Luke 5:7 - MÖNÖ KÖMÖ

⁷ Akuyöbö almɨn nugwön, nɨmam nöbö bɨyöj rol i mɨdmä akuyöbö ñɨgö iŋ haxmɨn, ñɨŋ hön dölöm piaku pön, bɨyöj hogw aku nɨgɨm, mɨ aŋadö aja wölön, bɨyöj hogwa mösör mɨñ röbö yuadö pɨn dubä maga röŋa.

Luke 5:7 Iomraidhean Croise

Mark 4:36

Jisas aliö rɨmɨn, nöbö nuŋ akuyöbö nöbö mö mɨga akwör hö mɨdim akuyöbö ñɨgö röböxön, röbö alebö Jisas mɨdöŋ möl aku wölön, dumä. Röbö alebö bli alɨg pɨsaŋ dumä.

Luke 5:6

Aliö rön, ñɨŋ ubena pɨ abɨm nugugɨrön, dölöm mɨga uben möla aja wölɨm, ubena mɨñ ödörɨbä maga röŋa.

Luke 5:8

Akuyöbö almɨn nugwön, Saimon Pita nöbö nuŋ pɨsaŋ bɨyöj rol mɨdmä akuyöbö, dölöm mɨga pɨmä akuyöbö nugwön, rɨb mɨga akwör yöxmä. Sebedi ha nuŋwa Jems Jon yöŋö, bɨyöj i pön Saimon pɨsaŋ mabö nɨgiö nɨgön rɨmɨd nöbö hogwa, algör ör rɨb mɨga yöx nugumä. Makwam, Saimon du Jisas mɨdöŋ il yöra höxmax yuön yadöŋa, “Nöbö Dib, nɨ nöbö ap kib mag gwogwo rɨl aku, naŋ hör pikwo duö,” röŋa. Aliö rɨmɨn, Jisas yadöŋa, “Nagö ipöxmɨjɨnö. Weik wop mɨdö kɨ ila nɨgön, dölöm pɨb nöbö mɨdlö aku röböxön, nöbö mö yölɨŋ God adö pön höb nöbö mɨjnaŋö,” röŋa.

Aposol 11:25

Banabas nɨ du Sol nugwo pön hönö, rön, taun dib Tasas duöŋa.

Galesia 6:2

Nöbö mö ana bli ömörö pɨmɨdɨŋ, ñɨgö uliöxön nugwidɨx mɨdɨŋ, ñɨŋ mɨd ri abɨŋ. Akuyöbö aiöñ aku, Krais lo nuŋ rɨg yadmɨd mag akuyöbö cöña.

Pilipai 4:3

Makwam nöbö wä na, nɨ pɨsaŋ nɨgiö nɨgön mabö rɨmɨdöl aku, nɨ nagö yadmɨdla, naŋ mö hogw aku ñɨgö pɨ ösös rɨ nölaŋ, mɨd ri aböña. Höd mö hogw aku, nɨ aku, Klemen aku, nöbö mö piaku bli pɨsaŋ nɨgiö nɨgön, Krais mönö wä nuŋ aku nöbö mö akuyöbö yad nölmɨdöla. God nuŋ ib ñɨŋa nöbö mö öim kömö mɨdɨb köp rogw mɨdö bö kai kɨt gɨm mɨda.