Luke 1:3 - MÖNÖ KÖMÖ

³ Makwam nöbö dib Tiopilas, nɨ kwo algör ör mönö nɨ yad nölim aku, ila magalɨg hölu nugw ri abɨl makwam, nɨ algör ör mönö aku magalɨg rɨbyöx nugw ri abön, nagö kai kɨtɨba rɨmɨdla.

Luke 1:3 Iomraidhean Croise

Luke 1:1

Jisas Krais mibɨl anɨŋ kɨ yöx pön höm, dib röxön rɨg röŋ röŋ mag akuyöbö, nöbö bli mämäg ñɨŋa keir nugwön, mönö mag wä aku yad nölɨp yönön, nɨ aipam, nöbö mö bli kwo ñɨgö aipam, yad nölmä. Yad nölmɨdmɨn nöbö mɨga mönö aku nugw ri abön kai kɨtmä.

Aposol 1:1

Nöböhöd Tiopilas. Nɨ nagö mönö höd kai kɨtma aku, Jisas nugwo yöx pön höm, dib röxön mabö ila nɨgön mɨdɨp duön, agap apɨm rön, mönö kai kai yad nölöŋ aku, nagö köp agñɨŋ aku kai kɨtma.

Aposol 11:4

Aliö rɨmɨdɨm, Pita taun dib Jopa mɨdön rɨb nugwöŋ haiwo aku ñɨgö yad nöl gɨrön yadöŋa,

Aposol 15:19

Jems mönö aku yadön yadöŋa, “Rɨb na yöx nugul aku, Juda nöbö mö yöi Jisas nugw pöñ akuyöbö, ñɨgö ömörö bli nölöinɨŋ.

Aposol 15:25

Makwam, an nöbö bli an keir yad nɨgɨŋ, nöbö madmag yöbö an wä ödöriö Pol Banabas nöbö hogwa mösör yöña.

Aposol 15:28

An mögum rön, mönö aku yadɨp dumɨn nugugɨrön, Inöm Leia nuŋ an rɨb wä nölmɨn, köp kai kɨtön ömörö bli ñɨgö nölöinɨŋö, rön, yad nɨgöla. Hör mönö mösör yajnɨŋö, rön, yad nɨgöla.

Aposol 18:23

Pol Adiok duön, hör wop mɨŋi uplöb mɨdön yöraku röböxön, du Galesia Propins yöra aipam, mögörɨb Prijia yöra aipam rɨp yön gɨrön, nöbö mö Jisas nugwo höd nugw pim bla, ñɨŋ Jisas mönö wä aku nugw pɨ gö nɨgɨnö, rön, ñɨgö magalɨg yad nöl ri aböŋa.

Aposol 23:26

Nɨ Klodias Lisias. Nagö gapman nöbö dib Piliks köp kɨ kai kɨtmɨdla. Nagö mɨdlö ä?

Aposol 24:3

Mögörɨb an kɨ rɨgwoŋ rɨgwoŋ piaku magalɨg öim öim rɨ ri abmɨdlö aku nugwön an wahax pön nagö ri ablaŋe rɨmɨdöla.

Aposol 26:25

Aliö rɨmɨn, Pol paiŋö yadöŋa, “Nöbö dib wä na Pestas. Nɨ u pɨlɨm yadmɨdöi. Rɨbyöx nugwön nugw ri abön, mönö mɨ ödöriö aku yadmɨdla.

1 Korid 16:12

Makwam haul ana Apolos nugwo mönö ölɨsö yadön yadla, naŋ haul nöbö bli uba rɨmɨdöi piaku pɨsaŋ duö, rɨl aku, jɨ nuŋ weik wen. Mai ub maga rɨmɨdaŋ yöna.

1 Korid 7:40

Makwam rɨb nɨ yöxɨl aku, nöbönɨŋa wöröxaŋ, lap wösrö röxg mɨdöi mag akuyöbö röxg mɨjön aku waiö. Nuŋ aliö alön wahax pɨ gɨr mɨdön, mɨd ri aböna. Nɨ rɨbyöx nugula, God Inöma nuŋ nɨ rɨba nölmɨn nugugɨrön ñɨgö mönö kɨ yadmɨdla.

1 Timoti 4:6

Mönö yadmɨdɨl kɨ, haul nöbö mölöu nöbö piaku ñɨgö yad nöl ri abmɨjɨnö aku, naŋ Krais Jisas mabö rɨ nölɨb nöbö wä mɨjɨnö. Naŋ höd ha ulmɨdö mɨdön, Krais Jisas mönö wä nuŋ akwör nagö yad nölmɨdmɨn naŋ nugw ri abön, rɨg yad akuyöbö akwör mai duön, rɨp hön, wopik algör ör mönö wä aku nugwön mai dumɨdlö.