1 Corintios 1:1 - Nuevo Testamento Toba Maskoy

¹ Ko'o Pablo, heiavekama panke lhta Jesucristo kakpota atnek heiapaskamo mota aniem'o nhan apkeltema Eniapom Neten, alhelhma nhan hengke'e eialheng Sostenes.

1 Corintios 1:1 Iomraidhean Croise

Lucas 6:13

Ka atsai'o lhnak ma'a, apkellaveiangka lhnak lhamakho apkeltamesaikamok, koka apkeliekieskamo lhnak vanlha 12 enenlhet kakpota etnangkok apkelapasekama. Netamen nak ma'a, apkelapaskamo lhnak kakpota elpaiaksek ania'a aktaqmanma m'a.

Juan 15:16

Ma lhta heliekiesangkok ketlhengkap, ko'o koka nkeniemai'ak askeliekiesaiangko ehenke, ka askellapaso lhma nkek ham kakpota nkolhnangkok ngkeskama akielhna metka aktemongvaiam annelha. Netamen hata nhan ellangkok hata Tata apkelelmalhnengka la'a qaselha, akieplomo koka asvesai'a nak.

Juan 20:21

Lhta aptak mokhom Jesús apkellano: —¡Altaqmelaikama apvalho'ok hata ketlhengkap hengke'e! Allapaksek hata ketlhengkap ka kto nak ko'o heiapaskama Eniapom —lhta aptak.

Hechos 1:15

Lhema knem na ntemak ma'a, apkelpaqmetkeskamo Pedro m'a apkellelto apkelialheng'a m'a, apkaknekhek nak malha 120 enenlhet'avok ma'a, lhna aptemak apkellanemo:

Hechos 1:2

akvakmo m'a aknem aknemo akiantemekho lhnak neten. Koka amanie lhnak ma'a apkellaiangko lhema apaivoma apkellanemakha etnangkok aniem'o Espíritu Santo apkellelto lhnak ma'a apkelikieskama apkelapaskamo apankok.

Hechos 18:17

koka apkelpathetmo lhnak apto apkemhama apmanie nemaknekhelha m'a apvesai'a Sostenes, apkeltekpoiangka nhan ma'a akieto konne aliekpelkammalhkelha nentaiangkolha, man noka eniammelhmok gobernador Galion ma'a.

Hechos 22:21

Koka lhta aptak heiano mokhom Apveske: "Eniakha panke', askeltave ko'o emhangkok lheiap mokhek ankek mo'ok apkellavakha apkakhaiangkolha nak metnangko nak judios", lhta aptak heiano.

Romanos 1:1

Ko'o Pablo, heiasennaikama Cristo Jesús, nketlhenkek evalhok ketlhengkap ham. Heliekieskama lhta Eniapom Neten kakpota atnek heiapaskama mota apaiaksek ania'a aktaqmanma apankok ma'a.

Romanos 1:10

Neksa askenmalhnongkoma mota Eniapom Neten, askenmalhnema m'a heiangkok aktaqmanma la astaienta amaika'a ham.

Romanos 1:5

Jesucristo hetaqmelkeskeskama askaniemhaikama ngkanek hetneskeskamo heiapaskamo mota kakpota apaiaksek ania'a aklhenammalhka apvesai'a apieseksek metnangko nak judios. Ketlhengkap nahan romanos apkelpalhkammap apieseksek anak ham, kakpota meliaskamek, eleliehekhok nahan, etnangkok hata apkennemolhema apkelpokkenammap.

1 Corintios 15:9

Hai, ko'o asto akmaselhte asiaspommalhka apieseksek anak ma'a nema allapaskamo nak, ngvannammalhkek evalhok atnek nema heiapaskamo ngkanek asmenlhenaikama lhta iglesia apankok Eniapom Neten.

1 Corintios 3:9

Hai, ennengko'o nengelelto nenmakmesaikama Eniapom Neten, ketlhengkap koka malha aniep, malha nhan pa'at la akiavai'a Eniapom Neten apankok.

2 Corintios 1:1

Ko'o Pablo asto heiapaskama Cristo Jesús aniem'o nhan aptema Eniapom Neten, alhelhma koka ko'o Timoteo hengke'e. Nengenmak'ak angellapaksek atlheianma engvalho'ok apkellelto iglesia apankok Eniapom Neten ham na temma Corinto, kakpota nhan aplhamakho apkelpokkenammap apkakhangko m'a iokhalhma Acaya.

2 Corintios 11:5

Malha neten apankavek la niekhe m'a nema allapaskama nak apketlheiam netamen ko'o, koka have ko koneng ankek ma'a.

2 Corintios 12:12

Apkeliavek ketlhengkap asto nhan nema heiapaskamo ko'o, apkelvetai'a lhta asmakmeiangka metka aspekheskama, askelanai'a lhta nhan qaselha mongenatkeskama, qaselha hempelapkeskama nhan, qaselha akiavai'a akmovana nhan apieseksek anak ketlhengkap.

2 Corintios 8:5

Apkelpenesave lhta nhan apketlheianma kakpota ellasennama aktaqmanma nkek Apveske, kakpota nhan angellasennama ennengko'o. Aptangke lhta apkelleltemakha la etnangkok Eniapom Neten ma'a.

Galatas 1:1

Ko'o Pablo hetneskeskamo heiapaskama Jesucristo kanhan Eniapom Neten apto nhan aplhatekhaskeiam apieseksek apkenmaskengvaiakmo, have enenlhet apankavek hellapaskama.

Efesios 1:1

Ko'o Pablo, heiapaskamo apankok Jesucristo aniem'o apkeltemo atnek Eniapom Neten, nlhenkek evalhok apkellelto apkelpokkenammap kanhan apkeleliehekho mota apkakhangko ham Efeso, aptangko nhan apkelpasmekha m'a Cristo Jesús.

Efesios 4:11

Apkeltemeskeskamo lhta nhan apanke moklhem'a nema allapaskamo, po'ok na apkeleltennasemmap ania'a, po'ok na lhta nhan apkeltennaikama ania'a aktaqmanma, po'ok na pastores kakpota nhan hengetlhekmoskama.

Colosenses 1:1

Ko'o Pablo, asto heiapaskama Jesucristo aniem'o aptema Eniapom Neten, Timoteo nhan alhelhma hengke'e.

1 Timoteo 1:1

Ko'o Pablo asto heiapaskama Cristo Jesús apto niapom al·halhnekama engvalho'ok angvetak aktaqmanma. Hellapaskama koka m'a Eniapom Neten apto hengelvongkeskamo tep kanhan Cristo Jesús kakpota apaiaksek ania'a aktaqmanma.

1 Timoteo 2:7

Ko'o lhta nhan nemo hetneskeskamo askeltennaikama ania'a kanhan nema heiapaskamo kakpota atlhekmoksek aktemakha mongiaskeiam akto have niapak ankek apieseksek anak metnangko nak judios. Have niapak ankek astakha nak alheianma, have asmopvana ania'a.

2 Timoteo 1:1

Ko'o Pablo asto heiapaskama apankok Cristo aniem'o apkeltema Eniapom Neten, kakpota apaiaksek ania'a aktemakha aplheianmo lhnak nanek Eniapom Neten have niapak ankek hengellangkok hata aliennaktema ennenio'ok mankotnengvaianlha nnelha aniem'o nelpasmekha Cristo Jesús,