1 Corintios 1:4 - Nuevo Testamento Toba Maskoy

⁴ Astek ko mota gracias Eniapom Neten ngkanek apkellaiangke lhta ketlhengkap qaselha altaqmelo ma'a aniem'o Cristo Jesús.

1 Corintios 1:4 Iomraidhean Croise

Juan 10:30

Ko'o kanhan Eniapom anak enlhema ennengko'o m'a —lhta aptak Jesús.

Juan 14:16

Ko'o ta anmalhnama Eniapom eniapaksek po'ok Hengiatekho niapom, Espíritu m'a kakpota elloka lhemo ie, apto have niapak anke niapom. Koka apkellelto la apkeliaskeiam metlhokiek hata ngkanek melvet'ak ma'a, meliekpelkak nahan. Ketlhengkap koka apkeliekpelkek ma'a, apnek na lhemek ketlhengkap ma'a, elhek hata nhan metka nnelha.

Juan 14:26

koka eniapaksek hata Eniapom apto Hengiatekho niapom apvesai'a Espíritu Santo. Heiaqmongkesek hata asnemakha, etlhekmosangkok hata lhamakho qaselha, etlhenkeskeskakhok hata nhan apvalho'ok lhamakho aktemakha asketlhekmoseiangko lhta.

Juan 15:26

Ko'o ta allapaskesek apto Hengiatekho niapom ketlhengkap, Espíritu apto have niapak anke niapom apkeniem'o nhan ma'a Eniapom, hata etlhekmoksek lhamakho qaselha aniem'o ko'o.

Hechos 11:23

Bernabe lhnoka apto enenlhet apiamolhma', aklanei'o lhnak na apvalhok Espíritu Santo m'a kakpota nhan mei'askeiam ma'a. Apvekhek nak Bernabe m'a akieto Antioquia, apvetangvekho lhnak Eniapom Neten apkeltakmelkeskama enenlhet'avok ma'a, avanhek ankek nak na akpaihekha apvalhok ma'a. Ka apkeliatekho lhnak ma'a enenlhet'avok kakpota melvatesankek apkelleliehekho Apveske. Aplhaniek nak enenlhet apkellailhemo Bernabe, ka aptaiangko nhan meliaskeiam Apveske m'a.

Hechos 21:20

Nkelpaihakhe lhta apvalho'ok apkelleng'o m'a, ka apkeliavenkaskesangka lhta nhan apvesai'a Eniapom Neten ma'a, lhta aptangkok apkellano Pablo: —Eialheng Pablo, apvet'ak lheiap hengke'e mante pankek judios meliaskeiam Jesucristo, apketlhengke mota nkaimelhkek anlhengkesek mokhom neliehekho ley Moises.

Romanos 1:8

Gracias ko stak Eniapom Neten aniem'o Jesucristo ngkanek apketlhenammakpe lhma nkek ham meliaskeiakmo ketlhengkap Jesucristo.

Romanos 6:17

Lhennenga lhta ketlhengkap allasennaikama nema apkelianmoma ankok ngkollatsekama, kolhva koka apvanka'a eleliehekhok hengetlhekmoskama aktaqmanma apketlhevai'a lhta aniem'o apkelpasmoma Eniapom Neten.

1 Corintios 1:3

Askeltavek Eniapom Neten kanhan Apveske engankok Jesucristo eltaqmelkeskesek apkellaniemhaikama ketlhengkap ham, ellangkok na altaqmelaikama apvalho'ok.

1 Timoteo 1:14

Nkaqhok koka avanhe kanke lhta aktaqmanma helanei'o Apveske engankok, heiaiangko lhta nhan moi'askeiam, nengasekhai'o aniem'o m'a Cristo Jesús.