Luke 1:1 - MÖNÖ KÖMÖ

^1-2 Jisas Krais mibɨl anɨŋ kɨ yöx pön höm, dib röxön rɨg röŋ röŋ mag akuyöbö, nöbö bli mämäg ñɨŋa keir nugwön, mönö mag wä aku yad nölɨp yönön, nɨ aipam, nöbö mö bli kwo ñɨgö aipam, yad nölmä. Yad nölmɨdmɨn nöbö mɨga mönö aku nugw ri abön kai kɨtmä.

Luke 1:1 Iomraidhean Croise

Mark 16:20

Makwam nöbö nuŋ akuyöbö duön, Krais mönö wä aku mögörɨb piaku piaku magalɨg yad nölɨŋ duaŋ nugugɨrön, Nöbö Diba, mönö wä na mɨ nɨgönɨŋö, rön, ñɨgö pɨsaŋ mɨdön ölɨsö nölɨm, ap rölɨbä mag cɨmal akuyöbö rɨmä.

John 20:31

Makwam ñɨŋ, Jisas nuŋwör Krais aku, God Ha nuŋwa ödöriö akwör, me rön, nugwo nugw pɨŋ, ñɨgö paŋ, nugwo pɨsaŋ kömö mɨjöñɨŋö, rön, mönö kɨ kai kɨtla.

Romans 14:5

Makwam nöbö mö bli nugwɨŋ, wop i God wop dib nuŋwa nɨga, wop i wop hör i nɨga. Makwam nöbö mö bli nugwɨŋ, wop i God wop dib nuŋwa nɨgöl; wop magalɨg wop hörɨr mɨdöl. Makwam, ñɨŋ hörɨrör mɨdöi aku mɨ, rɨb ñɨŋ wä yöxmɨdöi adaku nugwön rɨŋ duaŋ.

Kolosi 2:2

Ñɨŋ wahax pön rɨb wä yöx nugu gör mɨdön, rɨb paŋyöbö iör nugwön, nuö nuö madmag nɨgön, rɨbyöx nugw ri abön, God Mönö umadiö mɨdmɨd aku magalɨg nugw ri abɨŋ, me rön, rɨb aku yöx nugumɨdla. God Mönö umadiö mɨdmɨd aku Krais.

Kolosi 4:12

Nöbö ñɨŋ Epapras, Krais Jisas mabö rɨmɨd nöbö aku ñɨgö, “Mɨdöiŋ ä?” ra. Nuŋ öim öim ususör rön ñɨgö God höjöpal gɨrön yadmɨda, “Ñɨŋ rɨb bli yöxmɨjeñ; Krais mönö wä aku nugw pɨ gö nɨgön, nugwo cɨrɨp ri ab gɨrön, naŋ rɨg yajɨnö mag akwör rɨŋ duaŋ,” me rɨmɨda.

1 Tesalonaika 1:5

Krais mönö mag wä nuŋ aku rag ram ñɨŋ piaku wön, ñɨgö mönö mag akwör yad nölmɨŋa. Inöm Leia nuŋ yuö an kwo mɨdön, ölɨsö nuŋwa anɨŋ nölmɨn nugugɨrön, Krais mönö wä aku mönö ma ödöriö mɨdö, rön, ñɨgö mönö paxdöriö akwör yad nölmɨn nugw pɨmä. Ñɨŋ pɨsaŋ mɨdön, ñɨgö me rön aliö rɨmɨdöl aku ñɨŋ keir mödö nugwöia.

1 Timoti 3:16

Mör, God Mönö mag aku mönö ma ödöriö yada: Krais Jisas nöbial mɨxɨña nɨgmɨn, nöbö mö nugwo wöxnö nugumä. God Inöma, Jisas rɨ ri ablaŋö, röŋa. Ejol bla ñɨŋ nugwo nugumä. Nöbö mö mögörɨb adadö piaku piaku yönön, mönö wä nuŋwa nöbö mö piaku ñɨgö yad nölmɨdmä. Nöbö mö mögörɨb adadö piaku piaku nugwo nugw pɨmä. Nuö nuŋwa nugwo pön mil mag wä keiryöbö alɨg adöx yöd röul adö kau sö yöraku pön wöluöŋa.

2 Timoti 4:17

Nɨ mönö diba yadim aku, Nöbö Diba nɨ nugwidɨx mɨdmɨn nugugɨrön, mönö wä nuŋ aku nöbö mö piakuyöbö mɨga akwör hön mɨdim bla, ñɨgö amnör yad nölmön nugumä. Nöbö Diba rɨmɨn, hön laiön aku nɨ öbɨx nɨmɨb maga nɨgölöŋ.

Hibru 10:22

Makwam, Krais ap kib mag gwogwo rɨmɨdöl pɨx aku mödö örɨx abmɨn, rɨb mag ana mɨd ri abmɨda nugwön, an röbö pal ri abön, lei akwör mɨdön, God mönö wä aku nugw pɨ gö nɨgön, rɨb paŋyöbö iör nugwön, God mɨd il yöra dinɨŋa.

Hibru 6:11

Makwam anɨŋ wä cön aku, ñɨŋ magalɨg mag mɨd akwör öim öim rɨ gɨrön mɨdɨp dumɨd dumɨd, du God pɨsaŋ öim öim mɨd ri abnɨŋö, rɨ rɨbyöx nugwöi mag akuyöbö, cöna.