9 Imöuöi aku röböxön, lɨb pɨlaŋ nugugɨrön im gör mɨjöña.
Jisas aliö rɨmɨn, yadmä, “Nöbö gwogwam cöñ piaku ñɨgö rɨmɨdaŋ, ölɨŋ höb dib ödöriö pön wöröxöña; mai nöbö mö yoŋyöbö pön, ñɨgö nag wain möriwö aku yad nɨgön, wañ pɨlaŋ rɨmɨjöña. Nag wain maga göj yön wop aku, ödör rag du nuŋ nöiöñɨŋö,” rɨmä.
Nöbö mö immɨdöi bla, God ñɨgö yad pön makwam, ñɨŋ mɨ wahax pɨmɨdɨŋ.
Aliö rɨmɨn, Ebraham yadöŋa, ‘Ha na nugwö! Mögörɨb il bö mɨdmɨdlö wop aku, nagö ap wä wä nagö pɨmɨdlö, jɨ Lasaras ap gwogwo gwogwo akwör pɨmɨda. Makwam weik mögörɨb kɨ, nuŋ wä mɨdmɨn nugugɨrön, nagör ölɨŋ höb diba pɨlmɨda.
Ñɨŋ weik kiö diba pɨl bla, mai kiö pɨlen. Rɨb aku yöx nugwön wahaxbör wahax pɨmɨjöña. Ñɨŋ lɨblɨb rɨm, immɨdöi bla, mai wä raŋ nugugɨrön imöuöña. Rɨb aku yöx nugwön wahaxbör wahax pɨmɨjöña.
Makwam ñɨŋ weik ap mag nɨmön rɨm rɨm wöt bɨr bla, mai kiö piön makwam nugw ri aböña. Makwam ñɨŋ wopik mönö pön imöuön mögö möul rɨ gɨr mɨdöi bla, mai lɨb pɨlaŋ imön möb nɨg gɨr mɨjöña.
