet'o la akientalhnema aniem'o apkeltennaikama ania'a aktaqmanma, Eniapom Neten hato ka nhan eniangkok apiennaktema kakpota evaskapok lheiap.

Apocalipsis 1:2

Netamen ma'a Juan aplhenekho mokhom aptemakha apaivoma Eniapom Neten kanhan Jesucristo, aplhenekho nhan ma'a aklhamakho qaselha apvetai'a m'a.

Apocalipsis 1:9

Ko'o Juan asto elialheng'a ketlhengkap, nengelelto nhan nennemolhema akieto nak aptemakha apveske Eniapom Neten. Aslengaiangkek na lhemek akientalhnema ketlhengkap, nengetlhevaikamok na nengeliennaktema kakpota angelvaskapok ma'a. Asne lhta ko'o m'a akieto akiaqiema lhepop iemmen nekhav'ak akvesai'a Patmos aniem'o aspaieskama mota ania'a apankok Eniapom Neten, kanhan ania'a aktemakha asvetaiangko lhta Jesucristo.

Apocalipsis 12:11

Koka apkeleltemeskesakhe lhta koneng ma'a aniem'o lhta akiangkenammalhka ema apankok Nepkesek Apketkok, aniem'o lhta nhan apketlheianma apvesai'a m'a metka apkellai'a, nkaqhok apkenmahai'a etekio'ok

Apocalipsis 12:17

Ma lhta nkasak ankek aklavo menasma akiavai'a alan'o ngkelvana lhta m'a. Mmeiakhe lhta m'a kakpota nkonnapalhkak aplhamakha atkak netamen ma'a ngkelvana, apkellelto apkelleliehekho mota henganemakha Eniapom Neten, apkellelto nhan apketlhengkeskama apketlheianma apvesai'a Jesucristo.

Apocalipsis 19:10

Ka askelteklheio lhta etapno'ok napaqtek ángel ma'a kakpota angvahok ma'a, koka lhta aptak heiano mokhom ma'a: —Have, metne ham, koka nietavek elteklheiok aptapno'ok napaqtek ma'a Eniapom Neten, ko'o nhan asto heiasennaikama m'a, snavek ko lheiap ka nhan apkelialheng'a nak meliaskeiam ania'a aplhenammap Jesús. Koka ania'a nak malha akvatepnapma allaikamok ma'a apkeleltennasemmap ania'a —lhta aptak heiano ángel.

Apocalipsis 6:9

Netamen Nepkesek Apketkok apkentaso quinto nema aliepetkeskama, asvet'o lhta nhan apkel·hangok aptekioma lhta neksa apkelpaieskama ania'a aplhenammap Eniapom Neten, aniem'o lhta apkelleliehekho m'a, nkakhaiangke lhta m'a koneng alvanlhemmalhkelha qaselha.