Luke 8:3 - MÖNÖ KÖMÖ

³ Mö i Joana. Nöbönɨŋ nuŋwa ib nuŋwa Kuja. Nuŋ kiŋ Herod rama ap bla nugwidɨx mɨdmɨdöŋa. Mö i Susana. Mö bli kwo mɨga pɨsaŋ yönmɨdmä. Mö adaku ñɨŋ magalɨg rɨg ñɨŋa keir pön, ap mag wob pön hön, Jisas nöbö nuŋ bla pɨsaŋ ap maga nɨgiö nɨgön nɨm yönmɨdmä.

Luke 8:3 Iomraidhean Croise

Matiu 14:1

Makwam gapman nöbö dib Herod mögörɨb Galili nugwidɨx mɨdmɨd aku, Jisas nuŋ agö magɨm röŋ mönö aku nugwön,

Matiu 14:3

Makwam Herod nuŋ Jon nugwo nag nɨgön, pɨl pal nɨgöŋ mönö il aku aliö mɨda. Herod nuŋ pɨgnɨŋ Pilip mönɨŋ Herodias pön dumɨn, Jon Herod nugwo yadöŋa, “Naŋ akuyöbö ailö aku, mag wä i röiö. Nöbö i pɨgnɨŋ nuŋwa kömö mɨdaŋ nobɨlnɨŋ nuŋwa penɨŋö,” röŋa. Jon aliö rɨmɨn, Herodias nuŋ Herod mönö aku yadöŋa nugwön Herod Jon nugwo pön du nag nɨgön, pɨl pal nɨgɨnö, rön rɨbyöx nugwöŋ aku, jɨ nöbö mö bla, Jon nugwo God mönö yadɨb nöbö an, me rɨmä aku nugwön ipöxön nɨg duöŋa.

Matiu 14:6

Makwam mai Herod nuöma nugwo yöx pön höŋ wop akwör, nöbö mö mɨg mɨŋa hö mögum rön, ap mag ur nɨmɨba rɨmä. Wop aku, Herodias halöu nuŋ aku hön mibɨl yöra höx wödmɨn, Herod nugumɨn, mɨ wä röŋa.

Matiu 2:11

Ram möl bö duön nugumɨn, ha kiaia aku nuöm Maria pɨsaŋ mɨdöŋa. Ñɨŋ du höxmax yuön, ha kiai aku iba yadmɨn bɨl sö dumɨdɨm nugwön, yogw ñɨŋ bla höjöxön, ha aku nugwo ap wä bli nölmä. Gol bli, pia hölɨŋ wä höb bli, wel röbö hölɨŋ wä höb bli nölmä.

Matiu 20:8

Pɨgön mag aku, wain möriwö mɨnöbö aku, nöbö nugwidɨx mɨdɨb nuŋ aku nugwo yajöna, ‘Nagö duön, mabö na rɨmɨdöi nöbö bla ñɨgö yadaŋ, höŋ, nöbö mai yadmön höi bla, rɨg ñɨgö aku höd nölön, nöbö höd yadmön höi bla, rɨg ñɨgö aku mai nölanö,’ cöna.

Matiu 25:40

“Aliö yadɨŋ, Kiŋ aku yajöna, ‘Haul nɨ hör i ösös rɨ ri abön röi mag akuyöbö, nɨ algör ösös rɨ ri ablaŋö,’ cöna.

Matiu 26:11

Nöbö mö ap mɨdöl piaku ñɨŋ pɨsaŋ öim mɨjöña, jɨ nɨ ñɨŋ pɨsaŋ öim mɨdöinɨŋ.

Matiu 27:55

Makwam mö mɨga hön, hör ör yörkwo mɨdön nugugu mɨdmä. Mö piaku Jisas nugwo rɨ nölɨba Galili yöbö hömä.

Luke 24:10

Mö rogw mönö yad nölim aku, Maria Magdala aku, Joana aku, Jems nuöm Maria aku, mö bli pɨsaŋ.

John 12:6

Nuŋ aliö yadöŋ aku, nöbö mö ap mɨdöl bla uliöxön yadölöŋ; nuŋ rɨg yogw aku rag yönön, bli tar kib pɨmɨd makwam aliö yadöŋa.

Aposol 13:1

Taun dib Adiok yöraku God mönö yadɨb nöbö bli, God mönö yad nölɨb nöbö bli mɨdmä. Nöbö piaku, i Banabas; i Simion. Nöbö Simion aku nugwo Nöbö Pɨx me rɨmɨdmä. Nöbö i Lusias, nuŋ Sairini taun yöbö. Nöbö i Maneyen, nuŋ Kiŋ Herod nöbö nugub nuŋ i. Nöbö i Sol.

2 Korid 8:9

Nöbö Dib ana Jisas Krais anɨŋ uliöxön pɨ ri aböŋ aku nugwöia; nuŋ ram nuŋ yör sö mɨdɨm, ap i met wölöŋ mɨ. Mɨd ri ab gɨ mɨdöŋ aku, jɨ ñɨgö, me rön, ap magalɨg mɨdöŋ yör sö röböxön, il kɨ hön, nöbö lɨblɨb rɨbä mɨda akuyöbö mɨdöŋa. Nuŋ aliö alöŋ aku, ñɨŋ nöbö mö rɨb akuyöbö, nöbö mö ap i met wöl akuyöbö mɨjne, rön, alöŋa.

1 Timoti 5:10

Lap wösrö nöbö mö bli nugwɨŋ wä cön lap wösrö piakwör iba pöña. Mö mag wä rol akwör rön, halöu ha ulmɨdö bla nugwidɨx mɨd ri abön mönö nölɨm mɨd ri abmɨdöi bla, nöbö mö pad piakuyöbö höm pɨ ösös rön ap mag nölön, nöbö mö Krais nugw pɨmɨdöi akuyöbö ñɨgö mabö rɨ nölön, nöbö mö rɨb mɨxɨla yöx öliöxmɨdöi bla ñɨgö pɨ ösös rɨ ri abön rɨmɨdöi lap wösrö piakwör iba pöña.