Luke 4:1 - MÖNÖ KÖMÖ

^1-2 Inöm Leia nuŋ Jisas nugwo aja wölön, nugwo yölɨŋön röbö Jodan yuö piaku pön dum, Jisas mögörɨb nöbö mö mɨdmɨdölöi, mögörɨb rɨg kap mibɨl piaku mɨdöŋa. Kɨjaki nuŋ Jisas ap kib mag gwogwo mag bli cönɨŋönö wöhö rɨ nugu gɨrön rɨ rɨp du wöhö nugwön, wop akuyöbö padokwo padök paŋyöbö i höuöiliö hö pɨn du adokwebö mɨj bö (40) duöŋa. Jisas ap mag nɨmölöŋ wöhö, nuŋ kiö diba pɨlöŋa.

Luke 4:1 Iomraidhean Croise

Matiu 3:16

Jon Jisas nuŋ röbö pal nölmɨn nugugɨrön, Jisas röbö halaia hön nugumɨn, adöx sö waglöxɨm möla rödmɨn, God Inöma nuŋ yöur döpwö röxg bɨbɨ rɨ pɨn Jisas göröŋa.

Luke 2:27

Makwam wop aku, Inöma nuŋ Simion nugwo rɨbyöx nölmɨn, God höjöpalɨb rama duön nugumɨn, Josep mönöbö hogwa Jisas nugwo pön duön, lo mönö rɨg yadöŋ mag akuyöbö cɨnɨŋö, rön, hö mɨdmä.

Luke 3:3

mögörɨb röbö Jodan yuö pö piaku yönmɨdmɨn nugwön nöbö mö akuyöbö höm, ñɨgö mönö yad nölmɨdöŋa, “Ap kib mag gwogwo röi aku, pödpöd rɨmɨn aliö alölɨŋö, rön, röböxön nɨ höŋ, nɨ ñɨgö röbö pal nölmön, God ap kib mag gwogwo röi bla nugwön röböxaŋ,” me rɨmɨdöŋa.

Luke 3:38

Kenan nuö nuŋwa Inos. Inos nuö nuŋwa Set. Set nuö nuŋwa Adam. Adam nuö nuŋwa God.

Luke 4:14

Makwam God Inöma Jisas nugwo ölɨsö nölmɨn, Jisas nuŋ höbkal hön mögörɨb Galili mɨdmɨn nugugɨrön, nöbö mö akuyöbö, mönö nuŋ aku nugwön, mögörɨb Galili yuadö akuyöbö magalɨg pön dumä.

Luke 4:18

“Nöbö Dib aku nɨ, mabö na rane, rön, Inöm nuŋwa agal abmɨn nɨ pɨsaŋ mɨda. Makwam, nöbö mö lɨblɨb rɨ mɨdö bla ñɨgö mönö wä aku yad nölmön, nugw ri aböña. Kɨlabɨs nöbö mö röxg mɨdöi bla ñɨgö naga yau abmön, kömö diöña. Nöbö mö mämäg we röxg mɨdöi bla ñɨgö rɨmön, mämäga ix nugwöña. Nöbö mö rɨ öliöx mɨdöi bla ñɨgö pɨ ösös rɨmön, mɨd ri aböña.

John 1:32

Makwam Jon Jisas mönö adakwör yadön yadöŋa, “Nöbö kɨ nöbö kai, me rön, nɨ keir nugwöyöx; jɨ Nöbö nɨ yad abmɨn hön, nöbö mö ñɨgö röbö pal nölmɨdɨl aku yadöŋa, ‘Nagö nugwaŋ, Inöma nuŋ hön nöbö kai pɨsaŋ mɨjön, Nöbö akwör nuŋ nöbö mö piaku ñɨgö Inöm Leia pal nöiönɨŋö,’ röŋa. Yadöŋ mönö aku, weik Inöma adöx yöd röul adö kau sebö yöur döpwö röxg bɨbɨ rɨ pɨn nugwo görmɨn

John 3:34

God nuŋ Jisas aböŋ aku, Inöm nuŋ aku nugwo nölmɨn aja wölmɨn, God mönö mag nuŋ akwör yad nölmɨda.

Aposol 1:2

Mai, God nuŋ Jisas pön mögörɨb adöx yöd röul adö kau sö pön wöluöŋa. Jɨ nuŋ adöx yöd röul adö kau sö wöluba röŋ mag aku, nuŋ rɨmɨn Inöm Leia nuŋ mönö nuŋwa pön dub nöbö yad nɨgöŋ nöbö akuyöbö ñɨgö yad nöl ri aböŋa. Mönö aku magalɨg höd kai kɨtön nagö nölɨm maku.

Aposol 10:38

Makwam ñɨŋ mödö nugwöia, Jisas Nasaret yöbö nöbö aku, God nuŋ nugwo pɨsaŋ mɨdön, Inöm Leia nugwo nölön, nugwidɨx mɨdmɨn nugugɨrön, ölɨsö nuŋ akwör pön, mögörɨb hörɨrör akuyöbö magalɨg yön gɨrön, nöbö mö piaku rɨ ri ab gɨrön, nöbö mö kɨjaki ñɨgö rɨmɨn öliöxön mɨdim piaku ñɨgö rɨmɨn, kömö nɨgmɨda.

Aposol 8:39

Al gɨrön röbö pal nölön, rɨb yöraku hömɨn nugugɨrön, rɨb pia Nöbö Dib Inöm nuŋwa Pilip nugwo pön, hör möl i pön dumɨn nugugɨrön, nöbö dib aku nugwo nugwölöŋ. Nuŋ piöŋö mɨ ödöriö wahax pɨ gɨrön ödöi aku duöŋa.