Luke 12:9 - MÖNÖ KÖMÖ

⁹ Makwam nöbö mö Jisas adö mɨdölölɨŋö, rön, nöbö mö mɨdöi mibɨl yöra wöxnö yadmɨjöñ piaku, nɨ ñɨgö paiŋö aipam nöbö mö kɨyöbö nɨ adö mɨdölöiŋö, rön, God ejol nuŋ bla mɨdöi mibɨl yöra wöxnö yad nöiöna.

Luke 12:9 Iomraidhean Croise

Matiu 10:33

Makwam nöbö mö kai, nɨ cɨrɨp ri abölön, nöbö mö pɨsaŋ mɨjöñ mibɨl yöraku yajöña, nöbö aku nɨ nugumɨdöiö, rɨmɨjöñ akuyöbö, nɨ paiŋö Acö na adöx yöd röul adö kau sö mɨd aku nugwo, nöbö mö kɨyöbö nɨ nugumɨdöiö, cɨna.

Matiu 25:12

Aliö rɨmɨdɨŋ, yajöna, ‘Nɨ ñɨgö mi yadmɨdla, nɨ ñɨgö nugumɨdöi pal,’ cönɨŋö,” röŋa.

Matiu 25:31

“Nöbö Ha nuŋwa Kiŋ diba mɨdön, mil ölɨsö wä keiryöbö alɨp hön wop aku, ejol bla magalɨg pɨsaŋ hön, hogw rol Kiŋa römɨd gɨ mɨdɨb rol aku römɨdaŋ,

Matiu 25:41

Ñɨgö aliö rön, nöbö mö imag cökö adaku mɨjöñ akuyöbö ñɨgö yajöna, ‘God ñɨgö nugwön rɨb gwogwo yöx nugumɨda. Nuŋ kɨjaki nugwo aipam, ejol nuŋ bla aipam, ñɨgö ölɨŋ pɨlaŋ nugugɨrön mɨdɨŋ, me rön, yör ñɨŋa rɨn hör yönmɨd yöra rɨ nɨgöŋa. Ñɨŋ nöbö mö gwogwo, ölɨŋ höb diba pɨmɨjöñ bla, nɨ röböxön, rɨn hör yönmɨd möl bö di.

Matiu 7:23

Nɨ aliö yajöñ aku, jɨ nɨ ñɨgö yajɨna, ‘Nɨ ñɨŋ nugumɨdöi; ñɨŋ mag gwogwo akwör röia, hör pikwo di!’ cɨna.

Mark 8:38

“Weik wop kɨ nöbö mö ñɨŋ nöbö mö kib mag yönön, ap kib mag gwogwo rɨ gör mɨdöi aku, nöbö mö kai nɨ aipam mönö na aipam möigw yöxöñ aku, mai Nöbö Ha nuŋwa Nuö mil mag wä keiryöbö pön, ejol lei bla pɨsaŋ hön wop aku, nuŋ ñɨgö algör ör möigw yöxön, ‘Nöbö mö akuyöbö ñɨgö nugumɨdöiö,’ cönɨŋö,” röŋa.

Luke 15:10

Mag aliö akuyöbö mɨ, nöbö mö paŋyöbö i, ap kib mag gwogwo rɨl aku, pödpöd rɨmɨn aliö ailö, rön, röböxmɨjön aku, adöx yöd röul adö kau sö yöraku God ejol nuŋ bla nugwön mɨ ödöriö wahax pöñɨŋö,” röŋa.

Luke 22:57

Aliö rɨmɨn, Pita yadöŋa, “Halöu mɨg, nöbö aku nɨ nugumɨdöiö!” röŋa.

Luke 9:26

Nöbö mö yön nɨ möigw yöxön, nɨ Jisas nugwo nugumɨdöiö, rön, mönö na nugw pen aku, mai Acö an nuarö mil mag wä keiryöbö aku pön, ejol lei bla mil wä alɨg hön wop aku, nöbö aku nuŋ möigw yöxön, nugumɨdöiö, cɨna.

2 Timoti 2:12

An Krais Jisas mabö nuŋwa rɨmɨdɨŋ, nöbö mö piaku anɨŋ ölɨsö wölaŋ rɨ gwogwam rɨmɨdɨŋ, ipöxiö röböxöinɨŋ aku, nuŋ Kiŋ mɨdön nöbö mö piaku nugwidɨx mɨjön wop aku, an nuŋ pɨsaŋ mɨdön, algör ör nöbö mö piaku nugwidɨx mɨjnɨŋa. An Krais Jisas nugwo nugwölölɨŋö, cɨnɨŋ aku, anɨŋ kwo algör ör, ñɨgö nugumɨdöiö, cöna.

1 Jon 2:23

Nöbö mö Jisas nuŋ God Ha yöi, me rɨmɨdöi bla, ñɨŋ Nuö nuŋwa nugwölöi. Nöbö mö Jisas nuŋ God Ha nuŋwa mɨdö, rön, yad wöxnö nɨgmɨdöi bla, ñɨŋ Nuö nuŋwa aipam nugwöia.

1 Jon 2:28

Halöu ha madmag yöbö nɨ bla. Krais nugwo cɨrɨp gɨ mɨdɨŋ mɨ, nuŋ höuöil hön wop aku, an nugwo nugwɨŋ möigw hen; yau ab gɨb akwör mɨjnɨŋa.

Repelesin 3:8

Nuŋ yada, “Ñɨŋ rɨg rɨmɨdöi mag aku nɨ mödö nugula. Ñɨŋ nöbö mö mɨga mɨdölöi, jɨ mönö na nugw pɨ gö nɨgön, nöbö mö mibɨla ñɨŋ nöbö mö na mɨdöi aku wöxnö yad nölmɨdöia. Makwam, ñɨgö uba rödmön, nöbö mö bli wöl nölɨb maga mɨdöl.