Luke 3:1 - MÖNÖ KÖMÖ

¹ Rom gapman nöbö dib ödöriö Sisa Taibirias mögörɨb piaku piaku nugwidɨx mɨdmɨda kɨma akuyöbö yöniö pɨnöŋ mac adokwebö kwo (15). Makwam nuŋ pad piaku mɨdön, nöbö nugwidɨx mɨdɨb höglöm yöbö nuŋ bli yad nɨgmɨn, du mögörɨb bli nugwidɨx mɨdmɨdöia. Nöbö nuŋ Podias Pailot mögörɨb Judia nöbö mö akuyöbö nugwidɨx mɨdmɨda. Nöbö nuŋwa Herod mögörɨb Galili nöbö mö akuyöbö nugwidɨx mɨdmɨda. Herod pɨgnɨŋ nuŋwa Pilip mögörɨb Iduria nöbö mö akuyöbö aipam, mögörɨb Trakonaitis nöbö mö akuyöbö aipam nugwidɨx mɨdmɨda. Nöbö nuŋwa Laisenias mögörɨb Abilini nöbö mö akuyöbö nugwidɨx mɨdmɨda.

Luke 3:1 Iomraidhean Croise

Matiu 14:1

Makwam gapman nöbö dib Herod mögörɨb Galili nugwidɨx mɨdmɨd aku, Jisas nuŋ agö magɨm röŋ mönö aku nugwön,

Matiu 14:3

Makwam Herod nuŋ Jon nugwo nag nɨgön, pɨl pal nɨgöŋ mönö il aku aliö mɨda. Herod nuŋ pɨgnɨŋ Pilip mönɨŋ Herodias pön dumɨn, Jon Herod nugwo yadöŋa, “Naŋ akuyöbö ailö aku, mag wä i röiö. Nöbö i pɨgnɨŋ nuŋwa kömö mɨdaŋ nobɨlnɨŋ nuŋwa penɨŋö,” röŋa. Jon aliö rɨmɨn, Herodias nuŋ Herod mönö aku yadöŋa nugwön Herod Jon nugwo pön du nag nɨgön, pɨl pal nɨgɨnö, rön rɨbyöx nugwöŋ aku, jɨ nöbö mö bla, Jon nugwo God mönö yadɨb nöbö an, me rɨmä aku nugwön ipöxön nɨg duöŋa.

Matiu 14:6

Makwam mai Herod nuöma nugwo yöx pön höŋ wop akwör, nöbö mö mɨg mɨŋa hö mögum rön, ap mag ur nɨmɨba rɨmä. Wop aku, Herodias halöu nuŋ aku hön mibɨl yöra höx wödmɨn, Herod nugumɨn, mɨ wä röŋa.

Matiu 22:17

Makwam, naŋ rɨb kai yöx nugulö? An Isrel nöbö mö, Sisa nöbö diba taun dib Rom yöbö aku, nugwo takis nölɨb mönö nölölɨbɨm, wöhö?” rɨmä.

Matiu 27:2

Makwam, Jisas nugwo nag nɨgön, pön duön gapman nöbö dib gapna Pailot nölmä.

Mark 6:17

Aku agapɨm: höd Herod, pɨgnɨŋ Pilip mönɨŋ Herodias röd pöŋa. Pɨmɨn, Jon “Ailö aku, mag waiö i röiö. Nobɨlnɨŋ nobɨlnɨŋ nuŋwa penɨŋö,” röŋa. Makwam Jon aliö rɨmɨn, Herodias Jon nugwo nugumɨn ölɨsö wölmɨn yadɨm, Herod nöbö nuŋ bla bli yad abmɨn duön Jon nugwo nag nɨgmä. Mö Herodias, nuŋ nɨ pödpöd rön Jon nugwo pɨl pal nɨgɨnö, rön, rɨb akwör yöx nugumɨda aku,

Mark 6:21

Mö Herodias, Jon nugwo pɨl pal nɨgɨnö, rön, nugugu mɨd mɨd aku wop i, Herod nuöma nugwo yöx pön höŋ hörögö röbön wop akwör, ap diba nɨmɨba, gapman nöbö dib bla nɨgön, ami nöbö dib bla nɨgön, mögörɨb Galili nöbö dib akuyöbö mönö wob abɨm, ap diba nɨmɨba hömä.

Luke 13:31

Wop akwör, Perisi nöbö bli hön Jisas nugwo yadmä, “Gapman nöbö dib Herod nagö pɨl pal nɨgɨba rɨmɨda. Makwam, nagö mögörɨb kɨ röböxön, mögörɨb hör i duö,” rɨmä.

Luke 2:1

Makwam wop aku, gapman nöbö dib Sisa Ogastas nuŋ lo nɨgön yadöŋa, “Nöbö mö nɨ nugwidɨx mɨdɨl akuyöbö, ñɨŋ magalɨg ib ñɨŋa pɨŋ,” me röŋa.

Luke 23:24

Pailot mönö ñɨgö aku pön,

Luke 3:19

Makwam gapman nöbö dib Herod, ap kib mag gwogwo piaku rɨp duön, mai pɨgnɨŋ Pilip mönɨŋ nuŋwa Herodias nugwo pɨsaŋ yönmɨn, Jon nuŋ aku mag wä rölö, röŋa.

Luke 9:7

Makwam nöbö mö akuyöbö, Jisas agap apɨm röŋ mönö aku yad nölɨp yönɨm nugugɨrön, gapman nöbö dib Herod nugwön, rɨb mɨga yöxöŋa. Nöbö mö bli yadmä, “Röbö pal nölɨb nöbö Jon göliöda römaxdörɨm wöröxöŋ nöbö aku höuöil öbɨlö,” rɨmä.

Aposol 23:26

Nɨ Klodias Lisias. Nagö gapman nöbö dib Piliks köp kɨ kai kɨtmɨdla. Nagö mɨdlö ä?

Aposol 24:27

Kɨm mös pöröŋa nugwön nöbö nagö Posias Pestas, Piliks yöra nuŋ pön, mögörɨb aku gapna mɨdöŋa. Makwam Piliks, Juda ada nɨ nöbö waiö, me rɨŋ, me rön, Pol nag mɨdöŋ aku yau abölöŋ.

Aposol 26:30

Pol aliö rɨmɨn, Kiŋ Agripa aku, Gapna Pestas aku, Agripa nölöunɨŋ Benis aku, nöbö mö mɨdim piaku magalɨg öbɨlön, rɨŋö bö duön, yadmä, “Nöbö mö bli rɨ gwogwam rɨŋ aku, mönö diba yadön, bli nag nɨgön, bli aŋadö pɨl pal nɨgöña. Makwam nöbö kɨ mag gwogwo i röl, wöhö,” rɨmä.

Aposol 4:27

Kiŋ Herod aipam, gapman nöbö dib Podias Pailot aipam, Juda nöbö mö yöi akuyöbö bli aipam, Isrel nöbö mö bɨlɨk yöbö bli aipam, Jerusalem yörɨk hön, Mabö Rɨ Nölɨb Nöbö lei naŋ aku Jisas, Mesaia yad nɨgmö akwör, mönö paŋyöbö i yad ödör nɨgmä.