Luke 7:16 - MÖNÖ KÖMÖ

¹⁶ Makwam nöbö mö nugugu mɨdim bla magalɨg pɨlɨx rön, God iba mag wöl gɨr yadmä, “God mönö yadɨb nöbö dib ödöriö anɨŋ ha. God anɨŋ rɨ nölɨba hö,” rɨmä.

Luke 7:16 Iomraidhean Croise

Matiu 15:31

Akuyöbö almɨn, nöbö mö piaku nugwön, aiö rön yadmä, “An Isrel nöbö mö God an aku mɨ God wä mɨdöm. Nöbö mö albeñ höbkalöŋ bla rɨmɨn, mönö pöia; nöbö mö iŋ wajmag kakabail um nɨgöŋ bla rɨmɨn, wä ra; nöbö mö yödpɨlö gwogwo röŋ bla rɨmɨn, yön ri abmɨdöia; nöbö mö mämäg we wölöŋ bla rɨmɨn, mämäg ix nugumɨdöiŋö,” rön, ib nuŋwa yadmɨn bɨl sö duöŋa.

Matiu 21:11

Aliö rɨmɨn, nöbö mö Jisas pɨsaŋ hömä akuyöbö yadmä, “Nöbö kɨ mɨ Jisas, God mönö yadɨb nöbö Nasaret mögörɨb Galili yöbö aku,” me rɨmä.

Matiu 28:8

Ejol aliö rɨmɨn, mö hogwa nugwön ipöxim aku, jɨ mɨ wahax pɨ gɨrön, nöbäpö hogwaj aku rɨmgör röböxön, Jisas nöbö nuŋ pia yad nölɨba ipalɨp dumä.

Matiu 9:8

Ram nuŋwa dumɨn nugugɨrön, nöbö mö bla nugwön, God yadɨm Jisas hön rɨmɨda, rön, ipöx gɨrön, nöbö i mögörɨb il kɨ mag akuyöbö aliö almɨn nugwölölɨŋö, rön, God iba yadmɨn bɨl sö duöŋa.

Luke 1:65

Nöbö mö il yöraku hölɨmön mɨdim akuyöbö, alöŋ aku nugwön ipöxön, mönö aku piöx rag du mögörɨb Judia yuadö me blaku magalɨg nöbö mö akuyöbö yad nölmä.

Luke 1:68

“An Isrel nöbö mö, God Nöbö Dib ana ib nuŋwa pɨrag wöl yadɨŋ bɨl sö duaŋ. Nuŋ keir mögörɨb il kɨ hön, nöbö mö nuŋwa wobön höbkal pa.

Luke 19:44

hön rɨ gwogwam rɨŋ, möriwö kul, ram bla magalɨg, rɨg i rɨg i rol sö waxön mɨdenɨm; nöbö mö, halöu ha, rɨg kul yuadö mɨjöñ akuyöbö ram alɨg pal gɨlɨx ab gɨlɨx rɨ aböña. God ñɨgö pɨba hö wop kɨ nugwölöi makwam, mag akuyöbö aiönɨŋö,” röŋa.

Luke 2:20

Nöbö hön sipsip urɨb bla, God ejol nuŋ akuyöbö rɨg yadim akwör rɨmɨn mämäg ñɨŋa keir nugwim makwam, God ib nuŋwa urön pɨ bɨl sö ab gɨrön, hem pia höuöil dumä.

Luke 24:19

Aliö rɨmɨn, Jisas yadöŋa, “Ap aku pödpöd rɨm yadmɨdöi?” röŋa. Aliö rɨmɨn, yadmä, “Jisas nöbö Nasaret yöbö röŋ aku mɨ. God mönö yadɨb nöbö aku, mönö yad nöl ri abön, ap rölɨbä piaku rɨmɨdöŋa. Aliö alöŋ aku, God nugwo pɨsaŋ mɨdɨm alöŋa. Nöbö mö alöŋ aku nugwön mɨ wahax pɨmɨdmä.

Luke 5:26

Almɨn, nöbö mö nugugu mɨdim akuyöbö magalɨg pɨlɨx rön, God iba pɨrag wöl gɨrön yadmä, “Weik ap keiryöbö i rɨmɨdmɨn nugwölɨŋö,” rön, aiö waiö rɨmä.

Luke 5:8

Akuyöbö almɨn nugwön, Saimon Pita nöbö nuŋ pɨsaŋ bɨyöj rol mɨdmä akuyöbö, dölöm mɨga pɨmä akuyöbö nugwön, rɨb mɨga akwör yöxmä. Sebedi ha nuŋwa Jems Jon yöŋö, bɨyöj i pön Saimon pɨsaŋ mabö nɨgiö nɨgön rɨmɨd nöbö hogwa, algör ör rɨb mɨga yöx nugumä. Makwam, Saimon du Jisas mɨdöŋ il yöra höxmax yuön yadöŋa, “Nöbö Dib, nɨ nöbö ap kib mag gwogwo rɨl aku, naŋ hör pikwo duö,” röŋa. Aliö rɨmɨn, Jisas yadöŋa, “Nagö ipöxmɨjɨnö. Weik wop mɨdö kɨ ila nɨgön, dölöm pɨb nöbö mɨdlö aku röböxön, nöbö mö yölɨŋ God adö pön höb nöbö mɨjnaŋö,” röŋa.

Luke 7:15

Aliö rɨmɨn, ha öbɨl römɨdön mönö pɨmɨn nugugɨrön, Jisas nuöma nugwo, ha nagö aku, me rön, pön nölöŋa.

Luke 7:39

Aliö almɨdmɨn, Perisi nöbö Saimon aku, rɨb nuŋ akwör yöx nugwön nugwo keir yadöŋa, “Nöbö kɨ God mönö yadɨb nöbö ödöriö mɨdöxisöŋö, mö kɨ nuŋ ap kib mag gwogwo rɨmɨd mö gwogwo i hön nugwo pɨ nugumɨd aku, me rön, röx nugwöx,” me röŋa.

Luke 8:37

Makwam Gerasa nöbö mö magalɨg ölölö rɨm ipöxön, Jisas nugwo, naŋ höbkal duö, rɨmɨn, bɨyöja pön höuöil duöŋa.

Luke 9:19

Jisas aliö rɨmɨn, yadmä, “Nöbö mö bli naŋ röbö pal nölɨb nöbö Jon aku, me rön, rɨbyöx nugwöia; bli God mönö yadɨb nöbö hödyöbö Ilaija, me rön, rɨbyöx nugwöia; bli maduö nöbö God mönö yadmɨdöi akuyöbö i höbkal kömö nɨgön hö, rön, rɨbyöx nugwöiŋö,” rɨmä.

John 1:21

Aliö rɨmɨn, ñɨŋ paiŋö yadmä, “Aliö rɨlö aku, nagö agö nöböm? Nagö Ilaija mönö ä?” rɨmä. Aliö rɨmɨn, Jon yadöŋa, “Nɨ Ilaija yöi,” me röŋa. Aliö rɨmɨn, ñɨŋ yadmä, “Nagö God mönö yadɨb nöbö öim pöx mɨdmɨdöl akwör mönö ä?” rɨmä. Aliö rɨmɨn, Jon wöhö röŋa.

John 1:25

Ñɨŋ Jon nugwo yad nugwön yadmä, “Nagö yadlö, nɨ Krais yöi, Ilaija yöi, God mönö yadɨb nöbö pöx mɨdmɨdöl aku yöi wöhö, rɨlö makwam, pödpöd rɨmɨn nöbö mö akuyöbö ñɨgö röbö pal nölmɨdlö?” rɨmä.

John 4:19

Jisas aliö rɨmɨn, mö aku yadöŋa, “Nöbö dib. Nɨ nugula, nagö God mönö yadɨb nöböm.

John 6:14

Nöbö mö akuyöbö Jisas ap rölɨbä akuyöbö röŋ aku nugwön yadmä, “An weik nugwöla, nöbö kɨ mɨ, God Mönö Yadɨb Nöbö mögörɨb il kɨ hönɨŋö rön öim yadmɨdöl nöbö aku mɨk pal,” rɨmä.

John 9:17

Perisi nöbö bla, nöbö aku nugwo iswob yad nugwön yadmä, “ ‘Nöbö mämäg na rɨmɨn mämäg na ix nugulö,’ rɨlö aku, naŋ nöbö aku nöbö pödiöm, me rɨ rɨbyöx nugulö?” rɨmä. Aliö rɨmɨn, yadöŋa, “Nɨ nugula nuŋ God mönö yadɨb nöbö i,” me röŋa.

Aposol 5:5

Pita aliö rɨmɨn, Ananaias nugwön mag akwör hö pɨn mɨgrö bö palön aŋadö wöröxöŋa. Almɨn nugugɨrön, nöbö mö bla alöŋ mag aku nugwön, ölölö rɨmɨn ipöxmä.

Aposol 7:37

“Mosɨs nuŋwör nöbö mö Isrel ñɨgö yadöŋa, ‘God nuŋ, mönö nuŋwa yadɨb nöbö i, ha ñɨŋa keir nöbö nɨ röxgɨb i, yad abaŋ, ñɨgö hönɨŋö,’ röŋa.

Galesia 1:24

ñɨŋ nugwön God ib nuŋwa yadmɨn bɨl sö dumɨda.