1 Corintios 1:2 - Nuevo Testamento Toba Maskoy

² Nketlhenkek engelvalho'ok apkellelto iglesia apankok Eniapom Neten apkakhangko ham Corinto. Apkellelto nak nema alpokkanma kakpota elpasmekhak Cristo Jesús, etnangkok na Eniapom Neten apkennemolhema. Apkelpasmekha nhan aplhamakho lhmankek ham apkeltakneskasekamok na apvesai'a Jesucristo, apto apveske apanko'ok kakpota nhan apveske engankok ennengko'o.

1 Corintios 1:2 Iomraidhean Croise

Hechos 10:36

Apkapaske lhta Jesucristo apto Apveske alhma nkek ham kakpota epaiaksek ania'a hengaikamok altaqmelaikama engvalho'ok apieseksek Israel.

Hechos 15:9

Nennavek ennengko'o m'a metnangko nak judios anak, apkellalhnaskaskek apvalho'ok Eniapom Neten ma'a apkellelto nak meliaskeiam, nnavek na ennengko'o m'a.

Hechos 18:1

Netamen nak ma'a, apteiapmek nak Pablo natemma Atenas apmeiekho lhnak natemma Corinto.

Hechos 22:16

Hai, eniaqheta mota apteniai'a nema aklavkeskama konne iemmen, nkalhnakse ta ngkollatsekama apvalhok, evenama ta apvesai'a Apveske m'a", lhta aptak heiano m'a Ananias.

Hechos 26:18

Kakpota nkotlheianvomok apvalho'ok elvatesangkok na apkelloma ienaqtesakha lhma m'a aniem'o nak anmaikama Satanas. Kakpota ellasekhekhok Eniapom Neten, elloka nhan atsak'elha lhma elieploma nhan Eniapom Neten, meliaskamek na asvesai'a ko'o. Netamen Eniapom Neten etneskesama ta apankek meleliehekho apkellaskamakha m'a, etneskesangkok na apkelpokkanma", lhta aptak heiano Jesús ma'a.

Hechos 9:13

Ka apkatemmoiangka lhnak Ananias, lhna aptemak: —Apveske, aslengai'ak ko'o apvesai'a enenlhet anak ma'a, avanhek apnaqtevaskama apkellelto lheiap apkelpokkanma akieto m'a Jerusalen.

Hechos 9:14

Kolhva koka apva'ak hengke'e aplhevai'ak ania'a aniem'o apkelemhama apmaniaie sacerdotes kakpota elpathetek, eliantemok na nengaqlhengkasemmalhkelha m'a aplhamakho apkellelto apketlheianma mota apvesai'a lheiap —lhnak aptemak Ananias ma'a.

Hechos 9:21

Nkeliemaskangkek nak apvalho'ok enenlhet apkellengai'o m'a, lhnak aptaiangkok: —Have nlho enenlhet alhta ha'e, apmenlhenaiangka lhta kakpota nhan apnaqtevaskamo lhta Jesús apkennemolhema akieto m'a Jerusalen. Lhna alhta niekhe apmahai'a evak hengke'e kakpota elpathetek, elaqlakhak na akieplomo apkelpelhketekamok apmeio'ok apkakhangkelha apkelemhama apmaniaie sacerdotes akieto m'a Jerusalen —lhnak aptaiangkok enenlhet'avok.

Romanos 1:7

Hai, nketlhenkek evalhok ketlhengkap ko romanos apkellelto apkellamelaiam kakpota nhan apkelleliekieskama Eniapom Neten etnangkok hata nhan apkelpokkanma m'a. Hai, askeltave ko'o Eniapom Neten kakpota nhan Jesucristo apveske engankok eltaqmelkeskesek apkellaniemhaikama, ellangkok na altaqmelaikama apvalho'ok.

Romanos 10:12

Koka aplhamakho enenlhet'avok ma'a judios kakpota nhan griegos, apnavek po'ok napaqtek Eniapom Neten, apto Apveske takhaplhet'ok enenlhet'avok lhmankek ham. Nema apketsekama Eniapom Neten, nietnek lhema qaselha kakpota eniangkok apto la apkeltaikama apvesai'a m'a.

Romanos 3:22

Hai, Eniapom Neten hengeltemeskaskek nengelpeivomo nenlhamakho lhmankek ham aniem'o mongeliaskeiam Jesucristo ngkanek nennavek emmo'ok napaqtek ma'a.

Romanos 8:28

Neliavek ennengko'o Eniapom Neten apkelpeneskasavek lhamakho qaselha kakpota nkoltaqmelkesek apkellangiemhaikama apkellelto nak apkellasekhai'o, Eniapom Neten apkellavekama nhan kakpota elieplavkesek na apkellanemakha la etnangkok ma'a.

1 Corintios 1:30

Apkeliepetkasakhe lhta ketlhengkap Eniapom Neten Cristo, apto m'a malha apkeliangveiakmo apanko'ok, apkeltemeskeskamo nhan apkelpeivomo aniem'o m'a. Apkelpokkanmo nhan kakpota etnangkok Eniapom Neten apkennemolhema, apkel·hatsoskekho nhan neksa anmaikama moniamolhma.

1 Corintios 10:32

Mellanamo nkek qaselha alietnokhaskeskama la apvalho'ok judios, metnangko nak judios, ka nhan apkellelto nak iglesia apankok Eniapom Neten.

1 Corintios 12:27

Ka apkelpasmekha nak ketlhengkap malha ntakhak apiokha nak Cristo, moklhem'a annangkok mok aktema apkenmakmekama apketlhevai'a.

1 Corintios 8:6

Koka neliavek ennengko'o vanlha lhema aphapak Eniapom Neten, apto nhan apkelentepkeskama lhamakho qaselha alhma nkek ham, nelloka nhan ennengko'o aniem'o apmopvana m'a. Neliavek na apnek lhema Apveske engankok apvesai'a Jesucristo, apto apmaikama Eniapom Neten apkellanei'o lhamakho qaselha alhma nkek ham, ennengko'o nhan,

2 Corintios 1:1

Ko'o Pablo asto heiapaskama Cristo Jesús aniem'o nhan aptema Eniapom Neten, alhelhma koka ko'o Timoteo hengke'e. Nengenmak'ak angellapaksek atlheianma engvalho'ok apkellelto iglesia apankok Eniapom Neten ham na temma Corinto, kakpota nhan aplhamakho apkelpokkenammap apkakhangko m'a iokhalhma Acaya.

2 Corintios 4:5

Mangeleltennasengkok enganko'ok engankavek ennengko'o napaqtavek enenlhet la'a, neleltennaskek koka apvesai'a Jesucristo apto Apveske aniem'o nhan nengellamelaiam ma'a, ka ngkanek nentaiangko nhan malha apkellasennaikama apankok nema apkelianmoma nak ketlhengkap.

Galatas 1:2

Ko'o kanhan elialheng'a hengke'e nketlhenkek engelvalho'ok aplhamakho iglesias akieto ham Galacia.

Efesios 5:26

Kakpota etnek apokkanma apankek ma'a. Malha nhan apkalhnaskama aniem'o apaivoma malha aktonak iemmen akmovana nak nkalhnaksek ma'a.

1 Tesalonicenses 1:1

Ennengko'o Pablo, Silvano, kakpota nhan Timoteo, nketlhenkek engelvalho'ok iglesia akieto nak ham Tesalonica, apkellelto apkelpasmekha Eniapom Neten apto eniapma'ak kakpota nhan Apveske Jesucristo. Nengeleltavek eltaqmelkeskesek apkellaniemhaikama, ellangkok na altaqmelaikama apvalho'ok ketlhengkap ham.

1 Tesalonicenses 4:7

Hengellavema ennengko'o Eniapom Neten kakpota angellanak qaselha altaqmelo, have qaselha alpaiseiam anak.

2 Tesalonicenses 1:1

Ennengko'o Pablo, Silvano kanhan Timoteo nketlhenkek engelvalho'ok iglesias akieto apiav'akha temma Tesalonica apkellelto nhan apkelpasmekha Eniapom Neten eniapma'ak ennengko'o kanhan apveske engankok Jesucristo.

1 Timoteo 2:8

Ka ngkanek ko'o askeltavek elelmalhnangkok Eniapom Neten aplhamakho apkelennava'ak akietnakha la apkaqnekhelha, akieplomo apkeliasekha neten apmeio'ok alalhnai'o, akieplomo nhan alalhnai'o apvalho'ok, metka nhan apkelloma kakpota nhan metka apkeliamenammap po'ok.

2 Timoteo 1:9

Eniapom Neten hengelvongkeskangkek tep, hengeliekieskangkek nahan kakpota antangkok apkennemolhema hengelpokkanma, ma lhta niekhe hengelietemo ennengko'o m'a, koka tep nak nanek metka nnelha aktepekamo mota apeneskamo hengeltaqmelkeskesek hata nellaniemhaikama apmahai'o eniapaksek ma'a Cristo Jesús.

2 Timoteo 2:19

Koka Eniapom Neten hengellaiangkek lhema iamet akiennaktema nkek, malha anengkasemmalhka nenpathetma la'a, akieplomo koka alkasemmalhka ntemak hengke'e: «Apkeliekpelkavek Apveske enenlhet apanko'ok la'a». Ka ntemak na mo'ok hengke'e: «Ntasek elieniekhak ngkolatsekama apkellelto nak apkellasennaikama Apveske».

2 Timoteo 2:22

Koka enienieta lheiap neksa akvai'a apvalhok atsepma apneniek aniem'o apketkok, etenia toka mota akpeivomo qaselhaha, mangiaskeiam anak, nengasekhai'o nhan. Etne ta nhan metka akmaska apkelpasmakho la aplhamakho apkellelto nak apkellasennaikama Apveske akieplomo nhan alalhnai'o apvalho'ok.

Hebreos 10:10

Hai, apmahai'a etnek hengelpokkanma Eniapom Neten kakpota antangkok apkennemolhema m'a aniem'o Jesucristo apkaiangko lhta apankek apiokha kakpota ematong lhema aktema koka m'a.

Hebreos 13:12

Nnavek na m'a Jesús apmatengvekhek nepiava' apiav'akha temma kakpota etneskasangkok enenlhet'avok apkelpokkanma Eniapom Neten aniem'o ema apankok ma'a.

Hebreos 2:11

Aplhamakho apkellelto nak apkelpokkenammap, kanhan apto lhta nhan apkelanai'a apkelpokkanma, vanlha nhan lhema apkeliapom apkelpasmekha, ka ngkanek Eniapom Neten Apketka memangkek eleltangkok apkelialheng'a.

Judas 1:1

Ko'o Judas, Santiago nhan apialheng ko'o, asto nhan heiasennaikama Jesucristo. Nlhenkek evalhok apkellelto apkeliekieskama Eniapom Neten aniem'o apkellamelaiam, apkellelto nhan apkeltakmelkeskama m'a Jesucristo.

Apocalipsis 19:16

Apkaqlammap alhto ka m'a nietne lhta aptalhesammap ma'a alqama akieto aptepio'ok ma'a, lhta ntak: Apiav'akha Apveske neten apankek melhnok po'ok apiav'akha apveske. Apveske neten apankek melhnok po'ok apveske la'a, lhta ntak aktalhesammalhka m'a.