Mark 1:3 - MÖNÖ KÖMÖ

³ Nöbö aku, mögörɨb nöbö mö mɨga mɨdölöi, mögörɨb rɨg kap mibɨl yöraku du mɨdön, wö rön yajöna, ‘Nöbö Diba hömɨda! Ödöi höña pisö pibö rɨg mɨjön bla, pɨd kwol pɨlɨx rɨg mɨjön bla, pɨn wöd höimöl ri abne,’ cönɨŋö,” röŋa.

Mark 1:3 Iomraidhean Croise

Matiu 3:1

Nasaret mɨdim wop mibɨl aku, Jon röbö pal nölɨb nöbö aku hön, mögörɨb Judia mibɨl yöra, mögörɨb nöbö mö mɨga mɨdmɨdölöi, mögörɨb rɨg kap mibɨl piaku mɨdmɨn nugugɨrön, nöbö mö bla hömɨn, nuŋ ñɨgö mönö yad nölmɨda.

Matiu 3:3

Jon ñɨgö mönö yad nölmɨd aku, God mönö yadɨb nöbö Aisaia maduar cönɨŋö, rön, rɨg kai kɨtöŋ mag akwör röŋa. Aisaia mönö aku kai kɨtön yadöŋa, “Nöbö i, mögörɨb nöbö mö mɨga mɨdölöi, mögörɨb rɨg kap mibɨl yöraku du mɨdön, wö rön yajöna, ‘Nöbö Diba hömɨda! Ödöia höña pisö pibö rɨg mɨjön bla, pɨd pɨlɨx rɨg mɨjön bla, pɨn wöd höimöl ri abön mɨjne,’ cönɨŋö,” röŋa.

Luke 3:2

Makwam wop aku, nöbö nagö Anas Kaiapas yöŋö, God ap höjöpal ur nölɨb nöbö dib ödöriö hogwa Jerusalem mɨdmɨdöia. Makwam wop mibɨl yöraku, Sekaraia ha nuŋwa Jon, nöbö mö mɨga mɨdmɨdölöi, mögörɨb rɨg kap mibɨl piaku hölɨmön mɨdmɨda. Mibɨl piaku hölɨmön mɨdmɨn nugugɨrön, God nuŋ Jon nugwo rɨba nölmɨn,

John 1:15

Mönö aku nuŋ höŋ aku, Jon nuŋ nugwön, wö rön, nöbö mö akuyöbö ñɨgö yadöŋa, “Weik hö Nöbö mɨdö kɨ, nɨ ñɨgö höd yadma, ‘Nöbö i nuŋ nɨ mai hömɨd aku, jɨ nɨ yöx pön hölim wop aku, nuŋ maduar ör ib hör i mɨdmɨda. Makwam, nuŋ nɨ röxgɨb yöi; nuŋ Nöbö Dib ödöriö,’ me rɨma aku, nöbö aku maku pal,” röŋa.