Luke 17:4 - MÖNÖ KÖMÖ

⁴ Ap ñɨgö akuyöbö bli rɨ gwogwam rön, mai hön, pödpöd rɨmɨn akuyöbö rɨlö, rön, yadmɨjön aku, ap gwogwo röŋ aku nugwön röböxöña. Makwam wop paŋyöbö i alön raŋ raŋ akuyöbö mɨj sö aku cön aku, algör ör nugwön röböxöñɨŋö,” röŋa.

Luke 17:4 Iomraidhean Croise

Matiu 18:16

Makwam naŋ akuyöbö alaŋ, nuŋ nugwen aku, naŋ duön, haul mölöu nöbö mö mös yölɨŋ pön haŋ, ñɨŋ nugugu mɨdɨŋ nugugɨrön, naŋ nöbö aku pɨsaŋ mönö nɨgö.

Matiu 18:35

Ñɨŋ nöbö mö haul mölöu nöbö ñɨŋ akuyöbö mag akuyöbö almɨjeñ aku, Acö na adöx yöd röul adö kau sö mɨd aku, ñɨgö kwo paŋ mag akwör cöna. Makwam, nöbö mö haul mölöu nöbö ñɨŋ bla ñɨgö rɨ gwogwam rɨmɨjöñ aku, ñɨgö uliöxön, madmag nɨgön kwönö, röböxnö,” röŋa.

Matiu 5:44

Jɨ nɨ ñɨgö yadmɨdla: nöbö mö pɨlgɨb imgɨb ñɨŋ bla, ñɨŋ madmag nɨgön; nöbö mö ñɨgö rɨ gwogwam röi piaku, ñɨŋ God höjöpalön yajöña, ‘Naŋ ñɨgö nugwidɨx mɨd ri abanö,’ cöña.

Matiu 6:12

Nöbö mö bli anɨŋ rɨ gwogwam röia nugwön röböxöl aku, an ap kib mag gwogwo röl aku, naŋ mag gwogwo ana aku algör nugwön röböxö.

Luke 17:5

Jisas aliö rɨmɨdmɨn, mönö nuŋwa pön dub nöbö bla yadmä, “Nagö anɨŋ raŋ, nugw pɨb mag ana dib röxaŋ,” me rɨmä.

Romans 12:20

Makwam, nöbö nagö Solomon nuŋ God Mönö rɨb mɨŋi kai kɨtön yadöŋa, “Nöbö mö ñɨgö rɨ gwogwam rim akuyöbö ñɨŋ kiö piön aku, ñɨgö ñɨŋ ap mag cöña; ñɨŋ röbö de piön aku, röbö nöiöña. Aliö almɨjöñ aku, nöbö ñɨgö rɨ gwogwam rim piaku yöcmac ñɨŋa rol sö rɨnamö yön gɨba abɨŋ yönaŋ nugwöñɨŋö,” röŋa.