1 Corintios 1:10 - Nuevo Testamento Toba Maskoy

¹⁰ Ketlhengkap elialheng'a, askelelmalhneskaskek akieplomo apvesai'a apveske engankok Jesucristo ntasek etnangko mota aknemo mo'ok apvalho'ok apieseksek anak ketlhengkap ham. Metka nhan apkelhpaknaikama, vanlha etnangkok apkelpasmekha ham. Etnamok hata aknemo mo'ok apvalho'ok atlhenaikama kanhan aknemo mo'ok apvalho'ok apkenmak'akha la etnangkok.

1 Corintios 1:10 Iomraidhean Croise

Marcos 2:21

Melatsema angelapama nentalhnema aphapak ietamopai'a napokha apketkok aphalhnankok la'a. Ngkanek eiaqsekhak hata m'a aniem'o aphalhnankok, nkoiangvomok hata apkelietepaikamok ma'a nentalhnema aphapak lhek.

Marcos 3:24

Ka akto nak na lhema iokhalhma la'a apkennapekpo la apankavek ma'a, enaqtevasakpok hata apankavek ma'a.

Juan 10:19

Apkelleng'a lhta apkelemhama apmaniaie' judios ma'a, kolhvave lhta apkeliamenakpok mok apankavek, lhta aptangkok:

Juan 17:23

Askelpasmakhek ko'o m'a, lheiap na apto hepasmekha ko'o, askeltavek na etnangkok apketsavhommakpo apankavek apkelpasmommakpo m'a kakpota elvetak enenlhet'avok akiavai'a apkellamelaiam lheiap ma'a. Nnavek na heiamelaiam ko'o, eliangvomhok hata nhan apto heiapaskama lheiap.

Juan 7:43

Ma lhta nkolhok mo'ok apketlheianma enenlhet'avok Jesús ma'a.

Juan 9:16

Koka lhna lhta aptaiangkok moklhem'a fariseos: —Enenlhet apto aptaqmelkasekha nak lheiap have Eniapom Neten apkapaskama, meliahakhok henganemakha' enganko'ok anak, meliahakhok na aknem nennekhelha sabado —lhna lhta aptaiangkok ma'a. Koka aplhamakha fariseos lhna lhta aptaiangkok ma'a: —Tokha nlho ka Eniapom Neten apkapaskama m'a, sok akto apkelan'o nak qaselha mongenatkeskama, ka enenlhet la apkelanai'a ngkolatsekama mankapvankek elanak ma'a —lhna lhta aptaiangkok ma'a. Mang na lhta nkolhnemok mo'ok apvalho'ok fariseos ma'a,

Hechos 4:32

Apkelpasmekhek nak lhamakho qaselha apanko'ok apkellelto meliaskeiam, mamma lhnak na atlheianma la apvalho'ok qaselha apanko'ok apankavek la'a, aknemo mo'ok nak na apvalho'ok ma'a.

Romanos 1:13

Ketlhengkap elialheng'a ko Roma, avanhe lhta niekhe askeltemo atnentak amaika'a ham, koka heliasakha lhma lhta nnak ma'a. Asmak'a alhta niekhe apaiaksek ania'a aktaqmanma kakpota meliaskamek enenlhet'avok ma'a, ka stemakha lhta nhan ma'a mo'ok iokhalhma apkellomakha nak metnangko judios.

Romanos 12:1

Ketlhengkap elialheng'a, avanhek ankek apkeltakmelkeskeskama apkellangiemhaikama Eniapom Neten, ka ngkanek ntasek etnangkok malha apkennapekamok anak apnaqtoskama apkellaikamo na mota Eniapom Neten. Koka apkeliokha nak ketlhengkap akieplomo malha aphalhnanko'ok, metka aktemongveiakmo lhma nhan, nkolekkasama nhan apvalhok Eniapom Neten ma'a. Koka akto akietemo nkek eliavenkaskesama Apvesai'a m'a.

Romanos 12:16

Elienlhanmamok hata nhan ellanangkok metka akmaska apieseksek ketlhengkap, metnamo nkek apkellammakpo eltemeskasentak koneng metka nak apkelletsekama, ntasek koka elpasmekhak ma'a, metnamo nkek apketlhenammakpo apankavek nema apkeliangveiakmo.

Romanos 15:30

Elialheng'a, akieplomo apvesai'a Apveske engankok Jesucristo kakpota nhan Espíritu apto niapom hengamelaiam, askeltavek helpasmekha helelmalhneskesek Eniapom Neten

Romanos 16:17

Ketlhengkap elialheng'a, ellaho ta mota enenlhet'avok anak apkenmahai'a la elhpankesek, apkenmahai'o nak na eliepkonek ham, apkenmahai'a nhan ellammelhek nema atlhekmoskama lhta apketlhevai'a ketlhengkap. ¡Melpalhkama nkoie'!

1 Corintios 1:11

Ka ngkanek ko'o atnek aspaioma alanak ketlhengkap elialheng'a aniem'o lhta aslengai'a ania'a heltennaskama apkennemolhema Cloe, apkeliamenammakpo lhna lhta mota ketlhengkap ham.

1 Corintios 11:18

Mankolhnemo mo'ok apvalho'ok na lhta nhan apkenmak'akha la etnangkok apieseksek anak ketlhengkap ham apkaqnakho la mota, have kelha niapak aktemakha aslengai'a ania'a.

1 Corintios 12:25

Kakpota nkolpasmalhkok ma'a, akmovana nhan nkopasmok mo'ok aknaiangko nak moklhem'a m'a neniokha nak.

1 Corintios 3:3

ngkanek nheklhek apketlhengkeskama mokhom aliaspongkomakha nak apvalho'ok. Apkeliasepkeskama po'ok, apkeliamenammap nahan, malha enenlhet la aplhengkeskama akiaspongkomakha nak apvalhok.

1 Corintios 4:16

ka nkanek askeltavek helieplo'ok amai astemakha nak ko'o.

2 Corintios 10:1

Moklhem'a ketlhengkap apnaqtevaskangkek asvesai'a, apketlheianmo lhnak ngkolatsekama astemakha, lhnak asno la ham apieseksek anak ketlhengkap askeliatekama lhnak nkoiennaktema aspaioma, koka lhnak askapaso la astalheskeskama vakkahak ketlhengkap ham, nkoihek nak aspaioma astalheskama. Hata apketlhengkaso la apkellentepkasekama asvesai'a ham, metka asiekaskama ta aknem alammelhek ma'a apkellelto nak mok apatno'ok. Askelasnema askeltema elvatesangkok apkelentepkasekama asvesai'a, askeltavek na akieplomo apvesai'a Jesús, apto apiamolhma, hengellamelaiam nahan.

2 Corintios 13:11

Hai, ka m'a, askeltavek ko'o nkolpaihekha mota apvalho'ok ketlhengkap elialheng'a ham, elienlhanmamok hata mota apkenmahai'a eletsavhongvomhok apkeliangveiakmo, eliatamo ta mota po'ok, elloka ta lhemek aknemo mo'ok apvalho'ok kanhan metka akmaska nak apieseksek anak ketlhengkap ham. Eniapom Neten apto niapom aktaqmelaikama engvalho'ok anak kanhan nengamelaiam, etnangkok apketlhelhma'ak amota ham.

2 Corintios 13:9

Hai, niekhe mongeliennaktema, nkaqhok koka nkelpaihakhek engelvalho'ok ngkanek melleiha songkek ketlhengkap, nengelmalhneskaskek na lhamakho aknem kakpota nkanantangkok apketsavhongvaiakmo apkeliangveiakmo.

2 Corintios 5:20

Hai, ennengko'o hengellapaskama Cristo kakpota angelleltennaksek ania'a ketlhengkap, malha la nhan Eniapom Neten apkellasnekama napaqtavek ketlhengkap. Akieplomo apvesai'a nak Cristo nellasnema ketlhengkap neleltemo ellasekhekhok mokhom, eleliehekhok nahan Eniapom Neten.

2 Corintios 6:1

Nenmakmesama ennengko'o Eniapom Neten, nellasnema nhan meltemeskesekhek koneng aktaqmanma nke nak apkellanei'o Eniapom Neten.

Galatas 4:12

Ketlhengkap elialheng'a askeltavek etnangkok astemakha nak ko'o, ka stemak ko'o aptaiangkolha nak ketlhengkap. Ma lhta henaqtevaskamak ko'o

Filipenses 1:27

Vanlha askeltavek allangkok lhema aspaioma askellanemakha etnangkok ketlhengkap, ellanamo mota qaselha akpeivomo nkoie aktemakha nak hengetlhekmoskama ania'a aktaqmanma aniem'o Cristo, nkaqhok moniakhe' nlho ka la aniakhak ham askeltavek koka aiho ehenke nheklhek kelha aliennaktema meliaskeiam, aknemo nhan mo'ok apvalho'ok apkellammelhma la nhan akientalhnema akvai'a la'a aniem'o m'a meliaskeiam ania'a aktaqmanma.

Filipenses 3:16

Ntasek angelloka mota aktakha la akietnema mongiaskeiam.

1 Tesalonicenses 5:13

Ellaho mota malha apkelpetma la'a, ellasekho ta nhan ngkanek apkelpasme mota ketlhengkap ma'a, elloka ta nhan metka akmaska apieseksek anak ketlhengkap ham.

2 Tesalonicenses 2:1

Ketlhengkap elialheng'a, nengeleltavek angellapiosama angelleltennaksek aktemakha nak ma'a apvaktamo ta apveske engankok Jesucristo kakpota hengankesekhak ennengko'o m'a,

1 Timoteo 5:21

Askeltave etnek lheiap napaqtek Eniapom Neten, Jesucristo, kanhan ángeles apkeliekieskama, eliehekhok henganemakha astakha lhkek askano, etne apeivomo napaqtavek aplhamakho enenlhet'avok, etne ta nhan apneskamo mo'ok apkellanei'o po'ok.

2 Timoteo 4:1

Askeltavek ko etnek lheiap napaqtek Eniapom Neten kanhan Cristo Jesús apto ta nhan apvekta kakpota etnek apveske, eliekpelkok hata nhan aktemakha apkellanekamok aktaqmanma nlho ka la ngkollatsekama apkellelto nak aphalhnanko'ok kakpota nhan apkenmaskengvaiakmo,

1 Pedro 2:11

Ketlhengkap elialheng'a askellamelaiam, have apkellavakha hengke'e lhmankek ham, malha akiakvatakho la apsavhekho apkellangiemhaikama ka ngkanek angvapiosalhkok allanhok askeltemo enmankok aliaspongkomakha nak apvalho'ok, nnaqtevaskaskek songkek apvalho'ok ma'a.

1 Pedro 5:10

Koka apkelvaskapo la akiakvatakho nkek apkellengaiangko akientalhnema, eltemeskesek hata nhan apkelpeivomo Eniapom neten ma'a, eliennakteksek hata nhan, elteniaskesek hata nhan apiempeiok, ellangkok hata nhan apkeliangveiakmo aktemakha apkelvetai'a. Hai, etnek hata Eniapom Neten ma'a ngkanek avanhek apkellamelaiam ketlhengkap ma'a, apkeliekieskek na kakpota elpasengvomok aktakmelakha nkek nkotnengvaiam annelha apkelpasmekha Jesucristo.